嘩！打機一樣！喺剛去拜仁慕尼黑對禾夫斯堡嘅德甲賽事，拜仁前鋒羅拔利雲度斯基（Robert Lewandowski）後備入場，前後只係用咗九分鐘，就入咗五球，協助球隊反勝5:1。五球，你無睇錯我亦無寫錯，真係五球！門前執雞、禁區外割草式冷箭、中完柱左右腳連環施射、半腰掃把腳、球不著地車身窩利，五種射法，五球都入晒。莫講話我等球迷，連拜仁教頭哥迪奧拿都驚喜到O晒嘴，不斷摸額頭Wow Wow聲！真係勁到核爆！

天生一張明星臉，幾時都有著數，就好似呢個A貨羅拔利雲度斯基(Robert Lewandowski)咁，係咁意笠係件多蒙特球衣，就可以周街溝女，仲成功攞到十個電話添。