講到「美魔女」，59歲嘅Yasmina Rossi絕對當之無愧，身為時裝模特兒嘅佢，唔止個樣keep得好，身裁仲fit到爆，完全睇唔出已經59歲。大家都對佢嘅保養秘訣好有興趣，佢接受訪問時就透露自己好耐之前已經進食有機食物，每日都食一個牛油果，每星期會用橄欖油同糖(fine sugar)幫皮膚做磨砂，仲會搽油菜籽油護髮。除咗做模特兒之外，佢仲係一個攝影師，加上keep住做運動，所以話成功係要靠苦幹嘅。

43歲仲咁嘅樣咁嘅皮膚，仲想點？呢位43歲先推出第1隻水著寫真DVD嘅「中川祐子」，年頭2月先介紹過佢首隻DVD，啱啱又嚟，6月26日推出新一隻「中川祐子 Into the mystic」，白色水著，仲有水手服！最恐怖係43歲著起水手服完全冇問題！講多少少，「中川祐子」畢業於「津田塾大学学芸学部」嘅英文學科，有教中小學嘅資格，之後加入咗一間國際企業，去到1997年，突然想辭職嘅佢就開始喺NHK教育主持「３ヵ月英会話」節目，慢慢有啲人氣就報埋天氣，亦都會出現喺朝早新聞同體育焦點等節目，今年2月，正式水著出道。佢話佢老公好支持佢工作，包括性感演出。

日本嘅美魔女選舉之前都介紹過，眨吓眼又一年，啱啱日本就公佈咗第5屆美魔女嘅結果，結果由今年43歲嘅家庭主婦箕輪玖美攞冠軍！睇相見佢面尖尖眼大大，點睇都唔似43歲，而且夠天然唔似人造人。再睇埋其他亞季軍得獎者，難怪佢可以捧走冠軍，抵俾。

  如果要你同個45歲嘅女人拍拖，會唔會諗起個心都離一離？但如果係呢位「水谷雅子」，我可以。出名嘅美魔女，今年已經45歲，但望落似20幾歲，啲皮膚好過好多妙齡港女，佢話全靠佢每日都要5個鐘嚟美容喎。最新有呢個Asahi產品廣告，都幾誇張。

呢位井上和子，之前喺日本美魔女選舉都得過獎，今年42歲，最勁係已經有兩個女同三個孫！啱啱喺日本女性雜誌《美ＳＴ》4月號佢就影咗輯相，而大陸網民就開始熱烈討論話相中係三姊妹都有人信呀，做幾個孫嘅公公都幾爽呀咁……

呢位いとうまい子，有拍日劇，睇佢個樣完全唔似佢嘅真實年齡。係，佢1964年8月18日出生，今年49歲！最近外國網站就介紹咗佢出嘅水著月曆，西方網民實在唔相信自己嘅眼睛，冇計啦，西人出名早熟，見到美魔女仲唔嚇一跳？BTW，啲格仔唔係我哋打嘅，係官方唔想俾你睇到重點，要fans自己買嚟睇喎。

我從來都唔睇年齡，鍾意咪鍾意囉，太多計算咪唔夠浪漫囉，所以！我真係唔介意我女朋友細我好多，只要佢成長得夠成熟，我指心智。不過咁！凡事都有例外，御姊再上一級，日本近年流行一個名詞叫美魔女，泛指35以上嘅女性，而呢個國民美魔女選舉亦都去到第4屆，啱啱早幾日就舉行完，愛知縣嘅西村真弓得到冠軍，佢今年39歲，喺2,400參加者，決賽20位中突圍，老實講真係keep得幾好，B85-W64-H89，呢位全職主婦話全靠佢每星期都睇Girls’Generation嘅MV跳舞喎。據知其他參賽者中有唔少係Model喎。BTW，影片中有水著環節，係咪呀！

日本有好多「美魔女」，即係已屆中年，但仍然保養得宜嘅女性。唔止皮膚keep得好，好多打扮仲好講究。日本網站Lideal專放街拍相，不過對象唔係潮男潮女，而係中年甚至老年婦女，唔好以為無嘢好睇，佢哋嘅打扮一啲都唔差過後生仔女架。網站仲會同佢哋做埋訪問，睇見好多60歲嘅女士仍然打扮得整齊得體，令我更加佩服日本人。所以話，年紀大唔係問題，最緊要著返適合自己年齡嘅打扮。