Tag: 網購

進擊之巨人面具有得賣 開價$6000只此一件

今年所有動漫展都見倒嘅進擊之巨人,睇到厭但依然有勁多人爭住cosplay,外國網民Nathan Rodriguez仲整咗隻巨人面具放上網賣,手工好精緻,全人手縫製,仲用埋靚皮製作,頭同尾仲有索帶比你調校到超貼面,不過價錢都貴到嚇死人,開價港幣約$6000,只此一隻,難怪睇咗幾日,都仲係有一隻等賣。

Read more ›

即笠即瞓 《塊魂》頭枕快叉一流

每日上網見好多獵奇發明,不過呢款我真心想買。名為Ostrich Pillow嘅即瞓頭枕,我懷疑靈感來自遊戲《塊魂》,不過係瞓覺專用,特點係即笠即瞓,最正係頭頂有兩個窿比你塞埋對手入去,既保暖又就手。坐喺度瞓咩?佢可以遮晒你雙眼雙耳,淨返鼻同咀,撞倒熟人都唔怕。呢個發明之前喺kickstarter募資,反應熱烈,而家正式量產,官網賣美金$99,一齊快叉啦!

Read more ›

驚嚇喪屍熊 甩皮甩骨網上熱賣

爛牙、碎骨、爆腦、甩眼‥‥‥咁恐佈嘅場面唔係出現喺喪屍身上,而係一隻隻天真無邪嘅可愛熊仔。外國有專做插畫,擅長虐待玩具熊嘅藝術家Phillip Blackman,出產一系列「UndeadTeds」喪屍熊,全部未死得但甩皮甩骨見晒血,超驚嚇,網上有得賣,開價美金$50起,好多款已經賣斷貨!我明,如果我隔籬屋有個日喊夜喊,成日對住我吐口水嘅O靚仔,我可能都會買返隻送比佢做新年禮物,嘻!

Read more ›