fbpx

Post Tagged with: "羊"

【有片】牧羊人瞓咗 千隻羊上街 日網民諗起《飄零燕》
by / on 10/06/2016 at 12:10 pm

【有片】牧羊人瞓咗 千隻羊上街 日網民諗起《飄零燕》

真係好壯觀,如果夜晚出街見到一千隻羊遊街,你會有咩反應?梗係拎部電話出嚟影相拍片啦。喺西班牙東北部城市Huesca早幾日(7日)就出現呢個奇景,話佢哋趁牧羊人瞓咗覺就偷偷走咗出嚟玩,咁啲牧羊犬呢?日本網絡出現呢段新聞之後,網民就出咗好多圖,有《飄零燕》啦,仲有好多其他密集綿羊圖,睇見都軟綿綿。

Read more ›

日本Amazon「羊仔除草」計劃又開始 3位新成員加入
by / on 01/06/2016 at 3:53 pm

日本Amazon「羊仔除草」計劃又開始 3位新成員加入

今年已經係Amazon.co.jp岐阜縣治見市嘅物流中心第4年用羊仔嚟清除雜草。唔駛工人唔駛機器,羊仔又有得食草,一舉幾得。今年仲會有新成員加入,就係上年出生嘅「ガクト君」、「ダイゴ君」同「ニコちゃん」,佢哋會同30至40位「前輩」食3750平方米草地嘅雜草,加油呀!食多啲呀!

Read more ›
【新片速報】美國農場羊仔有衫著 羊毛出自羊身上
by / on 10/05/2016 at 7:13 am

【新片速報】美國農場羊仔有衫著 羊毛出自羊身上

住喺美國農場Sunflower Farm Creamery嘅羊好幸福,因為佢哋有好靚嘅衫仔著。 由於前排天氣驟降,農場主人就決定俾啲冷衫呢班出世無耐嘅羊仔著,啱身之餘仲幾靚,不過正所謂羊毛出自羊身上‥‥‥

Read more ›
專業水準怒目悟空!范國威原來識畫畫!
by / on 18/01/2016 at 9:15 pm

專業水準怒目悟空!范國威原來識畫畫!

真係估唔到,原來立法會議員范國威係畫畫高手,早兩日佢喺將軍澳擺檔,率先畫揮春畫送畀市民順便拜早年,唔係求其撩兩筆寫兩隻大字敷衍了事o架。堅靚o架,手字寫得固然好,圖案簡潔,馬騮仔一大一細畫面好溫馨。唔只咁,送羊迎猴,佢仲用水墨加日漫手法畫咗張怒目悟空猴子王,堅有專業水準,睇番資料,原來佢係美國三藩市美術學院學士,厲害!佩服!失敬!

Read more ›
【披著棉胎的羊】獨居5年羊咩身型超巨 成功獲救剃走40kg羊毛
by / on 04/09/2015 at 7:20 am

【披著棉胎的羊】獨居5年羊咩身型超巨 成功獲救剃走40kg羊毛

第一眼見到呢隻叫Chris嘅羊咩真係嚇一跳,佢被志願團體RSPCA ACT喺澳洲坎培拉發現,啲羊毛多到完全見唔到佢嘅身型,就好似披住張好厚嘅棉胎一樣。機構喺9月2日透過FB同Twitter搵剃羊毛嘅專家,好快就有人出手相助,最終噚晚喺獸醫同剃羊毛專家合作下,幫隻羊咩剃走咗40.45kg嘅羊毛出嚟!好驚人!據知呀Chris大約喺5年前走失,相信因為一直無人打理,所以啲毛越積越多,最後多到連行步路都有困難,而家睇相見佢瘦晒靚仔晒,面尖尖好潚灑,溝女都唔係問題啦!

Read more ›
勁似卡通羊 奇妙海洋生物識光合作用
by / on 22/07/2015 at 7:14 am

勁似卡通羊 奇妙海洋生物識光合作用

呢款海洋生物好得意,正面睇唔計啲綠色嘢有啲似隻卡通羊,睇埋啲綠色嘢又有啲似箭豬,其實佢係一種叫藻類海蛞蝓 (Costasiella kuroshimae)嘅海洋生物,平時主要食水藻。佢嘅身型極細少,最多都係大到5毫米長,所以就算去到佢哋經常出沒嘅地方例如日本、印尼或菲律賓,都未必可以搵得倒佢哋。另外佢哋仲可以進行光合作用,將二氧化碳同水轉化成氧氣,又得意又實用,唔介紹唔得。

Read more ›

【有片】俄羅斯人臉羊 大鼻嬲怒老人樣
by / on 02/04/2015 at 1:30 pm

【有片】俄羅斯人臉羊 大鼻嬲怒老人樣

羊其實都係一種好可愛嘅動物,呢隻喺俄羅斯西南面「Republic of Dagestan」出現嘅你又點睇?話說一位45歲牧羊人Blasius Lavrentiev本來見到羊媽媽大肚,就諗住可以賣咗羊仔賺錢,點知:「我見到佢時真係嚇咗一跳呀!」有個大鼻之餘,個樣仲好似一位好憤怒嘅老人咁,而且佢話羊仔嘅爸爸媽媽都係正常樣……有獸醫就話咁嘅情況可能係因為佢餵羊時有太多維他命A。咁呢隻人臉羊亦都因為咁,避免俾人賣咗去劏,牧羊人都話想睇吓佢大個咗個變成點。

Read more ›
山羊得意短片集   羊b伸脷 VS羊叔疾走
by / on 01/03/2015 at 2:53 pm

山羊得意短片集 羊b伸脷 VS羊叔疾走

  今年係羊年,一般人都鍾意綿羊多過山羊,我本來都係,不過睇完呢堆古怪羊叔叔嘅Vine短片,我發現原來山羊都勁可愛!佢哋經常伸脷又鍾意親近人類,而且唔少都擁有古怪脾氣,會突然fing頭、疾走甚至踢同類,好搞笑!入嚟有好多片慢慢睇,羊年一齊賀一賀佢!理得佢係山羊定係綿羊,識「咩~」就係好羊啦!

Read more ›
南韓真羊cafe     兩隻綿羊長期駐守
by / on 10/02/2015 at 7:09 am

南韓真羊cafe 兩隻綿羊長期駐守

香港商場搵真羊做宣傳呢件事真係好反智,好哋哋點解要嚇佢哋?另一邊廂,近年香港人好鍾意去嘅南韓,都有間有真羊進駐嘅cafe,名為Nature Café,入面長住咗兩隻羊,客人除咗喺入面飲咖啡之外,仲可以同兩隻羊仔玩吓,對呢件事我有啲保留,始終羊係野生動物,不過呢兩隻可能已經馴服咗做寵物羊,點都好過突然掉佢哋喺街比閃光燈嚇餐飽。不過計我話,都係由佢哋投入返大自然好啲,飲咖啡,其實駛乜有羊仔陪?

Read more ›