Post Tagged with: "美人魚"

有片:神人!Starbucks超強外賣杯紙雕!
by / on 26/05/2019 at 3:08 pm

有片:神人!Starbucks超強外賣杯紙雕!

今日有請韓國紙雕藝術師Soo Min Kim登場,佢對Starbucks外賣紙杯情有獨鍾,會先用綠色筆修改美人魚Logo,而後剪剪貼貼,就如此這般靠創意加手藝,變成去廁所啦、跳傘啦、辦公啦、等車啦、賭啤啦、隻揪啦、攀石啦等等有趣場景。Click入嚟有大把片睇,你就知佢有幾厲害。我知,你實話其實唔難,唔忿氣咪自己試吓囉。

Read more ›

日本「童年崩壞」玩具騙案       浸泡「美人魚」變晒樣
by / on 09/10/2018 at 7:31 am

日本「童年崩壞」玩具騙案 浸泡「美人魚」變晒樣

係騙案呀!日本有網民喺東京鐵塔水族館買咗款美人魚玩具俾阿囡,本來係個貝殼,聲稱浸泡3日後隻美人魚就會出現,阿囡每日都充滿期待咁去睇,點知第三日終於出嚟嘞,但就變咗咁嘅樣,完全同圖片不符!阿囡被嚇親,仲話唔想返學(無直接關係!)。樓主忍唔住張啲相放咗上網,仲喺Twitter熱傳緊。再睇返個close up咗嘅「美人魚」樣,又難怪小朋友發脾氣嘅。入嚟仲有其他網民嘅親身經歷,原來呢款浸泡公仔經常出事,入嚟有回帶,下次見到要小心。

Read more ›
【有片】《美人魚》low cost版 100%神還原演技過份
by / on 13/07/2018 at 7:45 am

【有片】《美人魚》low cost版 100%神還原演技過份

之前都睇唔少Low cost cosplay嘅示範,不過主要係相片居多,今次呢個再勁啲,有影片睇。全程扮美人魚嘅男人,無論嘴型、鏡頭嘅擺位同剪接都跟足原著,有得對住右下角嘅畫中畫比較吓,我最欣賞係佢嘅演技,由外到內再到返外。

Read more ›
官方黑武士毛毯睡袋 瞓覺不失殺氣
by / on 26/08/2017 at 5:08 pm

官方黑武士毛毯睡袋 瞓覺不失殺氣

之前都有類似嘅產品,最近Disney官方網店Fantasy Shop有呢款黑武士毛毯睡袋買,迫真程度好高,無人瞓嘅時候成個黑武士瞓喺度幾有殺氣,瞓上去之後你就變咗黑武士,呎吋80×210cm,賣5990円,有咗佢想喺屋企邊個位置瞓都得,而且有瘦身作用,不過係單人床專用,好彩入面有抓毛好保暖,一個人瞓都唔會凍。如果有另一半,可以買另一款美人魚套裝比佢,好性感,大家都開心,入嚟有得睇。

Read more ›
美人魚泳衣    真人示範bikini長尾變長腿
by / on 07/06/2015 at 11:36 am

美人魚泳衣 真人示範bikini長尾變長腿

信唔信都好,我哋真心係想share套泳衣,而唔係輯泳衣相呀。好嘞講返正題,呢幾日天氣幾好,應該好多人衝去沙灘游水睇風景,無人約嘅唯有上網啦,就咁就比我發現咗呢件美人魚Ariel比堅尼泳衣,model仲專登戴埋假髮好專業,身裁都同原裝美人魚差唔多‥‥‥網上賣緊$40美金一套,唔包假髮。睇真啲套泳衣其實同原裝仲有啲唔同,下身唔係長尾,換咗條短褲仔,合理吖。

Read more ›
網圖分享:Starbucks logo二次創作 美人魚融入人類生活
by / on 09/01/2015 at 10:00 am

網圖分享:Starbucks logo二次創作 美人魚融入人類生活

我唔係中產,甚少幫襯Starbucks,只係覺得Starbucks個Logo好Sharp醒吓,綠底托白字,中間係條美人魚,離九里遠都望到。有韓國插畫師Soo Min Kim迷戀呢個Logo幾達瘋狂地步,喺佢二次創作下,美人魚不但Crosover其他動漫角色,仲搞鬼地融入人類生活,坐馬桶開大啦、拎自拍神器自拍啦、賣萌啦、搭地鐵啦、打交啦、出升龍拳啦等等,睇到有啖笑嗰隻。

Read more ›

迪士尼大控訴    花木蘭北京戴口罩
by / on 12/05/2014 at 7:12 am

迪士尼大控訴 花木蘭北京戴口罩

現實總是殘酷的。童話世界入面,美人魚喺水清沙幼嘅海入面嘆世界、Winnie The Pooh喺森林印印腳食蜜糖,但係假如佢哋流落喺現實世界,下場應該好悲慘。身為迪士尼fans嘅紐約動畫設計師Jeff Hong,最近創作咗個叫Unhappy Ever After嘅系列,花木蘭喺北京要戴口罩出街;美人魚比海面嘅油污搞到烏卒卒;最慘都係Winnie The Pooh,周圍嘅樹木被過度砍伐,搞到佢無啖好食‥‥‥好有警世作用。

Read more ›
童年再崩壞   美人魚變食人魚  薩爾達被綁
by / on 01/04/2014 at 7:03 am

童年再崩壞 美人魚變食人魚 薩爾達被綁

法國插畫師Sylvain Sarrailh aka Tohad應詃有個好陰暗嘅童年,最叻將麥當勞叔叔、Barbie、Winnie The Pooh呢啲小朋友偶像變殺人狂。最近又有新作,血腥程度略略收歛,不過照舊係超怪雞風格,小鹿班比用對角插死晒其他動物、美人魚變食人怪魚、Angry Birds咬甩豬仔隻眼珠,睇到人好心寒。

