Tag: 美國隊長

新片速報《Captain America: The Winter Soldier》2分半鐘超級碗預告

新片速報《Captain America: The Winter Soldier》2分半鐘超級碗預告

呢兩日,都係超級碗嘅世界,唔係睇比賽,係睇預告片,大作全部都有份!今朝已經係第3條喇。呢條係4月上嘅Avengers Phase 2電影《Captain America: The Winter Soldier》,可能Marvel都知單靠美國隊長悶悶哋,於是今集有Sam Wilson演嘅Falcon、Scarlett Johansson嘅Black Widow加入,不過成條片美國隊長都被Sebastian Stan演嘅Bucky Barnes(The Winter Soldier)撳住砌……

Read more ›

新片速報《Captain America: The Winter Soldier》Super Bowl預告前篇

講真,復仇者電影Phase One中,美國隊長真係最唔得我歡心,不過下年4月上嘅Avengers Phase 2電影《Captain America: The Winter Soldier》,有Scarlett Johansson嘅Black Widow,應該睇得開心好多!今次係星期日Super Bowl新預告嘅前導,都有唔少新場面,例如Sam Wilson演嘅Falcon清晰現身!電影仲有Sebastian Stan演嘅Bucky Barnes(The Winter Soldier)、Samuel L. Jackson演嘅Agent Nick Fury等等。入嚟睇埋新海報,Scarlett Johansson堅索。

Read more ›

新圖發佈《Captain America: The Winter Soldier》+《The Amazing Spider-Man 2》劇照

4月4日喺美國上映嘅《Captain America: The Winter Soldier》,啱啱又有新圖發佈,當中見到Scarlett Johansson嘅Black Widow,仲有就係Sebastian Stan嘅Bucky Barnes拎咗美國隊長個盾,神盾局局長亦都現身!另外同期嘅《Empire Magazine》仲有兩張5月2日上映嘅《The Amazing Spider-Man 2》新劇照,係Jamie Foxx演嘅Electro。

Read more ›

雜誌封面《Captain America: The Winter Soldier》新圖發佈

下年4月上映嘅Avengers Phase 2電影《Captain America: The Winter Soldier》,啱啱喺最新一期《EMPIRE》雜誌登上封面,而呢張新圖見到紅白藍美國隊長外,仲有Scarlett Johansson嘅Black Widow以及Sebastian Stan嘅Bucky Barnes,即係The Winter Soldier。電影仲有Samuel L. Jackson演嘅Agent Nick Fury,不過老實講,第1集我覺得有啲悶,希望今集好啲,起碼有Scarlett Johansson嘛,雖然佢個頭……

Read more ›
新片速報 《Captain America: The Winter Soldier》中文字幕預告登場 Falcon雙槍現身

新片速報 《Captain America: The Winter Soldier》中文字幕預告登場 Falcon雙槍現身

噚晚呢個時候,有預告嘅預告,今晚終於有足本兩分幾鐘預告,正!美國隊張飛盾,The Winter Soldier阿Bucky Barnes單手接住!仲有Scarlett Johansson嘅直髮Black Widow,仲有雙槍加對翼嘅Falcon (Anthony Mackie)!睇到咁多大場面,下年4月一定入場啦!

Read more ›

新片速報 《Captain America: The Winter Soldier》美國隊長預告的預告

咁夜仲出post,全因見到有新片,唔捨得瞓share埋俾未瞓嘅大家。美國時間聽日就有預告片發佈,今日就有呢條預告嘅預告,等你更加期待……條預告。雖然反智,但我都睇晒,開頭有美國隊長好有型咁拎住個盾行出嚟,之後局長,之後……Scarlett Johansson嘅直髮Black Widow造型……

Read more ›

周四預告片登場《Captain America: The Winter Soldier》新海報

睇住先,今個月有《雷神奇俠2》睇,之後一套復仇者電影就要等到下年4月上映嘅《Captain America: The Winter Soldier》。啱啱有官方新海報登場,順便提提你美國時間今個星期四會有預告片發佈。不過我最關心都係Scarlett Johansson演嘅Black Widow,今集以負離子直髮look登場,好似麻麻。

Read more ›

哈囉喂寵物造型合集 倉鼠變超級英雄

哈囉喂殺到埋身,你諗好屋企隻寵物嘅新造型未?唔好以為得貓仔狗仔先可以扮鬼扮馬,其實倉鼠栗鼠都有得玩。網站Quirk Books嘅Eric Smith集合咗一套小動物嘅cosplay造型相集,由美國隊長、蝙蝠、羅賓以至雷神都有份,雖然我覺得雷神個造型有啲hea,但我欣賞佢只係整件斗篷出嚟,寵物著住都可以行動自如吖。

