呢幾日日本好多人談論無線LAN，有日本網民就放咗佢隻有線LAN喵上Twitter助慶，佢隻喵NISMO俾條LAN線繞住好多個圈，仲好似一臉無奈咁。後來樓主話原來張相已經係3年前，不過最近嘅佢似乎無乖到，佢仲有個好奇怪嘅習慣，就係鍾意飲沖涼時花灑射出嘅暖水，入嚟有得睇。

喵星人鍾意嗲人，如果佢心情好嘅話。最常見嘅情況就係當你做嘢嘅時候，佢就會纏實你，煩到你陪佢玩。不過好似呢隻日本喵星人咁誇張就比較少見，難怪段片喺Twitter熱傳。睇片見隻喵星人攬實主人隻手唔放，無論主人點樣試圖揈走佢，佢都堅持攬實，咁咪用唔到mouse做嘢囉？不過難得喵星人咁嗲，我諗主人其實都唔介意。