Post Tagged with: "美少女戰士"

不經意做COSER系列: 美少女戰士模式TEE
by / on 24/09/2013 at 10:51 am

不經意做COSER系列: 美少女戰士模式TEE

美少女戰士今年20週年, 產品真係出唔停! 早個禮拜嘅紙圍裙靚就靚, 但要着出街? 硬係俾人感覺身體有啲暗病、甚至有特殊需要先要咁做嘅感覺…… 好彩! BANDAI終於照顧返啲正常人, 出咗五件「美少女戰士模式Tee」(美少女戦士セーラームーン/3,150円), 大大個蝴蝶花畫喺白TEE領口, 真心幾靚, 簡單幾筆, 好似用小朋友蠟筆畫上去一樣, 不經意、唔浮誇、又有少少COSPLAY味道

Read more ›

美少女戰士化妝品港行返貨 Premium Bandai網上預訂
by / on 18/09/2013 at 6:21 pm

美少女戰士化妝品港行返貨 Premium Bandai網上預訂

呢次正晒! 之前都有報導過嘅美少女戰士出咗指甲油同粉盒, 不過吓吓要過日本網站訂, 真係幾大鑊吓! 剛得知香港嘅Premium Bandai將會返呢兩件貨, 話明唔會派街, 只會當網上特選精品發售! 一套5色指甲油係$500, 嘩!!!! 粉盒我覺得正啲, 十足卡通原著風味, 只係$379, 可以一入喎! 我知! 我唔係用, 我亦唔係偽娘, 我覺得有儲嘅價值啫!

Read more ›
新片速報《美少女戰士》真人舞台劇 水野亞美OK喎!
by / on 15/09/2013 at 12:17 pm

新片速報《美少女戰士》真人舞台劇 水野亞美OK喎!

《美少女戰士》20周年,啱啱早兩日(13日)開始仲喺東京「AiiA Theater Tokyo」公演真人版音樂劇。五位美少女戰士加埋禮服幪面俠以劇中造型現身接受訪問,包括大久保聰美、松浦雅、七木奏音、高橋ユウ、坂田しおり、大和悠河,當中嗰位水野亞美,個人覺得最想俾佢拯救我。

Read more ›
美少女戰士20周年 出紙紥圍裙嚇鬼
by / on 12/09/2013 at 9:29 pm

美少女戰士20周年 出紙紥圍裙嚇鬼

原來今年美少女戰士已經係20周年! 仲記得當年有個心理測驗, 鍾意Sailor Moon、Sailor Mercury、Sailor Mars、Sailor Jupiter、Sailor Venus, 就可以分析你揀女心態! 好喇! 機會又嚟喇! 為咗慶祝呢五位20年前學生妹嘅生日, 所以喺日本伊勢丹開咗條keisuke kanda產品線, 出佢哋嘅產品! 剛公佈推出嘅會有紙造圍裙(1,575円), 睇個盒感覺好Grand, 不過着上身就真係好驚! 我硬係諗起洪金寶《人嚇人》、《人嚇鬼》呀嗰個系列……

Read more ›
美少女戰士Simpson變潮       殺入紐約時裝週
by / on 10/09/2013 at 7:08 am

美少女戰士Simpson變潮 殺入紐約時裝週

時裝嘅嘢我唔明,不過Simpsons同Sailor Moon我明喎。紐約時裝週開鑼,本來時裝唔關我哋事,不過意大利設計師Michele Moricci同網站Swagger New York合作,將一共6個90年代熟悉嘅卡通人物換上今季至潮服飾,全身名牌。唔知點解,見倒Lisa Simpson一身Marc Jacobs我覺得好唔慣,睇埋Sailor Moon低V上身配See through裙嘅Rodarte打扮,我感覺好陌生,同佢有觸不到的距離,不如你都係換返佢套水手服啦。

Read more ›
你你你快跪下 西方《美少女戰士》內衣套裝
by / on 31/07/2013 at 4:11 pm

你你你快跪下 西方《美少女戰士》內衣套裝

美少女戰士Sailor Moon嘅Cosplay衫裙,見好多啦,外國就有月野兔內衣版「Sailor Moon Lingerie Set」,官方仲好有心機搵咗個西方佳麗著住整咗輯真人漫畫……不過如果用番日本囡囡效果應該好好多。149.72美金全套,仲有Sailor Mercury、Sailor Mars等款式,雖然話係內衣,但你睇佢心口個蝴蝶,我相信冇乜可能喺外面王著套衫。

Read more ›

唔做港女唔拜金《美少女戰士》純銀戒指冇鑽石
by / on 17/07/2013 at 2:29 pm

唔做港女唔拜金《美少女戰士》純銀戒指冇鑽石

「自私妹,港女,膚淺,拜金女,我講幾多次都夠膽講﹗」「咁細粒鑽石,想娶個港女?」吳卓羲呢次真係吐氣揚眉,幫我哋出番一口氣。如果,你搵到個唔鍾意鑽石戒指,鍾意《美少女戰士》嘅女朋友或娘娘,咁你就要鎖定嚟緊9月下旬推出嘅《美少女戰士》戒指,粗粗哋都用silver925銀製,而且仲係日本製造,15,750円,唔算貴。而且仲有頸鏈連鏈咀嘅美少女飾物同月野兔Tee賣,前者12,600円,後者中國製,4,988円,8月下旬推出,Cute過頭。