Read more ›

《反斗奇兵》薯蛋頭 x 美國隊長 全新figure下年開賣

《反斗奇兵》嘅薯蛋頭先生好多粉絲,仲成日同人聯乘,繼Simpsons、《星戰》白兵、R2D2、變形金剛、海棉寶寶之後,最近就轉移目標同美國隊長crossover,呢個「Mr. Potato Head Marvel Captain America」2014年第4季先推出,賣美金$17.99,造型搶眼,除咗紅鞋紅手套之外,仲有經典盾牌,不過最開心係塊面無遮晒,露出度高,依然睇倒薯蛋頭嘅突眼靚仔樣。不過幾時出埋變形俠醫?我堅想睇。入嚟有得回顧佢其他crossover系列,得啖笑。

Read more ›

復仇者 x 汽車品牌 Hulk變Honda勁夾

有得諗喎!Hulk變形俠醫原來同汽車品牌Honda嘅logo又幾夾!外國網Etsy有賣家Geekerie設計咗一系列復仇者車系,玩盡Iron Man、雷神、Loki、黑寡婦、美國隊長等等,食返每個車牌嘅logo,睇落幾有心思。呢套設計仲有得賣,各個汽車品牌唔知有無興趣贊助返套《復仇者車王聯盟》呢?

Read more ›

超人頹爆生活 流落街頭煲煙吹水

長居加洲嘅藝術家William Wray呢輯超級英雄風景畫好有情調,有蜘蛛俠、蝙蝠俠、美國隊長同埋Super girl,全部都係佢哋收咗工,同朋友坐喺街邊吹水、一個人喺街游盪嘅情況,同我哋普通人嘅生活差唔多,悶到抽筋灰到爆,都係去返做英雄拯救地球有門手藝好啲。

Read more ›

新片速報 蝙蝠俠勇救小貓 極之威威

天下太平嘅日子,英雄有乜好做?除咗拯救地球,佢哋仲會救救小動物。美國West Virginia一個小鎮最近有個蝙蝠俠同埋美國隊長,本來約咗出嚟教班小朋友正確做人之道,咁啱旁邊有間屋起火,曾經做過消防員嘅蝙蝠俠二話不說打爛玻璃衝入屋,不過屋企無人,只得一隻受驚嘅貓仔,於是就出現咗蝙蝠俠勇救小貓嘅壯烈場面,認真威威。

Read more ›

終於來了 復仇者成人玩具 變形俠醫太露骨

要嚟嘅始終都要嚟,講嘅唔係尤特 (佢係要走始終要走),而係一套六款嘅復仇者性玩具,由外國設計師Balazs Sarmai諗出嚟嘅一式六款成人玩具,唔係官方授權,仲係概念階段,有齊美國隊長、Iron Man、雷神、鷹眼、黑寡婦,咦,得5款,仲有一款係咩?無錯,就係大家好期待嘅Hulk變形俠醫,佢的確好震憾,有12吋,由於太露骨,為免小朋友睇完發惡夢,編輯部商議後決定抽起,夠18歲嘅自己入去Balazs Sarmai網站發掘真相吧。

Read more ›

新片速報 恰眼瞓必睇 電影最刺激場面大集合

星期四返工由早到晚都係咁眼瞓,睇完呢條片應該好精神。由Vadzim Khudabets製作嘅ETERNA,影片將大量英雄電影最刺激嘅場面濃縮成6分鐘,由《超人》到《變形俠醫》到《雷神》到《戰狼300》到《變形金剛》到《蝙蝠俠》再到《美國隊長》,數都數唔完,重點係不停閃狂爆破刺激到暈,睇完合埋眼仲有死光出現,不過真係精神咗少少,尤其是一邊睇一邊影出自邊套電影,好忙。

Read more ›

全民單眼! Iron Man蜘蛛俠單眼變cute

《壞蛋奬門人2》最搶鏡都係嗰班有單眼有雙眼嘅迷你兵團,外國插畫師ed-pool向佢哋致敬,設計咗呢輯將英雄人物變晒迷你兵團嘅插圖,超靚超可愛,好多角色仲要係單!眼!架!你睇蝙蝠俠、Iron Man、美國隊長,全部單晒眼,十足單眼仔嘅親戚,sorry我認我中咗毒,望住佢哋,我淨係諗起《怪獸大學》嘅單眼仔。

Read more ›