Post Tagged with: "網上"

【有片】網上爆紅「人臉喵」 超似人樣識做chok樣
by / on 16/07/2018 at 7:41 am

【有片】網上爆紅「人臉喵」 超似人樣識做chok樣

緬因貓出名大大隻,呢隻最近喺網上爆紅嘅更加有個特徵 ─ 超似人樣!佢個名叫Valkyrie,最近主人放佢嘅相上IG,吸引好多人討論,佢個樣就好似同人類玩咗換臉App「Face Swap」咁,而且佢仲有好多表情,連陰陰咀笑同埋chok樣都做到,超正!入嚟有大量佢嘅相集同埋影片回帶。鍾意佢嘅記住follow埋佢IG嘞。

Read more ›

【新片速報】超可愛狐狸仔敲門 發現被拍網上熱傳
by / on 24/06/2018 at 3:27 pm

【新片速報】超可愛狐狸仔敲門 發現被拍網上熱傳

超可愛!英國網民Elaine Stocks有日喺屋企聽到玻璃門外有人敲門,睇真啲原來係兩隻好細嘅狐狸仔,前面嗰隻好積極不停用手爬爬吓,後面嗰隻就拉開佢,好似叫佢:「唔好啦,唔好搞住人哋嘞!」場面超搞笑。估計狐狸仔因為見到玻璃門嘅倒影,好奇所以撲埋去玩。段片喺IG已經有超過40萬瀏覽,入嚟有片睇。

Read more ›
貓界「巨石強森」 網上熱傳       龐大體形網民狂改圖
by / on 02/06/2018 at 2:44 pm

貓界「巨石強森」 網上熱傳 龐大體形網民狂改圖

今次朝睇完日本網上熱傳嘅「二足步行貓」,其實外國網上最近都有隻巨貓好多人改圖,呢隻首先喺加拿大Montreal街頭被發現嘅貓,身形超巨大,簡直係貓界嘅巨石強森!有幾張圖見到佢衝埋嚟真係有啲驚。發現佢嘅女士喺Twitter開咗個帳戶,而家已經有17000人follow緊,仲有好多人出手改圖,好正!不過大家另一方面都好關注佢嘅健康,睇佢咁大隻應該食咗好多嘢,開呢個帳戶嘅女士其實一年前見過隻貓後已經無再遇到,最新消息係佢會出去搵吓呢隻巨喵,希望隻喵無事,同埋快啲搵到人照顧啦!

Read more ›
【圖集】時裝界災難      網上cosplay專門惡搞名牌衫
by / on 26/05/2018 at 1:36 pm

【圖集】時裝界災難 網上cosplay專門惡搞名牌衫

近年越嚟越多low cost cosplay出現,其中呢位網名@_emilife嘅意大利男仔Emanuele Ferrari,佢堪稱係時裝界嘅災難。出生自時裝之都,所以佢專門惡搞嘅都係啲名牌衫同埋名人,例如將Angelina Jolie條白色裙執毛變咗隻白貓(留意後面有手幫佢托住),其他道具仲有廁紙、風扇(!)、紙皮同埋雞(!),好正,入嚟有回帶。

Read more ›
【連環圖】喵星人被搶食物 豐富表情變化網上熱傳
by / on 09/03/2018 at 7:51 am

【連環圖】喵星人被搶食物 豐富表情變化網上熱傳

喵星人有幾「為食」大家都知,如果自己嘅晚餐俾人搶咗會點?最近有隻喵就親身經歷咗。佢嘅大餐俾隻負鼠搶咗嚟食,重點係隻喵嘅表情變化。初時佢望住影緊相嘅主人,發出求救訊號,見主人唔理佢無反應,開始面露不滿,之後唯有自己走埋去嘗試叫走隻負鼠,不過俾人兇一兇即時閃走,然後再望住主人,露出好嬲嘅表情。輯連環圖喺Imgur好多人討論,不過呢位主人玩到咁大全程唔幫手,小心隻喵之後會報復喎。

