呢幅正面睇似畫，但其實係超立體羊毛氈，全隻貓跳住出嚟，之後再整一個框俾佢。製作者原來喺今個月會喺日本有展覽，不過因為疫情關係要延期……

呢位日本羊毛氈藝術家Fujita Satomi嘅作品超可愛，佢擅長將喵星人放入木框，有啲瞓緊覺，仲有啲食緊零食，超可愛！佢仲有出書教人整羊毛氈，亦有喺日本開展覽，可惜佢嘅作品唔會郵寄到海外，入嚟可以follow埋佢嘅IG。

日本好多羊毛氈高手，呢位不時都喺Twitter上載自己作品相片，早前就有《寄生獸》「米奇」啦，再早啲又有《鬼滅之刃》，啱啱呢個仲正，係《Hunter x Hunter》「基路亞」阿哥「イルミ ゾルディック」，記唔記得佢曾經用針拮呢個造型出場，所以今次用嚟拮大頭針，無違和又極實用。

好可愛！日本有網民分享咗俄羅斯藝術家lizasiama嘅作品，佢擅長製作喵星人嘅羊毛氈，又靚又像真，完成品仲超迷你，排排企放喺窗邊做裝修好靚，鍾意嘅入嚟可以follow埋佢。

理想與現實通常有好大落差，好似日本網民買咗呢款狗狗嘅羊毛氈物料，不過佢唔想整狗，之後自己發揮創意整咗隻巨型蜘蛛，全身都係毛好恐怖。

又係日本羊毛氈高手，不過今次唔係整動物，而係特撮角色！係《人造人間キカイダー》嘅主角呀！如果有埋架電單車就正！又唔知佢之後會唔會整埋黑魔？

好感人！寵物離世對主人嚟講係好傷痛嘅事，日本呢位主人嘅狗狗「ハナ」離開咗，佢嘅好朋友竟然用咗半年時間，將狗狗嘅毛髮加埋羊毛，織成同隻狗狗一模一樣嘅迷你公仔，背面仲有對天使翅膀，好有心思好感動，對狗主嚟講，絕對係世上最好嘅禮物。

又係日本呢位整「羊毛氈」嘅勁人，呢間叫「yucoco cafe」嘅日本教室專門教人製作羊毛氈，除咗刺猬仔，仲有貓呀、狗呀、狐狸呀之類嘅動物。最近佢就收集咗幾款近來好多人RT嘅作品，全部動物都好似真嘅一樣，仲好可愛！入嚟有回帶。

天氣咁凍，真係乜都唔想做淨係想瞓覺。日本呢隻柴犬都有同感，不過佢無噚日介紹過嗰隻喵咁聰明，識得捐入被竇瞓。咦，睇真啲點解隻柴犬可以拎上手嘅？原來佢只係羊毛氈整出嚟嘅公仔，像真程度極高！由出過羊毛氈著作，喺日本好高人氣嘅@yucococafe製作，唔怪得之咁高質嘞。

整羊毛氈公仔好考功夫，好多時完成品都會喜出望外。最近有日本網民公開咗佢妹妹嘅傑作，本來係一隻好可愛嘅草泥馬，不過經過妹妹出手之後‥‥‥點解條頸咁長嘅？係咪ET外星人嚟？之後網民出圖回應，原來都有其他失敗個案，睇嚟呀妹有唔少同伴。

唔係最新不過啱啱先見到，最近除咗玩人中之龍同FF之外，應該仲有唔少人玩緊呢隻《The Last Guardian》，日本叫《人喰いの大鷲トリコ 》，原來早前有fans專登用羊毛氈整咗入面隻食人巨鷹TRICO出嚟，係就係細隻咗少少，不過像真程度極高！

刺猬仔真係超得意，呢幾隻像真度極高嘅刺猬仔，其實係日本「羊毛氈」教室嘅完成品嚟嘅，但就似到十足十，如果聖誕節收到呢個禮物盒應該會好開心。呢間叫「yucoco cafe」嘅日本教室專門教人製作羊毛氈，除咗刺猬仔，仲有貓呀、狗呀、狐狸呀之類嘅動物。最搞笑係佢哋Twitter鼓勵大家嚟參加教室，話會有機會遇到性感嘅單身人士。

圖中邊隻貓係真，邊隻係假？日本人好興做羊毛氈(針戳)手工藝品，而且做到出神入化。最常見係將自己嘅籠物用針戳整成一模一型嘅裝飾品，呢位叫Hinali嘅日本女仔強項係整喵星人，比張相佢就可以神還原，佢將自己5年嚟嘅作品放上Instagram，單睇相片真係分唔清邊隻係真邊隻係假，功力深不可測。BTW，如果屋企隻喵星人望見同自己一樣樣嘅完成品，會唔會兇佢？定抑或會走去幫佢舔毛呢？