fbpx

Post Tagged with: "美容"

【我要瘦面!】日本喵星人玩瘦面     借用女主人美容轆按摩爽爆
by / on 22/05/2016 at 12:30 pm

【我要瘦面!】日本喵星人玩瘦面 借用女主人美容轆按摩爽爆

好多女仔屋企儲埋唔少美容儀器唔用,其實可以益吓屋企隻喵星人吖。最近日本呢段twitter片好多人睇,片中嘅喵星人俾主人用過瘦面轆轆下巴,個樣爽到瞇晒眼岳晒頭,超嘆!唔知有無瘦面效果呢?

Read more ›

【圖文不附】日本都有騙徒 美容廣告Before/After根本兩個人
by / on 19/02/2016 at 12:12 am

【圖文不附】日本都有騙徒 美容廣告Before/After根本兩個人

美容廣告真係唔好信,而且似乎世界各地通行。日本就有網民放咗呢張圖上網研究,張宣傳圖左上角文字叫大家「請比較。」右上角就話:「完全係兩個人!!」咁大家都會以為左邊係Before右邊係After,不過原來左下角仲有行細細隻字寫住:「照片入面係唔同嘅人。」咁佢個標題又無寫錯喎,有戴頭盔喎,網民都話:「哈哈,寫得清清楚楚。」諗呢條蹺嗰個都好古惑,但其實真係唔會有人信,除非……

Read more ›
手機app自動下載fb靚相分析    真係辨識得到?
by / on 19/06/2014 at 8:34 am

手機app自動下載fb靚相分析 真係辨識得到?

專做面容辨識科技嘅公司ModiFace,最近整咗個新App叫「Beautiful Me」,識得自動喺Facebook下載500張有你靚樣嘅相,然後再挑選100張高質嘅相做進一步分析,研究你嘅皮膚質素,再建議你用乜嘢方法化妝,同埋推介你用邊種護膚產品。可惜佢唔明白,而家有大量自拍神器,加埋幾百萬種執相app,基本上facebook嘅相中人連親生阿媽都未必辨識得到,更何況呢個app?所以老老實實,我唔睇好呢門生意。

Read more ›
Instagram相變指甲貼      「Nailsnaps」手機app網上集資
by / on 13/03/2014 at 7:04 am

Instagram相變指甲貼 「Nailsnaps」手機app網上集資

Instagram出名相片水準高,見到靚相通常都係Like吓就算,點會諗倒可以印出嚟變成指甲貼日望夜望?最近有個叫「Nailsnaps」嘅app喺Kickstarter集緊資,睇中邊張相,撳個掣就可以send去印成指甲貼再寄埋比你,暫時反應一般,明嘅,我諗女士們都係想出去近近哋用一個鐘整靚晒啲指甲,又要send相又要等寄貨,似乎唔夠爽。

Read more ›
日本美容新招    騎呢美容帶減笑紋
by / on 10/10/2013 at 7:03 am

日本美容新招 騎呢美容帶減笑紋

日本人貪靚之餘都好講創意,之前介紹過古怪雙眼皮托同埋增高鼻架,啱啱喺網站又有新發現,呢條美容帶聲稱可以減淡笑紋,戴住佢再跟指示做一堆擘大口再嘟嘴嘅指定動作,就可以減紋兼提昇面部輪廓。以美容器嚟講佢已經唔算樣衰,不過都強烈建議你匿埋喺房自己一個人時先好做,費事嚇親人,眾叛親離。美容帶盛惠港幣300左右,上網有得訂。

Read more ›
日本美容怪招    真蝸牛爬面做facial
by / on 13/07/2013 at 12:39 pm

日本美容怪招 真蝸牛爬面做facial

蝸牛黏液有修復肌膚、回復細嫰嘅神奇功效,好多面膜都加入呢個成份。不過要將隻真蝸牛放上面爬爬吓做facial聽落真係好嚇人。日本惠比壽嘅美容院Ci:z.Labo最近加入呢款活蝸牛美容療程,將隻蝸牛放上面爬60分鐘,聲稱可以有保濕、消炎同埋去角質嘅效果,一次療程要成24150円。所以如果有一日你喺女朋友屋企見倒佢養咗兩隻蝸牛做新寵物,你就唔駛多問嘞。不過,之前大陸杭州有少女直接放隻蝸牛上面吸收護膚品,點知無幾耐隻蝸牛就死咗,建議大家都係唔好亂試。

Read more ›