fbpx

Post Tagged with: "網絡"

日本網絡紅人搞笑「飲管」 扮吸超巨型珍珠
by / on 21/06/2019 at 7:34 am

日本網絡紅人搞笑「飲管」 扮吸超巨型珍珠

日本網絡紅人ARuFa專門做無聊搞笑嘢,最近又有新嘢玩,為咗同其他飲珍珠奶茶嘅人有所不同,佢自製咗支特別飲管,其他人睇落會誤以為佢吸緊粒超大珍珠,無聊得嚟又令人好想買返支,可惜無量產嘅打算。BTW,呢間台式珍珠奶茶店鹿角巷喺日本越開越多分店,而家已經有超過20間,入嚟有得睇埋另一位網民設計嘅昭和時代珍珠奶茶廣告,高質。

Read more ›

一個人的High Five 拍手自拍新挑戰
by / on 15/10/2016 at 7:43 pm

一個人的High Five 拍手自拍新挑戰

呢位North Carolina大學嘅學生,佢話嗰日係佢最值得自豪嘅一日,因為佢成功自拍到一張自己high fiving自己嘅相。有幾自豪呢?因為自己同自己Five,咁咪冇手自拍?但佢做到,之後仲有好多人跟住試,不過諗番轉頭,自己同自己five,好似都幾悲哀…….不過,我都想搵個朋友挑戰吓,佢自拍好叻嘅。

Read more ›
日本網絡初哥:「網絡世界好狹窄!」 迫爆回帶圖網上熱議
by / on 11/09/2016 at 11:59 am

日本網絡初哥:「網絡世界好狹窄!」 迫爆回帶圖網上熱議

呢張舊圖間中喺日本討論區就會被回帶,今次嘅標題係「電腦世界好狹窄啊!」有網民話:「好懷念呢個介面」、「通常長者嘅電腦就會係咁」(因為成日亂裝咗好多工具列)、仲有人話好似香港嘅市區咁狹窄。有網民突破盲點,話而家連最唔識上網嘅人都唔再用IE。BTW,係時候幫屋企嘅長輩清理吓部電腦嘞,定係佢哋已經轉晒用智能電話?

Read more ›
【有片】新網絡挑戰來臨 胸中隊酒幾時到香港?
by / on 08/07/2016 at 7:56 pm

【有片】新網絡挑戰來臨 胸中隊酒幾時到香港?

  耐唔耐,網絡上面就會出現一啲挑戰,有啲有意義,有啲冇意義,我覺得呢個就好有意義。喺Twitter同ig最近都出現呢個「BoobLuge」關鍵字,其實都唔駛講咁多玩法係點,入嚟睇圖睇片就會明。嗱,我覺得香港人一向走得好前,好應該挑戰吓,當然,要玩嘅話,首先你要有對象,而你對象又首先有……我想玩,但一定唔會同隔籬個肥仔玩,雖然佢比好多囡囡有條件玩。

Read more ›
【#7少陣】日本網絡「白痴惡行」 鼻窿塞調味料/火車軌影相
by / on 29/09/2015 at 10:49 pm

【#7少陣】日本網絡「白痴惡行」 鼻窿塞調味料/火車軌影相

世界各地每日都有人亂放相上社交網平台搞到自己一身蟻,日本都唔例外,佢哋主要出事地點都係Twitter,有日本網站就集合咗大量日本人眼中嘅「白痴惡行」嘅帖文,一次過比大家重溫/公審。例如將餐廳嘅調味料樽塞入鼻窿或者嘴入面、跳入超市雪櫃影相、企喺地鐵路軌影相、喺月台放煙花,全部都好無公德心,日本人梗係睇唔過眼。有機會嘅話,真係好想幫呢班人嘅twitter加返個hashtag:「#7少陣」。

