fbpx

Tag: 老天尊

《新著龍虎門》夠膽整死蚩尤? 出「大風暴」誤傷自己咁都得?

《新著龍虎門》夠膽整死蚩尤? 出「大風暴」誤傷自己咁都得?

睇完今期第1093期《新著龍虎門》係幾震驚嘅,雖則家陣蚩尤不及《舊著龍虎門》般霸氣縱橫,但好歹都係個受歡迎一線角色,真係夠膽整死佢?睇個勢,似乎係,唔只見下期封面預告畫到蚩尤斷手,仲喺《王小龍傳貳》賣行廣告話「無窮戰意有盡時,戰神蚩尤征途終局」,兼寫明「1093‧1094‧1095戰神永逝不復返!」實牙實齒講到蚩尤得番兩期命咁款。苟如是,我會Sad。其實唔只Sad,仲覺得劇情好無厘頭。無厘頭在一,太弱化蚩尤,我諗喺九成九港漫迷心目中,喺單挑情況下,蚩尤就算贏唔到老天尊都至少同Grade可以打個平手,家陣老天尊剛剛屍變復活,憑幾期前連企都未企得穩嘅殘軀就可以打死蚩尤?會唔會兒戲咗啲?二,以書中武值觀推論,以蚩尤呢類超級高手隨隨便便篤吓手指就可以打爛一部車、求求其其揮吓拳頭揼地就可以搞到天崩地裂計,居然會俾一個爛鬼船錨割斷手臂?有無搞錯呀大佬;三,最Un頂able,係蚩尤出招「大風暴」,居然會俾反捲番向自己嘅半截船頭「重重一插」,繼而「頂住背門阻住自己退路」?大佬呀,唔知大家點睇,我就不嬲覺得「大風暴」同「雷霆擊鼓」同屬絕招級數,出絕招會咁「唔小心」傷害番自己嘅咩?咁石黑龍出絕招「鬼哭神號」會唔會唔小心俾自己支雙節棍扑番自己?老祖宗玩「御劍飛行」會唔會唔小心俾把劍篤親自己?白仇用萬毒心經會唔會唔小心毒死番自己?咪玩啦大佬,其實我只望有符合邏輯嘅劇情啫,真係咁難?            

Read more ›

《新著龍虎門》九死邪功大晒老天尊復活 甲蟲無厘頭遷怒石黑龍講唔通

《新著龍虎門》九死邪功大晒老天尊復活 甲蟲無厘頭遷怒石黑龍講唔通

噓!老天尊喺今期第1086期《新著龍虎門》正式復活,米已成炊,都無謂討論合唔合理咯。想講嘅係,此例一開肯肯定尾大不掉,因為會將《新著龍虎門》嘅武學觀完全崩壞,以後甚麼金鐘罩、九陽神功、易筋經、洗髓經、無相神功、神Or魔Or正統道經統統靠邊站,練到幾高層次都無用,全部人練晒九死邪功咪得囉,反正死N次都可以翻生,其他武功仲學嚟把托咩?最頂唔順係老天尊攬住班仔女嘅骨頭,之後硬生生融入體內重鑄身體骨骼,有無兒戲咗啲?以補充鈣質論堪稱天下第一。至於新出角色掃墓人甲蟲,唔少港漫迷話接受唔到咁猥瑣核突,但我認為不論造型或性格設定都係100%成功嘅,五官、身材同對白固然猥瑣到一個點,對住鐵心張死人相釋放身體多餘蛋白質嗰兩格,我直頭睇到反眼反到出外太空,但話明猥瑣吖嘛,依家咪夠晒猥瑣囉,能夠惹起討論,咪證明成功囉……

Read more ›
接受港漫迷畫錯鬚指正 《新著龍虎門》畫番啱老天尊面相

接受港漫迷畫錯鬚指正 《新著龍虎門》畫番啱老天尊面相

港漫迷尤其死忠一族,當然Including me,睇公仔書是非常留心的。話說上期第1072期《新著龍虎門》書末嘅下期預告版頭,網民留意到已經死咗N年嘅通天教鐵令公上唇畫多咗兩撇鬍鬚,搞到面相成個老祖宗咁款,故紛紛以「鐵祖宗」、「老天尊之祖宗」等名字揶揄之。得網民指正,製作團隊梗係要畫番啱佢喇,鄺志德剛剛喺面書釋出下期封面打稿,無上唇鬍鬚嘅老天尊正常番了,五官順眼番晒了。見有錯,即補鑊,總算從善如流,今次就畀番隻手指公喇。

Read more ›
支持!許景琛《龍虎門Z》第二期開訂!

支持!許景琛《龍虎門Z》第二期開訂!

許景琛《龍虎門Z》第二期就快出版,普通版分正邪兩個封面版本,「正」以石黑龍、光頭星加毒眼龍擔綱,「邪」以老祖宗、老天尊同老邪神掛帥,兩者合併可以成為一個大封面,各售$68。特別版當然唔少得,分A同B款,A款包一書、1張閃卡、8張普通卡,售$118;B款包一書1、金版3D打印Q版王小虎、Postcard,售$380。家陣正式開訂,花多唔使眼亂,慢慢揀總有一個版本啱你心水,當然,全部買晒就最Goodest喇,呢句我幫許景琛講嘅。

Read more ›
《新著龍虎門》蒼龍之死大呼過癮!老天尊仲可以翻生?

《新著龍虎門》蒼龍之死大呼過癮!老天尊仲可以翻生?

閱今期第1062期《新著龍虎門》有感。一,大呼過癮!蒼龍俾老妖一招分屍殺盡斷四肢,掟入油桶用水泥封死,跟手掟埋落海溺斃,等練成正宗九死邪功嘅佢死完翻生,翻生完又浸死,浸死完再翻生,如此這般無限輪迴,真箇大快人心;無疑手段係兇殘咗,亦非常黑社會黑幫仇殺Feel,但對敵人仁慈即係對自己殘忍,改邪歸正嘅老妖咁做合情合理呀喂,而諗到因為練九死邪功所以死九萬幾次先真正死得去,我覺得係一個好點子來的。二,莫名其妙,書末頁係個大大震撼彈,雖則我都好鍾意通天教老天尊呢個角色,但預示佢翻生會唔會過份咗啲?老天尊好似俾萬毒毒到屍骨無存,即係已經灰飛煙滅,仲點重現人世?呢條橋會唔會扭得盡咗啲?希望編劇可以合情合理地成功扭橋喇。

Read more ›
網圖分享:張萬有的雷霆擊鼓

網圖分享:張萬有的雷霆擊鼓

蚩尤,一個我都好鍾意嘅《龍虎門》角色,仲記得佢初初出場嗰陣,三句唔埋就話食人肉,座下四大族長青龍、白虎、玄武、朱雀,左右使翼龍、飛孤,另加赤鯨、黑鯊王,同石黑龍、王小虎打個天崩地裂,屬超級無敵勁好睇之作。張萬有終於畫蚩尤嘞,仲一畫就畫絕招「雷霆擊鼓」,正。

Read more ›