Tag: 罐頭

日本網民自製罐頭戒指   物輕情意重Twitter熱傳

日本網民自製罐頭戒指 物輕情意重Twitter熱傳

之前日本食品公司「マルハニチロ」出過款罐頭設計嘅戒指,好多日本網民談論,最近有日本網民就自製咗呢隻罐中罐嘅戒指,睇落好大膽好新穎,網民仲大讚佢係天才級嘅發明,不過女朋友鍾唔鍾意就好難講‥‥‥‥

Read more ›

日本團體販賣「平成空氣罐頭」 每個1080円網民鬧爆

日本團體販賣「平成空氣罐頭」 每個1080円網民鬧爆

日本嘅平成年號即將完結,有團體就諗到製作呢個「平成空氣罐頭」發售,每個賣1080円,據講吸引好多日本遊客購買。睇電視新聞仲見到職員喺橋上即時採集空氣,講多少少背景資料,日本嘅岐阜縣關市有一個地方真係叫「平成」,而喺呢度嘅一個非牟利團體就諗到喺「令和」來臨之前製作呢個罐頭,仲揀選咗喺年號橋上面製作。每個罐頭入面除咗空氣,仲裝有5円硬幣同埋祝福,不過賣1080円,似乎真係貴咗啲,難怪有網民喺Twitter鬧爆,仲吸引好多人留言支持,入嚟有回帶。

Read more ›
【有片】罐頭吞拿魚原來咁好用 露營當蠟燭煮食

【有片】罐頭吞拿魚原來咁好用 露營當蠟燭煮食

鍾意行山露營嘅要注意,一罐罐頭吞拿魚有幾好用?外國有人親身示範,原來可以當蠟燭用,加兩張廁紙,之後點火就可以用嚟煮嘢食,煮完個白飯,拎走張燶咗嘅廁紙,啲吞拿魚仲可以繼續食用。世界末日記住帶多兩罐吞拿魚。

Read more ›

日本芝士蛋糕罐頭 保存期兩年災害時啱用

日本好多唔同類型嘅罐頭,估唔到連甜品芝士蛋糕都有罐頭裝。最近有日本網民放上twitter後好多人RT,佢話呢款芝士蛋糕幾好味,而且保存期有2年,可以留返災害時俾小朋友食氹佢哋。咁就算唔係災害,其實平時行山或者喺屋企肚餓時開返罐食吓都幾爽,下次去開日本買兩罐傍吓身先!

Read more ›

【新片速報】12分鐘鯨吞12罐粟米 大胃王食到揼心口

為咗令自己健康啲,間中食麥記我會將薯條轉粟米,不過要好似呢個人咁鯨吞粟米,真係要好大勇氣。呢位叫Matt Stonie嘅外國男仔喺12分45秒鯨吞咗12罐粟米!即係大概11.5磅嘅粟米!睇片見佢食到呆呆滯滯,中途仲揼晒心口,真係替啲粟米可憐。不過呢啲片又好多人鍾意睇,眨吓眼已經有60萬點擊。食完呢餐,我諗Matt呢1個月都唔想再掂粟米嘞。

Read more ›

有片 核突蟲出罐頭 Wasabi蟋蟀/芝士草蜢送酒一流

好玩唔玩,又玩蟲!外國科技網ThinkGeek最近出咗幾款核突蟲罐頭,味道仲好豐富吓。例如有煙肉芝士草蜢、Wasabi蟋蟀、BBQ炸竹蟲、海草蝎子尾、鹽味黃猄蟻后,睇片見大家試食得好開心,脆卜卜好似唔錯,睇實物無圖片咁恐怖,反而試食嗰幾位個樣仲驚嚇‥‥‥一盒五罐禮盒裝賣美金$19.99,買嚟送比朋友睇波送酒一流。

