又係日本「尾道市立美術館」嘅呢隻黑貓，無見一排有啲掛住佢，上美術館官方Twitter就見到佢啲新片，最近佢依然係好有個性，依舊成日去探保安員，又會專登瞓喺門邊舔毛乘機嘆冷氣，好寫意。可能同保安叔叔太熟嘅關係，對方摸佢時佢都照舔毛唔理，有時仲擺出一副好高傲嘅樣，搞到保安叔叔變咗貓奴，入嚟有多啲片睇，超可愛。

老實，如果行美術館見到自己個樣同名畫入面嘅主角一樣，感覺都幾尷尬。外國有網站集合咗大量呢類型嘅相片，原來好多人都試過撞樣，而且仲撞埋髮型，相似度最高可以去到99%，最新面部辨識系統都未必分到呀。

仲記唔記得呢隻想偷入美術館睇貓展覽嘅黑喵？佢嘅憤怒眼神令佢喺網上爆紅，自從被保安拒絕入場之後，輯相喺Twitter有超過1萬個轉發，官方決定推出一個特別版Tote Bag紀念吓。個Tote Bag將隻喵變成超級巨型肥喵，被困喺玻璃門入面，而保安員就指住佢作出訓示。售價1500円，只係發行390個，呢間「尾道市立美術館」果然唔係一般美術館咁簡單，好有生意頭腦！不過隻貓有無得分佣？我驚佢會反嚟報仇。

喵星人都可以鍾意藝術嘅！最近廣島縣嘅「尾道市立美術館」搞咗個同貓有關嘅藝術展，加上地下又放咗幾隻黑貓擺設，吸引咗呢位肥肥哋嘅喵星人到訪。官方放咗呢幾張相上Twitter後好多人RT。BTW，話晒出入啲高級地方，喵星人你打返條呔著返對鞋好喎。

呢個社會實驗好正。最近有兩個外國年青人@TJCruda同@k_vinnn ，喺三藩市嘅美術館做咗個實驗，就咁放咗幅眼鏡喺地下，睇吓途人嘅反應。無幾耐開始有人留意，仲有人拎部相機出嚟瞓地影幅眼鏡，輯相放上Twitter後好多人RT，而佢話最尷尬係之後自己要當無事發生咁去執返幅眼鏡走人‥‥‥