Tag: 美版

瑪利奧玩性感     Forever 21聯乘男/女/童裝勁多款

瑪利奧玩性感 Forever 21聯乘男/女/童裝勁多款

MINI超級任天堂美版同歐版都出咗,咁值得紀念,任天堂都公佈同Forever 21合作推出聯乘產品。今次種類都幾多,女裝、男裝以至童裝都有,有齊孖寶兄弟、孖寶賽車同薩爾達傳說。最難著應該係鬼妹好興但香港比較少女仔敢挑戰嘅背心泳衣一件頭,多少少肥肉都著唔到,好少見瑪利奧咁性感。另外小妹妹示範嗰件公主粉紅色外套都幾靚,啱晒成日想做公主嘅小朋友。入嚟仲有多啲男裝,慢慢睇慢慢揀。

Read more ›

Nicolas Cage美版萬能Key 終於惡搞迪士尼公主

外國影星尼古拉斯基治(Nicolas Cage),堪稱美版馬德鍾,同樣擁有萬能Key嘅尊稱,今次有粉絲再玩大啲,將佢key成迪士尼童話女主角,受害者包括灰姑娘、白雪公主、美人魚、睡公主、美女與野獸嘅Belle等等,仲有埋gif圖,真係好用心,兇手叫Jen Lewis,我好欣賞佢!翻查資料,我哋之前都做過兩次基治改圖專輯,有比卡超圖集,仲有佢扮嘅Steve Jobs、Final Fantasy主角,好精彩,星期日無無聊想搵嘢笑就入嚟啦!

Read more ›

12/5一週碟報價:西遊冇得唔買 德州電鋸有超自然現象

  終於睇咗《西遊‧降魔篇》, 成個人舒服晒, 我想講句, 如果大家信二手影評唔買的話, 你就真係非常硬膠! 另外《德州電鋸殺人狂3D》都好搶眼, 女角真係超得, 不過我就睇到一肚火, 呢套戲太殘忍喇! 尤其係對男性觀眾! 我頂你十次! 另外Mastered in 4K美版藍光有兩隻碟返咗……對唔住! 原本應該係有10隻嘅, 不過太好賣喇, DVD Pro現在得返兩隻, 唔理你有冇4K電視, 想睇最靚畫質, 都冇得唔買, 只係$200中, 貴一百幾十, 但係畫質係天泥之別, 俾錢喇喂!

Read more ›

美版蝙蝠俠夜神起義 12/4 BD送爛罩

頂你個肺!今次中晒!美版《蝙蝠俠夜神起義》嚟緊12月4號見街,普通藍光版35.99美金($280),不過最正係佢個爛罩版,真係你老闆吖!39.99美金($310),估唔到蝙蝠俠個罩只係值三草嘢,唔怪之得佢都唔Q想撈囉!

Read more ›