呢幾日好多人玩Snapchat嘅新filter，可以將男變女、女變男，好多人仲因為呢個功能而download呢個app。有美劇《Game of Thrones》嘅fans就將一班演員變性，Jon Snow、Cersei、龍母等全部有份，我覺得最驚喜係Brienne，變咗男人之後嘅佢其實幾靚仔。

美劇《Preaccher》其中一幕最近俾日本人cap圖放上網討論，入面有句對白：「日本有同攬枕結婚嘅人」，有日本網民就放上2ch，投訴外國電視劇又傳播啲日本嘅奇怪情報，估唔到日本網民嘅留言好有自覺性，有人話：「無法否定！」、「都係你哋闖嘅禍」、「都唔算係謠言」、「我覺得一個字都無講錯」，有網民仲問：「其實佢哋係咪好羨慕？」我覺得呢種心態好正確，仲好正面。

嘩！2005年人氣爆發嘅美劇《Prison Break》，宣佈將會開拍新一季。據外國網站話，官方因為近年呢套劇喺網上平台依然熱播，所以決定自2009年完結後再開拍新一季，共10集。編劇Paul Scheuring、兩兄弟Wentworth Miller、Dominic Purcell同埋大量主要演員都會回歸，不過開播日期就未有，留意我哋跟進報道啦。

如果你有超能力，最驚係咩？最驚應該係俾人知……超能力故事中成日出現嘅情況，就係超能人唔係輸俾壞人，而係群眾，因為大家都好驚一啲自己唔認知同控制唔到嘅嘢……啱啱嘅「San Diego Comic-Con」中，2006年首播嘅美劇《Heroes》新作《Heroes Reborn》有新預告，9月24日開播，新舊角色混戰，肥仔Hiro好有氣勢呀！

當年2006年首播，《Heroes》都令到好多人包括我狂煲，超能力題材喎！去到2010年第4季之後，好耐冇見喇。之前都報道過佢有新一輯預告，而NBC官方亦都發佈最新宣傳短片，新舊角色現身！記唔記得條肥仔Hiro？9月24日開播，正喎！

噚日睇完《Super Girl》，今日又輪到《DC’s Legends of Tomorrow》預告！似乎DC英雄都幾鍾意喺美劇呢個平台度玩。今次有Flash’ Arrow之外，仲有Atom、Fire Storm、Hawk Girl、Captain Cold等出場！而且睇啲特技都唔流，記得睇到最後，蟻人係咪有對手？

越嚟越多冇咁超級嘅超級英雄會喺美劇登場，最新就有嚟緊6月呢套DC Comics嘅《Supergirl》，CBS啱啱公開咗第一條預告片，有成6分鐘長，睇完唔駛睇頭幾集都得……女主角超人個表妹Kara Zor-El係由26歲嘅Melissa Benoist去演，一般囉，又唔算好差。

記唔記得嗰首音樂？好科幻又有啲懸疑嗰首呢？《The X-Files》已經拍過9季電視劇，相隔13年後，將會喺今年夏季回歸FOX！而且最勁係原班人馬，主要演員David Duchovny、Gillian Anderson會演番FBI探員Fox Mulder同Dana Scully！而監製都係Chris Carter！暫定呢個新系列會拍6集，係咪外星人先？

美劇真人版《閃電俠》啱啱開播，之前齋睇預告都好期待，閃電俠快到無影救個就嚟比的車撞到嘅單車友的確係型，呢啲時候，梗有啲物理學家出嚟講兩句，今次係英國University of Leicester大學做嘅研究，話其實比閃電俠Barry Allen救仲傷過比的士撞，仲話最好閃電俠臨埋身時減減速。都啱嘅，時速760mph喎，分分鐘比佢撞到散開呀！

《The Sims 4》啱啱出咗，編輯Kali都唔爆頭改玩人仔，睇佢都係諗盡詭計殺人放火。外國網友IanRoach就好有心機，將佢好鍾意嘅美劇《Frineds》場景放入《The Sims 4》，由主題場景Central Perk以至每個角色嘅住所都有份，好detail。佢嘅傑作其他玩家都可以下載，喺《The Sims 4》嘅Gallery搜尋「ian8000」就見到。

美劇《Game of Thrones》好多人追捧，入面張Iron Throne皇帝先坐得，咁英女皇呢？最近英女皇又出巡，期間仲去咗Belfast參觀，入面展出咗一張《Game of Thrones》最搶眼嘅Iron Throne皇椅，英女皇對呢張椅好有興趣，望完又望，仲細心聽導航員講解。好多網友留言話點解佢唔坐上去，好想睇。於是大神又出手，整咗呢張英女皇坐Iron Throne嘅圖比大家FF吓，幾和諧吖。

見倒張圖，又令我好想睇《The Walking Dead》。美劇《The Walking Dead》入面嘅韓裔美國人Glenn婆婆媽媽，不過有人鐘意佢性格善良，我就羨慕佢有個靚女又有情有義識揸槍嘅女朋友，女朋友個阿妹仲好靚添。講返正題，Gentle Giant出完箭佬、喪屍同埋黑妹figure後，最新對象就係阿Glenn，1/4雕像，個樣同Hot Toys比當然差少少，不過都叫見得吓人，仲著埋監獄篇嘅防暴套裝，精神晒。預計下年第二季推出，開價美金$449，網上而家有得預訂。

超能力，你同我都想擁有，但擁有咗之後會有幾大影響？呢套NBC美劇《Heros》自2006年首播之後風靡一時，不過2010年播完第4季之後就停咗落嚟……嚟到今年，電視台發佈咗一段新片，「Heroes Reborn: 2015」，雖然得個字，但放咗3日就有343萬個Views！你做唔做其中一個？

韓劇《來自星星的你》熱到爆，其實美劇《Game of Thrones》香港都好多人睇，最近HBO為咗宣傳第三季嘅Blu-ray同埋DVD推出，搵咗好出名畫3D畫嘅街頭藝術家Joe and Max合作，喺倫敦Bishops Square街頭畫咗幅10米 X 7.5米嘅大型「The Wall」，有睇都知呢座雪山係超經典場面，難怪勁多途人忍唔住影返幅相扮爬山。可惜幅3D畫只擺放一日，錯過咗只可以睇相葡萄吓。

老實，唔駛等台慶，平日我已經習慣熄電視唔睇是是但但，不過美劇《Walking Dead》我就一直有追，齋睇喪屍化妝都值回票價啦。講返正題，知大家成日偷偷哋扮喪屍，最近喺網上就見倒呢款Walking Dead浴袍，手袖同衫腳位置都披晒口爛溶溶，最正係背部有句挑機字句「Walking Dead Survivor」，大大聲話比人知你係倖存者未俾喪屍咬，好威呀！浴袍盛惠美金$69.99，外國網Think Geek有得買。