Tag: 美國隊長

隊長很忙《Captain America: The Winter Soldier》首張海報曝光

隊長很忙《Captain America: The Winter Soldier》首張海報曝光

將會喺2014年4月4日喺美國上映嘅《Avengers》phase 2電影系列《Captain America: The Winter Soldier》,喺聖地牙哥嘅Comic-Con公開咗第一張Poster。呢張海報只係影住隊長個盾,不過見到甩晒色,佢應該好忙。之前都有流出拍攝現場相片,見到隊長同Scarlett Johansson演嘅長直髮黑寡婦一齊,呢兩日應該有預告片,睇實。

Read more ›

隨《Iron Man 3》藍光附送 全新《Captain America》外傳短片講Carter

睇過《Captain America》第1集同《Avengers》嘅,見到美國隊長雪完出番嚟仲咁後生,可能都會諗佢當時個女伴Peggy Carter(Hayley Atwell演)咁點?呢條由Louis D’Esposito導演嘅短片就會交代Agent Carter喺美國隊長「死後」嘅一切,而且仲會有《Iron Man》Tony個老豆參演。呢段短片會喺19日舉行嘅「Comic-Con 2013」有播映會,咁去唔到嘅點算?9月24日推出嘅《Iron Man 3》藍光影碟中有會收錄。

Read more ›

《Captain America 2》Concept Art 隊長決戰Bucky Barnes

Avengers第二階段始動,即係一眾Marvel英雄片第二浪攻勢喺嚟緊一兩年又會嚟料。當中一套就係《Captain America 2:The Winter Soldier》。之前都睇過Scarlett Johansson扮演嘅Black Widow有負離子新髮型,阿隊長又有新衫著,今次就係呢張Concept Art,由Ryan Meinerding繪製,裏面見到Captain America同Bucky Barnes,即係The Winter Soldier戰鬥,而後面就有S.H.I.E.L.D.嘅攻擊加埋Falcon (Anthony Mackie)雙槍雄,個人覺得呢幅嘢真係幾有型,尤其The Winter Soldier個表情。電影預定下年4月上映。

Read more ›

復仇者handmade頸鍊 忍者龜李小龍都有份

美國網店NerdFashion專賣動漫、遊戲角色嘅 人手製首飾,外國人最鐘意嘅復仇者聯盟當然有份,Iron Man、變形俠醫、美國隊長全部可以掛上身,而且係漫畫版唔係真人咁恐佈。除咗復仇者,連冷門嘅忍者龜都有份,仲有齊咁多個角色,估你唔倒。差啲唔記得,仲有外國人好鐘意嘅李小龍,不過好有廟街遊客手信feel。價錢方面,每條賣港幣HK$160,貴在每幅圖畫都要鑲入玻璃內,可以防水喎, 大汗都唔怕。

Read more ›

忽然變cute 美國隊長/Gundam 毛絨球萌爆

日本少女好鐘意手製毛絨球,小手工藝整乜都得,特色係整出嚟嘅嘢通常都cute cute哋萌萌哋。美國都有個愛好者叫Cally,而佢整嘅主角就啱晒動漫迷口味,除咗有Marvel角色例如大熱嘅Iron Man、美國隊長等,仲有日本向嘅Gundam同埋薩爾達,可惜網上無DIY教學,同埋無佢個樣,我好有好奇心想見吓Cally。

Read more ›

新片速報 《Captain America: The Winter Soldier》前K-1選手現身跳機械舞

下年4月上嘅《Captain America: The Winter Soldier》,除咗之前見到負離子版Scarlett Johansson扮演嘅Black Widow現身外,早幾日網上仲有條片見到日本前K1選手須藤元氣同佢嘅機械舞團隊現身!到抵佢客串玩咩呢?相信未上映都唔會知咯,睇住拍攝花絮影片先啦。

Read more ›

Iron Man出圍裙 現腹肌再露底

Iron Man真係無處不在,賺錢能力超強。繼推出USB、電話殼、滑鼠後,啱啱喺網上又見倒Iron Man,不過今次係出圍裙!著住佢出入廚房,型之餘睇落仲成個人瘦晒,咦,點解有肌肉、著底褲嘅?原來係Marvel授權嘅漫畫版Iron Man,仲有美國隊長、蝙蝠俠同埋蜘蛛俠,全部都係A&F男模嘅身形,著起好有滿足感。

