Post Tagged with: "網上"

自創麥記漢堡包     最多人投票正式量產
by / on 24/05/2014 at 7:13 am

自創麥記漢堡包 最多人投票正式量產

麥當勞得閒就會推出吓新包,有時啱口味有時麻麻哋,估唔到最近居然咁大膽,比網民自創口味!英國麥記最近搞咗個網上活動,大家可以入佢哋嘅網站自創漢堡,由麵包以至配料都可以任揀,加芝士走煙肉多洋蔥乜都得,仲有大量新奇刺激嘅醬料任揀,整完幫個包改個名放上網,最多人投票嘅12個包就會比麥記評審試試味,最正嘅5個包就會連續5星期,每星期一款喺英國麥記發售,香港有無興趣搞返個?

Read more ›

新片速報    教你砌Simpsons LEGO  一家五口唔難砌
by / on 11/05/2014 at 1:24 pm

新片速報 教你砌Simpsons LEGO 一家五口唔難砌

LEGO啱啱喺5月4日推出Simpsons全員集合玩具,不過點都唔及自己一手一腳砌出嚟咁有滿足感嘅。芝加哥嘅動畫師David Pickett就拍咗條片教大家用屋企嘅LEGO,砌返Simpsons一家五口出嚟,條片都幾長,有成26分鐘,想淨係砌其中一個角色嘅,可以飛住嚟睇。順帶一提,上星期FOX出嘅The Simpsons LEGO特別單元都好正,trailer網上點擊已經超過200萬,仲未睇嘅入嚟有回帶。

Read more ›
iPhone 6開發機流出?    網上3D檔免費下載
by / on 11/05/2014 at 12:58 pm

iPhone 6開發機流出? 網上3D檔免費下載

iPhone 6好多果迷引頸以待,究竟個芒會係4.7吋抑或5.5吋?網上見倒兩部iPhone 6,唔係扮唔小心漏低嘅開發機,而係fans用3D印刷造出嚟嘅機,嚴格嚟講即係山寨機。有錢嘅,可以比美金$25去Martin Hajek嘅網站下載3D檔自己印返個,無錢嘅,可以去網友arthurtilly嗰度免費下載,佢好大方無Martin咁計較。整完有乜用?等你適應吓大芒iPhone嘅手感,到時一出即買,就可以免去適應期,呢段時間仲可以用佢嚟玩吓朋友,引起吓話題咁囉。

Read more ›
聖闘士星矢聖杯  青銅/黃金7月發售
by / on 02/05/2014 at 6:58 am

聖闘士星矢聖杯 青銅/黃金7月發售

聖闘士星矢嘅fans都幾die hard,平時唔聲唔聲,但一見倒有星矢產品推出就會雙眼發光,你係咪其中一個?今次呢對青銅聖杯同黃金聖杯有無令你即刻想撳掣上網訂返套?開價3240円一隻,儲齊兩隻港幣$500左右就搞掂,預計7月發售。由於用上真空斷熱構造,所以就算飲冰水或者熱水,隻杯都唔會過凍或燙手,不過買得嘅都係珍藏居多,邊捨得用吖,除非買兩套,一套儲一套用啦。

Read more ›
新片速報   世上最辛苦工作   網上面試片兩日150萬點擊
by / on 16/04/2014 at 7:08 am

新片速報 世上最辛苦工作 網上面試片兩日150萬點擊

筍工成日聽,咁最辛苦嘅工呢?呢兩日網上廣傳呢條短片,兩日已經有過150萬點擊,幾個人上網視像見工,份工銜頭好勁,叫做Director of Operations,不過當負責面試嘅工作人員話比大家知,呢份工每週工作135小時以上,聖誕新年都要返,無人工無病假,面試者即刻想掟爛個cam走人,咁究竟份工做啲乜?我唔劇透,入嚟自己慢慢睇到尾,睇完唔好喊。

Read more ›
日本枝豆製冰器   逐粒唧入口
by / on 01/04/2014 at 6:52 am

日本枝豆製冰器 逐粒唧入口

去親日本居酒屋都必嗌枝豆,一排三粒青bb青豆,最啱一邊食一邊飲燒酒。通常枝豆都係用手指逐粒豆唧入口食,諗起都爽!如果你都係同好,呢個枝豆製冰器有無令你有衝動想買個返屋企?每次可以雪三粒大圓球冰,飲時用手逐粒唧出嚟,好有食枝豆嘅神髓,而且據講呢啲枝豆冰比起一般冰粒溶化速度慢八成,賣英磅10蚊一排,即係港幣約$130,不過運費都要成10英磅,有無枝豆迷想一齊團購?