Read more ›
日本情人節「蛆蟲朱古力」 婉拒男仔方法網上熱傳
by / on 15/02/2018 at 7:13 am

日本情人節「蛆蟲朱古力」 婉拒男仔方法網上熱傳

終於捱過咗情人節嘞,喺日本都有啲回顧嘢可以講吓。大家都知日本女生會喺情人節送朱古力比男仔,而當中又會分兩類朱古力,「貴嘢」即係有牌子嗰啲,通常會用嚟送俾男女朋友或者心儀對象,至於「平嘢」親手製嘅,通常會派俾所有男仔。為咗避免送「平嘢」但俾人誤會係「貴嘢」,又或者用嚟婉拒啲自己無意思嘅追求者,日本Twitter最近熱傳呢款超核突嘅「蛆蟲朱古力」,佢哋叫「義理チョコ」,上面一粒粒似蛆蟲嘅其實係桃哈多,味道唔錯,不過個樣絕對唔會令人聯想你對佢有意思。好多女仔都跟住整呢款朱古力,不過收到嘅兵仔應該都好失落。

Read more ›

人氣「日本刀雪條」網上熱傳 岐阜縣關市名物
by / on 26/08/2017 at 5:18 pm

人氣「日本刀雪條」網上熱傳 岐阜縣關市名物

覺唔覺得日本嘅雪糕、雪條特別好味?最近熱傳有呢款日本刀雪條,仲成為咗岐阜縣關市嘅名物。事緣關市最出名製作刀具,為咗發揚當地文化,有幾位學生諗到製作咗呢款「日本刀アイス」,有柚子同紅豆兩款味道,,大人細路都好鐘意,仲喺Twitter熱傳,不過暫時未有固定店舖,通常都係喺大型活動擺吓攤檔,賣1000円一支,買嚟影相都抵。

Read more ›
【相集】網上最劣貓畫作 Twitter帳戶專畫經典貓圖
by / on 21/07/2017 at 7:04 am

【相集】網上最劣貓畫作 Twitter帳戶專畫經典貓圖

呢個「poorly drawn cats」嘅Twitter帳戶好正,無論係咪貓奴睇完都會忍唔住笑。佢將網絡上好多幅經典貓相重畫,不過好似佢自己所講,佢畫畫唔靚,只係鍾意畫唧。畫出嚟每幅都好有喜感,無睇過原相嘅,好難相信嗰隻係貓,但對比返原相,又覺得佢畫出神髓!入嚟有大量作品睇,推介。

Read more ›
【圖集】超型黑色Latte網上大熱   IG大量靚相分享
by / on 18/05/2017 at 7:08 am

【圖集】超型黑色Latte網上大熱 IG大量靚相分享

之前網上都興過一排黑色雪糕,最近轉移陣地,網民開始影黑色嘅Latte放上網嘞。打開IG搜尋#GolfLatte或者#BlackLatte就會見到好多靚相。據聞之所以黑色,主要係沖咖啡時加咗活性炭,所以杯嘢黑黑哋之餘仲幾健康添。而家英國同澳洲好多Cafe都有得飲,其中澳洲White Mojo啲Black Latte仲有唔同圖案嘅拉花,由天鵝到喵星人都有,去開澳洲記住試吓!

Read more ›
【成功上樓】日本喵星人被收養 11隻貓新家庭網上直播
by / on 30/12/2016 at 7:40 am

【成功上樓】日本喵星人被收養 11隻貓新家庭網上直播

又一隻喵星人成功上樓,好勵志!一個人養10隻貓已經好勁,最近仲要加多個新成員,11隻貓真係何其壯觀。呢隻可愛喵仔本來路經庭園,屋主見佢好可愛,於是餵佢食嘢,之後決定收養埋佢,仲幫佢改咗個名叫「モモ」。睇相見佢有得食有得玩,仲有自己嘅毛公仔,難怪佢加入咗呢個家庭無耐已經覆到毫無戒心。而屋企另外10隻大貓似乎都幾鍾意佢喎,無辦法啦,最細係佢應該會錫到佢燶嘞。想睇佢嘅生活?嚟緊免費日本電視直播app「Abema TV」會有佢嘅節目「10Cats.+ ~新入りした11匹目の猫~」睇,12月29日9點開播!