Read more ›
網上瘋傳離奇相片 裙子顏色係黑/藍定白/金 荷李活影星網上爭論
by / on 27/02/2015 at 4:49 pm

網上瘋傳離奇相片 裙子顏色係黑/藍定白/金 荷李活影星網上爭論

睇第一眼呢張相,唔覺有咩神奇嘅地方,我睇到嘅係黑藍色囉,冇嘢呀。其實呢張相係一位蘇格蘭21歲歌手Caitlin McNeill放上tumblr,佢話佢同佢朋友睇到呢條裙有唔同顏色……之後,有荷李活影星們都參與討論,新鮮熱辣得到奧斯卡影后嘅Julianne Moore就話見到係白金色,而Taylor Swift、Justin Bieber等人就話肯定係黑藍色,你睇到咩色?又有咩解釋?有外國傳媒拍咗片,有科學人就話係因為睇時嘅環境唔同就會有變化…….其實,有冇讀者睇到係白金色?咦?我縮圖嚟睇,當背景全白時,又好似係白金色喎!

Read more ›

古怪人像攝影   18歲日本女攝影師網絡大熱
by / on 26/12/2014 at 2:57 pm

古怪人像攝影 18歲日本女攝影師網絡大熱

喺日本,唔一定要靚女先可以出寫真,有橋夠古怪,一樣可以靠樣搵食。好似呢位只得18歲嘅小妹妹Izumi Miyazaki,喺網絡上好紅,全靠佢影嘅相夠古靈精怪。可能你之前都見過,不過我就啱啱先認識佢。睇完佢啲相,你會發現原來影人都可以咁有實驗性咁好玩。雖然佢個樣唔係典型靚女,不過輯相都睇得人好開心。有興趣可以學返兩招,放上facebook應該可以呃倒好多like。

Read more ›
伸脷狗紅爆網絡     因為無牙所以伸脷
by / on 17/10/2014 at 7:42 am

伸脷狗紅爆網絡 因為無牙所以伸脷

前幾日介紹過嘅O嘴貓到而家我都記得,超可愛。不過佢有勁敵嘞,就係呢隻古惑嘅伸脷狗Toast嘞。佢嘅品種係騎士查理斯王小獵犬,之所以經常性伸脷,原來因為主人收養佢之後發現佢滿口爛牙,為咗健康著想唯有幫佢剝晒全部牙,而家佢係一隻無牙狗,所以伸脷成為佢嘅招牌表情,仲吸引好多人成為佢嘅fans,Instagram閒閒哋都有超過10萬個followers。計我話,無牙唔緊要,最重要搵到個錫自己嘅主人嘛,你睇佢幾開心。

Read more ›
靚仔警察網絡爆紅   粉絲代開Facebook專頁
by / on 14/07/2014 at 7:07 am

靚仔警察網絡爆紅 粉絲代開Facebook專頁

喺網絡嘅年代,經常會有人失驚無神爆紅,之前有個外國罪犯因為靚仔紅咗,最近又有個三藩市嘅警察Chris Kohrs爆紅,佢無好勁嘅戰績,純粹捉吓偷手機賊或者準備打劫便利店嘅笨賊,紅嘅原因好簡單,兩個字:靚仔!佢一張巡鑼時被偷拍嘅相喺網上瘋傳,紅到有人幫佢開埋Facebook粉絲專頁,而家有接近四萬個粉絲,啱啱專頁管理員Nathan Tatterson同發現靚仔Chris嘅Mark Abramson仲同型警一齊合照,估唔倒全部都係仔,滲出陣陣gay味。

Read more ›
網絡超新星    鴛鴦臉貓大人
by / on 02/07/2014 at 7:07 am

網絡超新星 鴛鴦臉貓大人

呢隻叫Venus嘅貓大人喺網絡好紅,佢唔止擁有完美比例嘅鴛鴦臉,一邊黑一邊忌廉色,雙眼仲係鴛鴦色,一隻綠一隻藍,好特別。主人幫佢喺Facebook、Instagram同Twitter都開咗戶口,加埋超過30萬個fans,superstar級數!佢主人強調Venus啲相絕對無PS過,全部如假包換。玩具公司GUND仲根據Venus外形整咗個毛公仔出嚟,塊面圓啲肥啲,睇嚟Venus唔多鐘意。