Read more ›
真人版《美少女戰士》舞台劇 角色造型曝光
by / on 03/07/2013 at 3:09 pm

真人版《美少女戰士》舞台劇 角色造型曝光

9月13日至23日期間喺「AiiA Theater Tokyo」公演嘅真人版音樂劇,繼早前嘅選角資料外,啱啱有造型曝光。除咗5位美少女戰士外,仲有大和悠河演禮服幪面俠現身!武內直子將會以審查員身份參與呢套音樂劇嘅製作。《美少女戰士》係1992年開始連載、武內直子原作嘅漫畫,為慶祝20周年(今年2013喎?),仲話今年內會有新動畫推出。

Read more ›
S.H.Figuarts《Tiger & Bunny》Blue Rose 10月推出
by / on 29/06/2013 at 1:37 pm

S.H.Figuarts《Tiger & Bunny》Blue Rose 10月推出

可動性相當高嘅S.H.Figuarts,近排除咗有《美少女戰士》20周年系列令人期待之餘,啱啱亦有呢隻《Tiger & Bunny》嘅Blue Rose實物圖現身。全高約135mm,10月推出,4,725円。除此外,早前公佈嘅《美少女戰士》水野亞美都有新圖發佈,見到佢係會包埋動畫中嘅HMD配件,4,410円,同樣都係10月發售。

Read more ›
《美少女戰士》20周年手機殼 9款圖案多種手機合用
by / on 28/06/2013 at 5:36 pm

《美少女戰士》20周年手機殼 9款圖案多種手機合用

見到《美少女戰士》慶祝20周年,又出粉底盒又出指甲油,再嚟就輪到手機殼。一見到9款手機殼,以為又係得iPhone?今次唔係呀,對應機款有iPhone 4&4S、iPhone 5、Xperia Z S0-02E、Xperia A S0-04E、GALAXY S III&IIIα、GALAXY S4 SC-04E,2,100円,即日接受網上預訂,1個月後派貨。

Read more ›
愛與正義指甲油 《美少女戰士》化妝系列第2彈
by / on 11/06/2013 at 9:25 pm

愛與正義指甲油 《美少女戰士》化妝系列第2彈

第1彈化妝系列宣佈咗後,我哋出咗個報導,估唔到係有位本時惡過老虎嘅女性朋友走埋嚟問:「喂!你個網介紹嗰個粒盒邊度有得買?」「咩粉盒呀?」「玩嘢吓嘛?」「玩咩嘢呀?」「Sailor Moon嗰個呀!」原來,細細個TVB種落好多《美少女戰士》fans,o依家已經茁壯成長……嚟到第2彈,係指甲油,5位女戰士5隻顏色,5,250円,聽日(12日)接受預訂,10月推出。

Read more ›

新片速報 紙紮男版《美少女戰士》再始動
by / on 05/06/2013 at 5:28 pm

新片速報 紙紮男版《美少女戰士》再始動

呢條叫Evan MacIsaac嘅友,佢擺明重口味,話說佢上年已經著紙紮嘅美少女戰衣拍咗一個MV,佢話因為反應熱烈,收到好多人嘅訊息希望再睇佢嘅片。於是就再添食惡搞多一鑊,佢啲衫同假髮全部用紙整,除咗佩服佢嘅心思同手功之外,更加佩服佢嘅勇氣。留意,影片入面所有角色都係佢自己嚟。

Read more ›
美少女轉身變!月野兔變身粉盒即日預訂3,980円
by / on 04/06/2013 at 4:38 pm

美少女轉身變!月野兔變身粉盒即日預訂3,980円

1992年開始連載嘅《美少女戰士》,今年搞作好多,嚟緊有音樂劇又有新動畫,之前又出咗月野兔S.H.Figuarts,嚟緊又有水野亞美。不過之前,Bandai仲有「Miracle Romance」第1彈產品,就係呢個變身粉盒。117mm(W)×74mm(D)×23mm(H)、重258g,今日開始接受預訂,3,980円,10月派貨。話時話,我都好想知我哋多唔多女讀者,如果你鍾意快啲Like啦……當然,男讀者都可以Like嘅。

Read more ›
20周年真人音樂劇《美少女戰士》9月轉身變戰士
by / on 03/06/2013 at 12:26 pm

20周年真人音樂劇《美少女戰士》9月轉身變戰士

之前講咗話由1992年開始連載、武內直子原作嘅《美少女戰士》會製作新動畫,本來夏天推出,o依家就要延期,冇講幾時,但話應該唔駛等到下年。但真人版音樂劇又嚟喇,9月13日至23日喺「AiiA Theater Tokyo」公演,角色都定咗,入嚟拼拼,另外做禮服幪面俠嗰位就係好有經驗嘅大和悠河,武內直子會以審查員身份參與音樂劇製作,喂,啱喇,我想搵你老公呀。

Read more ›
愛與正義!S.H.Figuarts《美少女戰士》水野亞美登場!
by / on 24/05/2013 at 11:11 am

愛與正義!S.H.Figuarts《美少女戰士》水野亞美登場!

正,其實可能我本身對歐美佳麗冇乜興趣,所以金毛玲Sailor Moon月野兔我實在麻麻。我記得我細細個就好鍾意水野亞美多啲,o依家聽見第二彈S.H.Figuarts《美少女戰士》系列係出佢,我好似見番初戀情人咁,心如鹿撞。暫時得白模,5月23日會喺大阪・難波作店頭展出,快啲啦!

Read more ›