Read more ›

有片   爆谷新玩法   罐裝汽水加油即爆

有片 爆谷新玩法 罐裝汽水加油即爆

條片唔係最新不過我啱啱先睇倒,我未試過自製爆谷,但係估唔倒原來一個罐加少少油都可以整倒爆谷!外國頻道CrazyRussianHacker真人示範,將個罐界開一個正方洞,加少少油再放上爐頭上面,放幾粒爆谷豆入去,無幾耐爆開嘅爆谷就會喺正方洞位置彈出,好實用又好好玩!佢話最適合露營時整,不過計我話界開個罐時要小心啲,睇片都覺得好牙煙,到時荒山野嶺為咗食幾粒爆谷而爆晒缸就唔抵。

Read more ›

【有片】老俄求生專家 教你徒手開罐頭 堅學到嘢!

罐頭係呢個世界上最錯嘅發明! 真心! 每次當你餓到個胃貼住背脊時, 想開罐頭一定要好小心, 有冇試過用舊式罐頭刀時, 俾個開口邊刮去成忽肉嘛!? 係先冇血、再開水喉嗰隻……你以為咁係最痛, 仲有! 新式圓滾刀都可以好瀨嘢, 就係搵唔到工具, 攞塊頂蓋金屬片出嚟, 但你又太肚餓, 諗住用指甲箝佢出嚟啦, 點之又出事, 結果係(界刂)開指甲同指頭間嘅肉, 唔係幾深, 但一樣見血, 跟住每次濕水將會係人間最慘事, 嗰一刻, 你好想問候發明罐頭嘅人!

Read more ›
有片     機迷專用9道菜罐頭    死士親身試食

有片 機迷專用9道菜罐頭 死士親身試食

之前介紹過呢罐機迷聖誕專用嘅9道菜罐頭,傳聞係英國遊戲連鎖店GAME嘅出品,以為只係搞笑嘢,原來真係有得賣,日前就有位外國死士親身試食,仲拍埋片放上網分享試後感,佢自備刀叉開餐好專業,仲逐層試逐層講解,不過睇落一pat嘢咁唔多開胃,送比我都唔敢試,唯一可以肯定嘅係食完應該飽到上心口。

Read more ›

高級罐頭 12層12道菜品味人生

你最鐘意食邊款罐頭?我嘅三甲之選係午餐肉、茄汁豆同埋豆豉鯪魚,講返正題,外國設計師Christopher Godfrey好得閒,最近整咗呢味12道菜嘅罐頭,第一層係芝士配發酵麵糰,跟住係醃製神戶牛配炭燒士多啤梨,仲有蘑菇呀、洋葱湯呀咁,打破罐頭等於劣食嘅模式,原來罐頭都可以咁高級。

Read more ›

最硬淨瑪利奧大叔 砌罐頭做善事

嘩,瑪利奧大叔呀!仲有佢個招牌勝利動作添,望吓後面,有最鍾意掟嘢嘅雲叔,同埋最狗嘅水管食人花,而且全部都係用罐頭砌成,勁3D。案發現場喺加拿大Calgary某商場,呢個地方每年都會舉行名為「Canstruction」嘅砌罐頭比賽,今年主題係「科技產品」,除咗瑪利奧,仲有Angry Birds、打字機等,最有意義係砌完兼展覽完嘅罐頭,全部會捐晒去當地嘅食物銀行,幫助有需要人士,值得支持!

Read more ›

國產「空氣」熱賣8百萬罐 用後頭腦清醒、心情舒暢?!

第一眼睇倒呢罐嘢已經嚇一跳,呢個陳光標自稱好人,用埋大大個嘜頭,以為係飲品?原來係新鮮空氣,吹漲!呢罐空氣來自佢話嘅國內一流空氣地區,例如井岡山、香格里拉、安徽五河縣等地。主席兼出品人陳光標聲稱每朝吸完先返工,用後頭腦清醒、心情舒暢,仲話:「吸了之後就像站在大海邊,有海風吹拂的感覺。」新鮮空氣5蚊罐,保存期一個月,由於最近北京空氣轉差,陳自稱10日賣出8百萬罐空氣。本週最獵奇非你莫屬啦標哥!

Read more ›