Post Tagged with: "美國太空總署"

超靚地球外觀相 美國太空總署太空拍攝
by / on 25/08/2015 at 7:06 am

超靚地球外觀相 美國太空總署太空拍攝

駛唔駛咁靚呀?平時生活喺地球,除非去旅行啫,否則好少覺得地球好靚,但係睇完呢輯美國太空總署NASA影嘅相,應該有唔同睇法。由太空影落嚟嘅地球,好似打咗燈咁,覆蓋地方包括歐洲、日本、美國、南美、馬達加斯加,陸地同海洋界線分明,靚到好似一幅幅畫咁。睇完唔會叫大家以後多啲愛護地球咁老土嘅,因為要身體力行做嘅。好啦,我聽日會記得帶環保袋出街架嘞。

Read more ›

LEGO太空總署探測號     Fans推到量產
by / on 05/01/2014 at 4:29 pm

LEGO太空總署探測號 Fans推到量產

LEGO嘅CUUSOO計劃真係好聰明,由愛好者設計LEGO,多人支持的話官方就量產;繼電影《回到未來》架時光車之後,最新量產就係美國太空總署探測車Curiosity Rover (好奇號),呢架專門去火星嘅探測車,2011年11月去火星時有埋現場直播,好多人都記憶尤新,睇落像真度好高,不過欠個場景,難唔倒一班Lego迷嘅。開價美金$29.99,即時有得買。

Read more ›
Barbie登陸太空  美國太空總署合作
by / on 08/08/2013 at 5:54 pm

Barbie登陸太空 美國太空總署合作

老實,我無玩Barbie好耐,甚至唔知佢仲有無出新款,直到見到呢個新款Mars Explorer Barbie,今次Barbie好前衞,走太空人路線,除咗套貼身太空衣之外,亮點位在於佢頂太空頭盔,好有新鮮感,補充一句,今次合作其實好勁,由美國太空總署NASA同玩具公司Mattel合作推出,主要為紀念美國好奇號登陸火星一年,今次Barbie真係好有面。

Read more ›
廿四孝爸爸  碌架床底自製太空船
by / on 29/12/2012 at 1:56 pm

廿四孝爸爸 碌架床底自製太空船

睇呢張相你以為小朋友遊美國太空總署?太天真喇!其實呢座設施係收埋喺小朋友嘅碌架床下層嘅玩具。呢位5歲小朋友Finn認真幸福,有個廿四孝爸爸喺當地電視台執咗啲好大台,有好多粒掣嗰啲Video switcher呢,再重製成一個仿太空船嘅裝置比佢玩,上面仲畫埋美國太空總署NASA嘅標誌,下面有多啲圖睇!Finn仔得閒可以嗌班同學仔返屋企上太空船玩,幾威威呀!

Read more ›
美國太空總署圖片  土星驚現「食鬼」!
by / on 28/11/2012 at 11:14 am

美國太空總署圖片 土星驚現「食鬼」!

呢幾日好多人講呢幅圖,我都唔執輸同大家share吓先。呢幅圖係美國太空總署拍攝倒嘅全新衞星圖,可以見倒貌似食鬼(Pac-Man)嘅土星影像。回帶,其實呢張相最早出現喺2010年3月,當時影倒土星Mimas表面(圖左)出現疑似「食鬼」嘅圖案,仲好似食緊個波點,同遊戲內容好相似,好詭異,原因係左邊食鬼樣嘅溫度較熱,右邊溫度較冷,所以形成呢個現象。到今時今日,科學家居然喺土星Tethys(圖右)發現另一個「食鬼」圖案,今次仲要更肥大更像真,仲要圍住紅邊!唔信世界末日嘅會得啖笑,信的話,唔通食鬼真係會襲地球?

Read more ›