Read more ›
靚仔疑犯大頭相     上載fb爆紅
by / on 23/06/2014 at 7:17 am

靚仔疑犯大頭相 上載fb爆紅

最近外國又有個素人突然爆紅,不過佢唔係流浪漢,而係犯人Jeremy Meeks。呢位美國男子日前因為非法藏有武器被斯托克頓警察拘捕,根據慣例,將佢嘅相連埋其他犯人嘅大頭相放上facebook,點知一舖就吸引咗幾萬個like,網民驚為天人,仲火速幫佢改圖成為各大品牌嘅模特兒。另一邊廂有人火速幫佢開埋fb戶口,仲累積咗14萬個fans,可惜唔能夠令佢甩身,監似乎都係要照坐o架喇。

Read more ›

新片速報    遊戲結他王子  1分鐘彈16首歌
by / on 10/01/2014 at 11:53 am

新片速報 遊戲結他王子 1分鐘彈16首歌

網絡歌手Chad Neidt生得幾靚仔,仲彈得一手好結他,最近佢宣佈1月20日會推出唱片,仲送咗首集合好多經典遊戲歌曲嘅結他Medley比歌迷,原來佢都係機迷!自彈自唱嘅1分鐘嘅短片,有15首遊戲歌曲混合而成,唔少得經典嘅俄羅斯方塊、食鬼、薩爾達,新啲嘅Halo、Red Dead Redemption都有,聽落唔刺激仲好悠和,啱晒星期五嘅輕鬆心情呀!

Read more ›
網上留言惹的禍  IAC公關火速被炒
by / on 23/12/2013 at 7:28 am

網上留言惹的禍 IAC公關火速被炒

人類總是要犯‥‥‥今次瀨嘢嘅係外國網絡公司IAC嘅公關,呢位Justine Sacco小姐星期五晚搭飛機去南非,臨上機前post咗段反智留言上twitter,內容如下:「Going to Africa. Hope I don’t get AIDS. Just Kidding. I’m White!」稍為有腦都知,愛滋病唔係去吸啖空氣就會中,而且呢番說話擺明種族歧視。喺佢上咗機嘅11小時內,留言被瘋狂轉載,可惜佢delete唔倒,當佢一落機即刻比人影埋相放上twitter,而佢公司一同佢聯絡上之後,即時公佈炒佢魷魚!快而準!咁反智嘅人做企業傳訊部嘅資深董事,的確尤如計時炸彈,早炒早著。

Read more ›
超強大!神級改編 日漫風格《媽媽,再打我一次。》
by / on 18/12/2013 at 5:50 pm

超強大!神級改編 日漫風格《媽媽,再打我一次。》

近呢排,網絡超人氣嘅有《媽媽,再打我一次。》嘅改圖,四格萬能Key對白,笑點自動浮現!不過呢個由「雙十祭」post喺巴哈姆特嘅漫畫唔只改對白,直情重新用日本漫畫風格畫過,而且劇情仲叫有日系少年漫畫嘅熱血!「居然擋下我的攻擊?」「你已經不是我對手!」超正!

Read more ›
肥豬Jamon網絡爆紅   榮登豬界No.1
by / on 16/10/2013 at 12:22 pm

肥豬Jamon網絡爆紅 榮登豬界No.1

喵同狗係網絡界最多粉絲嘅動物,不過而家佢哋有勁敵嘞,今次喺網絡大紅嘅居然係一隻肥豬仔,佢叫Jamon,喺巴西Sao Paulo居住,只得6個月大,自從主人將佢嘅得意相放上Instagram後就開始走紅,睇佢肥頭dup耳笨笨哋嘅樣,真係好想高八度大叫:「好得意呀!」 。佢而家instagram有成2萬5千個粉絲,facebook都有1萬6千粉絲,豬界嚟講應該係No.1,Justin Bieber級數。

Read more ›