fbpx

Post Tagged with: "羅蘭"

羅蘭變身龍婆拍政府宣傳片 洗腦Rap教心肺復蘇
by / on 22/08/2018 at 9:30 pm

羅蘭變身龍婆拍政府宣傳片 洗腦Rap教心肺復蘇

初初睇呢條片,仲以為羅蘭幫海洋公園拍哈囉喂全日祭,心諗不過8月尾啫,無理由咁快有Halloween宣傳架;睇真啲,原來係幫香港消防署拍嘅宣傳片,教人如何做心肺復蘇。甚麼「左手,右手,直手擺喺心口;深度,深度,5cm嘅深度;速度,速度,一秒兩下嘅速度」,呢幾句Rap真係煩得嚟又異常洗腦,不過羅蘭以龍婆造型同聲線出場,呢條橋都尚算OK,加埋片頭嗰個擺明向《進擊之巨人》致敬嘅片名《擊活の人心》,以政府嘢嚟講,揀喺農曆七月嚟播,算幾食中Timing同吸睛。

Read more ›

有片:《陰陽路》20週年 《常在你左右》龍婆出場
by / on 24/09/2017 at 8:00 pm

有片:《陰陽路》20週年 《常在你左右》龍婆出場

正呀喂!身為香港人,相信點都睇過一兩集《陰陽路》,就算未睇過,斷估都知道龍婆係邊個啩?呢個角色紅到好多年海洋公園Halloween都搵羅蘭拍廣告。Total拍到第十幾集呢?唔知,淨係知原來今年係《陰陽路》20週年,邱禮濤拍咗套《常在你左右》賀一賀佢,Cast都唔弱,有我最鍾意嘅蔡卓妍、古天樂、張智霖、林家棟、佘詩曼,當然唔少得龍婆羅蘭喇。就當懷緬自己嘅青蔥歲月,呢套戲我會入戲院睇。

Read more ›
有片:《吉祥酒店》大渡有份 連詩雅旗袍Look好掂
by / on 22/10/2015 at 9:00 am

有片:《吉祥酒店》大渡有份 連詩雅旗袍Look好掂

《吉祥酒店》又關大渡事?係喎,原來大渡有份投資架喎,仲喺網站整咗首疑似打油詩,抄畀大家過過目,好了解呢套鬼片講乜──「入住吉祥大酒店,唔好亂問人幾點;夜半敲門未停止,只為服侍到滿意;一覺醒來先發現,龍婆正在你身邊,平生不作虧心事,不妨放膽來試試。」睇Trailer,Cast就……除咗男主角周柏豪之外,仲有打唔晒四圈牌唔畀人走嘅羅蘭、自稱乜都知嘅包租公盧海鵬主演,咁當然,If,我講If呀,如果真係入場睇的話,我諗有90%都係因為有連詩雅做女主角囉,喂!家陣先知,原來連詩雅著旗袍好索,好有線條美呀。

Read more ›
新片速報:海洋公園哈囉喂最新《驚慌中》MV 羅家英扮羅文
by / on 05/10/2015 at 9:00 pm

新片速報:海洋公園哈囉喂最新《驚慌中》MV 羅家英扮羅文

海洋公園宣傳哈囉喂全日祭15年都幾落本,又聯乘《The Walking Dead》,又搵夏蕙BB、羅蘭拍片,廣告一條接一條出。最新有哈囉喂主題曲《驚慌中》MV,睇歌名都知係二次創作羅文首《激光中》,喺紅紅綠綠迷幻燈光下,羅家英扮羅文又真係幾激似,仲有羅蘭客串出番兩個Shot添,至於歌詞?都OK有啖笑咁喇。

Read more ›
新片速報 羅蘭姐開金口 海洋公園全日祭廣告
by / on 12/09/2013 at 5:17 pm

新片速報 羅蘭姐開金口 海洋公園全日祭廣告

又一年。雖然我好耐冇去過,但海洋公園啲宣傳的確係做得幾好。好似羅蘭姐咁,哈佬喂一出真係贏晒米老味o架。繼上年西裝look聖羅蘭(入嚟回帶)之後,今年又再嚟,今次主題玩「全日祭」,即係全日都可以玩哈佬喂,羅蘭姐仲親自展歌喉!

Read more ›
新片速報:羅蘭姐扮高登仔講鬼古
by / on 05/09/2013 at 5:30 pm

新片速報:羅蘭姐扮高登仔講鬼古

雖然由羅蘭姐聲演,但估計呢篇鬼古潮文同海洋公園哈囉喂無關,聽完,或者你都會同我有同一個諗法──原來羅蘭姐唔只演龍婆得,連講鬼古都一樣咁得。

Read more ›

新片速報 哈囉喂羅蘭姐又嚟料 貞子3D過籠被踩
by / on 29/08/2013 at 12:00 pm

新片速報 哈囉喂羅蘭姐又嚟料 貞子3D過籠被踩

唔知幾時開始,海洋公園哈囉喂已經同羅蘭姐劃上等號,家陣九月都未到,龍婆已經喺Youtube幫手賣廣告,鬼聲鬼氣依然,但今次焦點卻喺貞子身上。

Read more ›