Read more ›

有片   韓國新潮流    靚女網上直播開餐   月賺7萬
by / on 30/01/2014 at 7:21 am

有片 韓國新潮流 靚女網上直播開餐 月賺7萬

韓國真係無奇不有,最近興起網上直播食飯,其中最人氣係呢位韓國靚女Park Seo-yeon, aka The Diva,佢每晚直播自己食七咁食,吸引好多人睇,仲令佢每月穩賺7萬蚊港幣!呢個全新概念成為韓國潮流,而家大概有3500人主持緊呢類型節目,靚女Park Seo-yeon每日開工3小時,直播期間網友可以送虛擬汽球比佢,每個值100 won,一個月可以賺倒超過7萬蚊港幣。佢話大家最鐘意係睇佢一次過食咁多嘢,滿足倒減肥節食嘅人士,更重要係,填補倒一班自己喺屋企食飯好空虛嘅網友心靈。

Read more ›
《街霸》Vega春麗出Figure    頭雕傳神有睇頭
by / on 16/01/2014 at 7:25 am

《街霸》Vega春麗出Figure 頭雕傳神有睇頭

法國玩具公司TSUME我都係啱啱先識,最近佢哋設計咗《街霸4》嘅春麗同埋Vega,質素相當唔錯。先講春麗,甫士係招牌飛腿,雕功唔錯表情好神似,大脾似足原著咁粗壯;至於另外隻Vega都有驚喜,有兩個頭可以換,戴唔戴面具隨你鐘意,最欣賞佢有埋鐵網情景,可惜無得轉甫,長期咁chok都幾攰。兩款都係預定今年第二季推出,而家有得網上預訂,開價港幣$2100左右,歐洲嘢果然唔慌平。

Read more ›
有片   新手機Phonebloks網上熱爆    Lego化隨意組合
by / on 14/09/2013 at 3:54 pm

有片 新手機Phonebloks網上熱爆 Lego化隨意組合

而家嘅手機,設計目的就係要令你不停換機,呢部Phonebloks完全解決倒以上問題,難怪一放上網4日已經有8百萬人睇,熱爆!佢好似Lego咁,每個組件例如電池、相機、螢幕、處理器都可以自由搭配,萬一壞咗任何一忽都可以齋換嗰個部份。而且唔同人可以有唔同組合,例如阿婆唔駛要相機,可以加大個電池,相機友可以換個專業相機。呢個計劃l喺網上集資中,反應好好,網民大讚荷蘭設計師Dave Hakkens叻仔,概念好得,希望量產時執執個外形,咁就完美喇。

Read more ›
甩頭哈佬喂cosplay造型    網上DIY教你整
by / on 01/09/2013 at 6:15 pm

甩頭哈佬喂cosplay造型 網上DIY教你整

一見倒羅蘭姐,我就諗起哈囉喂就嚟到,既然海洋公園咁早宣傳,我都做好準備諗定今年扮乜鬼先!網上見倒呢個甩頭造型,可以將個頭裝作玻璃樽,加多幾滴血就perfect嘞!最正係有DIY教學,由材料以至製作過程都可以跟住整,原來係一個百厭媽咪幫個仔仔設計嘅Halloween造型,個樽原來係食完嘅芝士波膠樽,又幾環保喎!

Read more ›
獵奇發明   狗仔抺地四腳拖
by / on 02/01/2013 at 3:37 pm

獵奇發明 狗仔抺地四腳拖

天下間最殘忍嘅事莫過於此,不嬲狗仔都唔鍾意著鞋,但係主人要帶你出街怕你整污糟,唯有硬食啦。點知而家喺屋企都要著鞋,點解?因為可以幫手抹地囉!呢款叫Pet Sweep嘅設計,老實講我覺得好有創意亦好實用,賣美金$8真係好抵,但係隻狗仔真係好可憐。下次賴尿?自己抹返囉!

Read more ›