Read more ›
聰明狗狗網上爆紅 去完廁所識用廁紙
by / on 02/12/2016 at 7:13 am

聰明狗狗網上爆紅 去完廁所識用廁紙

狗狗嘅學習能力好強,不過好似人咁識去完廁所用廁紙就真係好神奇。呢隻叫Pablo嘅狗狗最近喺網上爆紅,佢嘅主人Acelin Hampton係一位rapper,3個月前領養咗Pablo。可能見過好多次主人去廁所用廁紙,佢都暗暗學識咗。最近主人帶佢上朋友屋企,佢喺地下屙咗篤尿,居然識得用廁紙冚住!張相放上網後被瘋傳,大家都讚Pablo好叻仔,仲叫主人唔好怪佢,佢已經盡咗力。不過長期咁玩法都幾嘥廁紙,唯有帶多啲佢落街去廁所啦。

Read more ›

日本「極醜」喵星人網上熱議 似相撲手其實好可愛
by / on 13/09/2016 at 7:13 am

日本「極醜」喵星人網上熱議 似相撲手其實好可愛

其實喵星人唔一定賣靚仔嘅,有時醜醜哋仲可愛。好似最近有位日本網民放咗自己隻喵嘅相上討論區,題目係:「話我屋企隻貓醜嘅同我出嚟!」點知呢,真係好多人出嚟留言‥‥‥咁其實除咗話佢醜、超級醜同埋似相撲手之外,仲有好多人讚佢可愛嘅。另外有人話佢個頭同身體嘅發育程度唔一致,我就覺得佢越睇越可愛,感覺仲好溫柔!入嚟仲有其他貓奴放嘅相,包括史上最醜喵星人排行榜,好好笑。

Read more ›
紙箱人2015賀年版    「賀正」網上有得買
by / on 28/12/2014 at 12:34 pm

紙箱人2015賀年版 「賀正」網上有得買

聖誕假話咁快又過完,返工嘅梗係將目光放返喺新年,仲有幾日唧,好快到。紙箱人新一年都繼續好勤力搵錢,啱啱又公佈有新款推出,今次係2015賀年特別版,紙箱人塊面大大隻「賀正」嘅字款,至於左下角嘅「未」字,因為2015年係未年[ひつじ],背面仲有好多我睇唔明嘅日本賀年句。同上年嘅「迎春」款擺埋一齊,新年氣氛湧晒出嚟。售價1600円,而家有得買喇!

Read more ›
聖誕LEGO裝飾   網上免費教學跟住砌
by / on 04/12/2014 at 7:18 am

聖誕LEGO裝飾 網上免費教學跟住砌

未到聖誕,不過周圍已經懶有聖誕氣氛氹我哋鳩嗚。之前介紹過嘅加拿大LEGO設計師Chris McVeigh,最近就整咗呢套聖誕LEGO組合,有火車、聖誕樹掛飾乜乜乜,除咗上佢嘅online store買之外,佢仲好無私咁整咗個menu教大家跟住砌,今個禮拜六日可以跟住砌喎!

Read more ›
英國《每日郵報》頭版挑機   網民瘋狂惡搞三文治
by / on 12/11/2014 at 7:12 am

英國《每日郵報》頭版挑機 網民瘋狂惡搞三文治

呢單新聞好好笑,英國嘅《每日郵報》頭版日前登咗大大條問題:「英國係咪已經無人識整三文治?」事緣當地最大嘅三文治供應商Greencore Group因為喺英國請唔倒人整三文治,被迫要去匈牙利招募300名員工。呢條問題即刻引爆咗英國人嘅幽默感同埋憤怒,大量惡搞三文治圖瘋狂舖上網。咁夾啲乜嘢喺三文治入面最好玩?有人夾香蕉,有人成盒雞蛋夾入去,仲有手指、iPad Air、貓、狗(!),玩得好開心!

Read more ›