使唔使靚成咁？是日推介插畫家Kwaksix，畫女極有一手，呢輯機械裝甲版美少女戰士尤其吸睛，Save as wallpaper屬應份，誇啲講攞嚟出Figure都唔過份。

首先唔駛驚或者開心住，呢個聯乘只係fan made唔係官方製作嘅，設計來自阿根廷嘅插畫師Germán Capisano，佢將龍珠同美少女戰士嘅服裝對調，效果超正，你睇悟空同比達幾嬌俏？睇完啲胸肌再望吓對大髀？入嚟有多啲圖睇。

係愛呀，插畫家「Drawingsfromhell」一定係動漫迷，但佢對動漫角色嘅愛比較特別，愛到將動漫角色性別調轉。一班靚靚美少女戰士，來個百分百《龍珠》化，都仲可以話幾Cutie，但悟空、悟飯、阿樂等全部《美少女戰士》化呢，卻異常崩壞，著晒裙呀大佬，一碌二碌粗髀現晒出嚟，問你點頂？呢鋪真係「地獄來的圖畫」！

美少女戰士嘅產品長出長有，最新公佈有呢款浴衣系列，講真啲款式都幾靚，總共六個款式，100%純錦，每款賣16800円，另外仲有推出埋扇可以襯埋一套！

乃木坂46宣傳緊佢哋個《美少女戦士セーラームーン》舞台劇，咁就有電視播出片段啦，當中一段就係山下美月唱歌嘅片段，有網民覺得係放送事故級數，亦都有人唔明電視台點解咁樣都播，真係咁魔音？

唉係開心嘅，娶咗北川景子都開心啦，啱啱4月8日40歲生日嘅DAIGO，早前就搞咗個生日會，咁除咗北川景子之外，仲有泉里香、澤井美優、安座間美優、小松彩夏全員真人版《美少女戰士》到場……

呢條片逐個步驟教你整《美少女戰士》「月野兔」便當，為嘅係宣傳Sailor Moon 25周年出嘅片。唔，咁整好之後俾邊個食？冇o架，享受個過程嘛，自己食囉。

  法國呢位cosplayer Leo Bane大大隻，一睇就知玩開健身。佢cos過嘅角色都係啲大隻仔角色，例如God of War嘅戰神、LOL嘅Udyr、戰狼300、街霸等等，不過最近佢好大膽，竟然轉風格cosplay美少女戰士，仲因為咁而流失咗大量fans。睇返佢輯相，唔只撐爆咗美少女戰士件衫，啲表情仲超摟打，但係我鍾意。入嚟有多啲相睇。

正常嚟講，睇《美少女戰士》變身嘅一幕，的確係令人心花怒放嘅，嗰種又夢幻又盛嘅感覺，就好似……呢個電話殼，配埋變身嘅音樂，又流沙又閃燈效果，真係超靚！

美少女戰士Sailor Moon今年25週年，陸續有大量新產品推出。官方最近公佈有呢個系列嘅浴衣套裝，同京都丸紅株式會社合作，連埋腰帶仲有紙扇，勁多款式，離遠睇其實都唔係好睇得出係美少女戰士，啱晒鍾意低調嘅fans。每款浴衣賣16800円起，2月開始發售，全部款式都好靚！

今次我真係唔知邊個代替啲咩嘢懲罰邊個。原來喺樂天有呢系列男性用Cosplay服，當然細碼可以係女仔著，但佢可以去到雙加大喎，而且有齊唔同色，加埋頭飾、手套，3,980円，破壞力超強！

之前出過內衣，不過唔係Bandai自己出嘅。今次就輪到《美少女戦士セーラームーン》水手服「おやすみ用ブラ」，仲有埋條短裙，短裙入面又有短褲，咁樣瞓覺真係超可愛！上身3,132円，唔露腰嘅版本就4,320円，仲有條裙2,916円。下年3月出貨。

呢個組合出嚟嘅成品真係好靚，講緊係CineCosu Studios嘅Dominique Zamora，而Coser就有Stella Chuu、Hendo、Akemi101xoxo、Maid of Might、Jynx，最勁係好多效果都唔係後期電腦執，而係用道具製作，所以幕後影片更值得一睇！

究竟我睇咗啲乜嘢？大叔Cosplay美少女戰士？仲要自拍？自拍完仲要掟上網？睇完雖然有少少唔知點嘅感覺，但諗深一層，梁鈺杰玩得開心咪得囉，又無傷害人，做人最緊要開心吖嘛。係，片中仁兄叫梁鈺杰，係個好出名嘅YouTuber，曾經自學少女時代舞步拍MV，吸引到韓國SBS電視台邀請上綜藝節目《Star King》，今次佢拍片掟上面書留言話：「颱風夜變身月光仙子但爸爸闖入中斷的失敗開箱文。」嗯，即係話，如果唔係佢爸爸突入，呢條片絕對唔止得33秒，應該仲有排睇呀。

舊零水，係OK抵玩嘅，買畀女友無壞吖，如果佢係《美少女戰士》Fans的話，講緊嘅係地鐵推出嘅美少女戰士3D八達通配飾，分變身盒同月亮閃爍兩個版本，連埋條鏈各16cm長，都OK大件，不過女仔精品係咁架喇，每個$188，唔貴。