Read more ›

新片速報 製造實況 Captain America星星盾

「Man At Arms」嘅Tony Swatton,繼《Minecraft》嘅劍、《Kingdom Hearts》嘅巨型鎖匙之後,今次輪到落手整美國隊長個盾。佢示範點樣將一塊平坦嘅金屬片變成立體嘅星星盾,雖然完成品麻麻,但都有一定嘅防禦力……

Read more ›

英雄變喪屍 Ironman無忽好肉

Ironman比喪屍咬當然會變喪屍,咁變身後嘅變形俠醫呢?外國網友Santlov舖咗一輯Marvel英雄變喪屍嘅圖集,玩齊Ironman、美國隊長、雷神同變形俠醫,連冷門嘅X-Men隊友Wolverine都有份。英雄們唔止爛面,連身上盔甲都爛到一忽忽。最慘係斷咗手嘅雷神,以後連大槌都拎唔起,癈咗武功。至於變形俠醫就分別唔大,原來佢天生一副喪屍樣。

Read more ›

3D復仇者燈飾 營造爆牆立體感

仲復仇者?雖然今個月話題只得Ironman 3,不過呢套3D復仇者燈真係唔介紹唔得。有齊三大兵器 ─ 奱形俠醫拳頭、美國隊長盾同埋雷神大槌,最開心係跟埋營造破裂牆嘅貼紙比你貼喺底部,幾可亂真。

Read more ›

英雄撲水搵贊助 美國隊長UPS速遞 / Ironman食老麥

唔係個個英雄都好似Ironman咁有錢,唔夠錢駛但又好似Hulk咁嘅身形食量,唯有搵贊助囉!外國設計師Roberto Vergati Santos唔知係咪受咗Tiger & Bunny啟發,改咗輯名為「Sponsored Heroes」嘅圖,美國隊長變長UPS速遞專員、Batman心口多個剔,不過都唔夠Ironman張經典梳化圖,上面擺晒麥當勞咁爆笑。入嚟仲有Microsoft、adidas廣告圖,正!

Read more ›

復仇者50週年海報 英雄變囧樣

唔講唔知,原來今年係復仇者聯盟50週年紀念,外國藝術家Michael Mateyko設計咗呢幅紀念海報,集齊所有英雄人物,設計簡約colourful,幾靚仔。不過入面口啲英雄變晒臉,例如美國隊長變咗一副囧樣,Ironman就苦口苦面,最搞笑都係變形俠,凶神惡剎四方面,好得意。佢仲設計過batman love birds得意插畫,幾有童真,入嚟有得睇。

Read more ›

復仇者Fans 自製《Iron Man》《美國隊長》Xbox360主機

雖然Xbox新機都應該就快公佈,但如果《Avengers》迷見到呢部識著燈嘅《Iron Man》主機同《美國隊長》主機,都應該好想買番部嚟收藏!可惜,冇得賣嘅。呢個叫Zachariah Cruse嘅機迷自製咗兩部超精美嘅Xbox360主機,入佢個網仲睇到佢仲自製咗Tony個Arc Reactor擺設,跟足電影識發光!仲有美國隊長個盾,仲係戰損版!再睇多啲,呢個好笑,佢整咗個《薩爾達傳說》寶箱,打開有個心升出嚟之餘,仲有遊戲音樂同有光,入嚟有片睇,打機一樣,絕!

Read more ›

美國隊長鬆懈時 男人最痛

倫敦啱啱舉行完Super Comic Convention,照舊有好多cosplayer盛裝出席,又照舊有攝影師/龍友落力拍攝,不過最吸引我目光係呢張由Rick Findler拍攝嘅美國隊長靚相。當時呢位cosplayer去緊小解,正處於美國隊長最鬆懈嘅時候,就喺呢個時候比人影低咗。一世英明呀,唉。我哋之前都報導過一輯美國隊長退休生活嘅相集,英雄人物湊B篤波悠悠閒,入嚟有得重溫。

Read more ›

英雄人物的悲哀 之 蛋糕風雲

陰功,堂堂一個美國隊長,個頭成粒子彈咁,個身仲慘,得返條粗皮帶,咩霸氣都無晒。不過另一邊廂,Ironman都唔好得幾多,平面大面,個咀一線牽,仲變咗鬈毛。最好彩都係變形俠醫,得隻手,仲保留倒個靚樣。奇就奇在呢啲蛋糕唔係惡搞,而係外國蛋糕網Cake Central專為小朋友設計嘅生日蛋糕,噢賣葛,如果我係小朋友,見到可能會大喊。

Read more ›