Read more ›
Starbucks美人魚改圖    變身Steve Jobs/黑武士
by / on 05/02/2014 at 7:04 am

Starbucks美人魚改圖 變身Steve Jobs/黑武士

你同我都可能試過,無無聊望住杯Starbucks嘅硬咭紙,好想將佢Logo嘅美人魚加幾筆改頭換面‥‥‥呢位日理萬機,秒秒鐘幾百萬上落嘅banker Ahmed Al Emairi都有呢種閒情逸志,單靠一枝黑色箱頭筆,就將美人魚變成Steve Jobs、The Beatles、戴安娜、黑武士‥‥‥再放上Instagram公諸同好,唔單止名人有份,佢啲friend都成為佢嘅改圖對象,水準一般,不過睇得出佢飲咖啡飲得好密。

Read more ›
真人版美人魚相集     密實游世界
by / on 08/01/2014 at 10:21 pm

真人版美人魚相集 密實游世界

美人魚我都係鐘意睇真人版多啲,好似倫敦攝影師Hana Vojáčková呢輯Milk & Sea系列,將美人魚變成真人,仲要喺世界各地取景,PS技巧固然高超,取景同選角都好高質,浴池、沙灘、碼頭‥‥‥不過所有美人魚都著得好密實,有一條仲游咗上輪椅,藝術嘅嘢我都係唔明o架喇。

Read more ›
X光筆得棚骨     Iron Man / 蜘蛛俠透視圖
by / on 23/11/2013 at 11:17 am

X光筆得棚骨 Iron Man / 蜘蛛俠透視圖

有無諗過Iron Man、蜘蛛俠、美人魚、美少女戰士得番棚骨會變成點?法國插畫師Chris Panda喺Facebook開咗個X-ray Serie,將一班動漫主角變成X光下嘅透視圖,講真,都幾難畫,我唔肯定佢畫得準唔準確,因為我無見過蜘蛛俠嘅X光圖。不過我反而好奇佢出街時,會唔會忍唔住用對X光眼望人?佢最近仲同外國網iheartgirls.com合作畫咗幅機械女model相,個人認為幾吸引,好睇過得棚骨喎。

Read more ›

迪士尼公主玩哈囉喂   美人魚變黑寡婦
by / on 21/10/2013 at 7:23 am

迪士尼公主玩哈囉喂 美人魚變黑寡婦

近幾個月迪士尼公主好忙,淨係Gameover已經介紹過不下10輯公主改圖,不過今次有晒主題好應節,大家都知哈囉喂就嚟到,有網友Isaiah Stephen就將一班公主變晒哈囉喂造型,睇真啲,原來大部份都係將迪士尼公主著上其他角色嘅服裝玩cosplay,例如美人魚Ariel扮Marvel嘅黑寡婦、白雪公主著咗Wonder Woman件衫,雖然有啲掛羊頭賣狗肉,勝在整得幾靚又幾夾,算啦比你過骨啦。

Read more ›
迪士尼公主變喪屍    萬聖節嚇鬼一流
by / on 08/10/2013 at 7:08 am

迪士尼公主變喪屍 萬聖節嚇鬼一流

迪士尼公主甚至Barbie公主從來唔係我杯茶,不過今次呢個迪士尼喪屍公主系列就令我有少少興趣。一式六款,由WowWee出品,有齊白雪公主、睡美人、美人魚、Belle等公主級美女,全部比喪屍咬完鬼咁恐怖,啱晒萬聖節。不過睇真啲,全部公主個樣居然一模一樣嘅?呢個發現比佢哋嘅鬼樣更恐怖呀!

Read more ›
有片   美人魚訓練班   學擺尾整Bubble Ring
by / on 09/09/2013 at 7:09 am

有片 美人魚訓練班 學擺尾整Bubble Ring

喺我心目中,成日幻想自己係美人魚嘅女仔,同有公主病無乜分別,我認我偏激,如果有朋友參加呢個美人魚訓練班,我一定會鬧醒佢。呢間位於馬尼拉,名為「Philippine Mermaid Swimming Academy」嘅美人魚學院,每堂兩個鐘收費港幣$450左右,學啲乜?例如學吓點樣好似美人魚咁擺吓條尾就游倒水唔會浸親、學海豚咁喺水中吐泡泡整Bubble ring,入嚟有片睇,見倒一大班bikini女士上堂嘅畫面,我覺得好詭異。至於怕水嘅小朋友,佢哋一樣會提供美人魚服飾比你齋影相用,睇完我只可以講,菲律賓人真係好叻搵錢。

Read more ›
西人萬能Key   《復仇者》局長變小鹿班比
by / on 06/09/2013 at 7:25 am

西人萬能Key 《復仇者》局長變小鹿班比

一直以為只有尼古拉斯基治先係西人眼中嘅萬能key,原來復仇者聯盟入面嘅神盾局局長Samuel Jackson都好受網友歡迎,好有潛力。網上見倒Samuel Jackson一系列被惡搞嘅電影海報,仲要大部份都係同佢外型極之唔相襯嘅卡通動畫,睇見佢嘅美人魚造型,已經忍唔住想熄機,點知仲見倒佢做灰姑娘,同埋‥‥‥小鹿班比?!程度達到驚嚇級,睇嚟設計師Alex J. Mann同埋Jennifer Sanders同佢應該極大仇口。

Read more ›