Tag: 緬因貓

【相集】超大隻緬因貓 串串貢IG大人氣

【相集】超大隻緬因貓 串串貢IG大人氣

緬因貓出名大隻,仲好得意仔,好似呢隻叫Lotus嘅巨貓喺IG就有接近6萬個followers,主人仲好似幾靚女!入嚟有多啲佢(隻喵)嘅相可以睇,個樣串串貢嘅佢其實幾型。

Read more ›

【有片】超巨型喵星人好黐身 經常要抱考臂力

【有片】超巨型喵星人好黐身 經常要抱考臂力

由細攬到大,而家變到咁大隻點算好?照攬囉。外國呢位貓奴隻緬因喵Tihon細細隻開始已經好黐身,到而家咁巨型都係好鍾意見到主人就跳埋去要攬攬,好彩身型纖瘦嘅主人好好力,完全無嫌棄佢。不過佢雖然身形巨大,但係喺屋企並唔係大佬,身形細過佢嘅喵仔先係話事嗰個。而家佢只係想每日24小時黐實主人,做大佬?唔駛客氣嘞。

Read more ›

【相集】全球最巨型喵星人 「緬因貓」霸氣十足

噚日介紹過一隻重28磅長4呎嘅巨型緬因貓(Maine Coons),其實呢個品種嘅喵星人係家貓之中最巨型嘅。外國攝影師Robert Sijka好鍾意影貓,佢嘅Facebook有大量緬因貓嘅相,全部都好高質,緬因貓隻隻個樣都好霸氣,有啲似老虎,而且細細隻個樣已經好成熟,入嚟有得慢慢睇,大開眼界呀!

Read more ›
【有片】最巨型喵星人現居紐約 重28磅長4呎鍾意「責」醒人

【有片】最巨型喵星人現居紐約 重28磅長4呎鍾意「責」醒人

呢隻肥貓實在太得意嘞。佢叫Samson,品種係緬因貓,而家重28磅,長4呎,要抱起佢都要有好強嘅腕力。佢嘅主人Jonathan Zurbel澄清呢隻喵星人唔係肥,無超重,佢只係生得比較大隻啫。佢每朝主人未起身就會走入房,然後跳上主人個肚腩度瞓覺,比咁重嘅佢責住,應該好難唔醒嘞。另外佢仲好可能係世界上最大嘅貓,因為之前健力士紀錄最大隻嘅喵星人身長4.04呎,可惜喺2013年已經過咗身,所以呢隻28磅4呎長嘅喵星人,可能已經足以稱霸地球。

Read more ›

【喵中之霸】超巨型緬因貓 貓砂盤要幾大先得?

家喵之中,緬因貓(Maine Coon cat)係最大呎吋嘅品種之一,2010年健力士世界大全入面「最長喵星人」都係緬因貓品種,123厘米長、25磅重,好誇張。有古老傳說甚至話佢哋係貓同浣熊混種而生。由於佢哋性格聰明又活潑,所以喺外國都好多人養,網上就有大量佢哋同主人嘅合照,呎吋分分鐘拍得住主人,冬天攬住佢瞓應該暖笠笠,如果佢肯比你攬嘅話。BTW,我最想知佢哋個貓砂盤究竟有幾大?

Read more ›

15隻超級巨喵相集 「我肥但我很敏捷!」

肥喵肥喵成日聽得多,咁究竟幾肥先算係肥喵?網上搜羅咗世界各地嘅超級大隻喵,全部都係超級巨咪身型,未必係肥,但就相當大份!(不過好多都有大肚腩……) 另一方面,大隻唔等於動作遲鈍喎,好多都好跑得,追狐狸都無問題!睇完係咪覺得自己屋企嘅喵星人好迷你?BTW補充吓知識先,邊種貓體型最大?原來美國嘅熱帶草原貓一直被認為係最巨大嘅貓種,不過唔適合家養,因為佢係暹羅貓混非洲山貓,野性難馴;所以100%適合屋企養嘅緬因貓,就係家貓之霸喇。

Read more ›