呢隻住喺中國江蘇嘅喵星人最近好紅，紅到外國媒體都報導，佢有超強嘅顏藝，經常做出一啲好瘋狂嘅表情，入嚟有片有相睇，好有潛力。佢個名好簡單叫「阿肥」，係來自中國嘅中華田園大臉貓。

呢隻日本嘅柴犬仔最近好紅，紅到電視台都訪問佢，佢係札幌市清田區烤蕃薯店「犬の焼き芋屋」嘅店主，每日都盡忠職守看舖，店舖以自助形式運作，想買蕃薯就自己拎一個，然後放底100円入木架度，由於喺網上熱傳，好多人慕名而嚟，而家每日啲蕃薯都好早賣晒，咁賣晒啲嘢，狗狗就好可以早啲收工去玩嘞，爽！

用iPad畫漫畫都未算勁，而家已經進化到用手機都可以做到！有日本漫畫家Mr. M啱啱出咗片，示範用應用程式ibisPaint喺電話上畫漫畫，全程用手指拉大縮細，有網民留言話試過呢個app超難控制，好佩服樓主，入嚟有片睇。

好勁！呢個來自佛羅里達州嘅7歲男仔，睇佢個樣都知係戰鬥格。呢兩日佢喺網上爆紅，因為有短片見到佢參加100米賽跑，跑出13.48秒嘅紀錄，睇片見佢一起步唔夠2秒已經遠遠拋離對手，再睇埋佢個髮型同起步嘅姿勢，簡直係下一個Usain Bolt，入嚟有片睇。

見到冰蘋果，有無諗起當年嘅經典日劇《戀愛世紀》(Love Generation)？有日本網民喺Twitter分享咗圖，據講個蘋果結咗冰，之後腐爛跌咗落地，但個冰殼就保留喺樹上，仲見到中間吊住個蘋果掟，好神奇！事發地點係美國嘅密芝根州，外國人稱佢為Ghost Apple，因為落雨令蘋果表面結冰，但蘋果熟透之後掉地，大部份都會連表層嘅冰一齊跌，只有少部份會剩返個冰蘋果殼，勁靚！搵相嘅時候睇返當年嘅木村，真係超靚仔，入嚟有回帶。

呢隻咁可愛嘅動物叫耳廓狐，又稱為大耳狐，佢嘅耳仔超乎比例咁大隻，令佢整個樣都好得意！日本有網民養咗，仲經常分享佢嘅生活照同影片，連出浴都唔放過，有晒過程直擊，入嚟有得睇。

花王洗衣液同《進擊的巨人》呢個聯乘真心正，搵咗最高人氣兼有潔癖嘅兵長リヴァイ做主角，由7月開始已經喺Twitter做投票，問fans鍾意佢用邊個表情嚟量度洗衣液份量。之後又投票揀選想要嘅木桶款。難怪12月10日推出第一日喺日本Amazon已經售罄，另外Matsumoto Kiyoshi嘅貨亦被搶得七七八八，買唔到嘅就唯有等買遲啲推出嘅木桶嘞。

又係呢位日本超強嘅玩具師めーちっさい，佢最擅長將網上熱傳嘅動物圖實物化，好似早幾日介紹嘅「風中勁狗」就係佢嘅作品嘞。最新有呢隻網上熱傳識企起身等入門口嘅浣熊，實物化之後超得意！入嚟有得回帶睇埋佢嘅其他作品，講真，全部我都好想要一套。

生活喺人多擠迫嘅香港，有時都幾羨慕住喺小島嘅寧靜。最近呢幾張相喺日本Twitter熱傳，來源係外國reddit網，圖中係芬蘭一個小島嘅四季景色，勁靚！睇返個島真係好細，得幾間屋，生活喺度應該心境好平靜，不過呢個島就唔會有得上網，如果係你，你會揀住呢度定住香港？

呢類型嘅夾薯片機器，係現代好高質嘅發明，唔怕整污糟隻手。不過日本網民就經歷咗好悲傷嘅一刻，仲拍埋片，入嚟有得睇。

有時做義工唔一定要好忙先得，好似外國呢位75歲嘅貓義工Terry Lauerman最近就喺網上爆紅。佢每日都會去間動物收容物摸吓貓逗留3小時左右，好多時又會瞓吓晏覺，而啲貓就會爬上佢個身度一齊瞓，超冧！收容所Safe Haven Pet Sanctuary位於威斯康辛州嘅Green Bay，之前已經將Terry定為貓義工，最近將佢嘅事蹟放上網，之後勁多人討論，仲因為咁幫收容所籌到3萬蚊美金捐款，入嚟有多啲相同回應睇。

北海道6.7級地震導致停電，暫時都未知幾時可以恢復電力，亦有可能會有再有餘震，喺當地嘅人要小心。網上有防災消息發佈，包括之前Muji無印良品印製嘅防災求生指南、「東京防災」嘅圖文同埋民間智慧 ─利用罐頭吞拿魚同埋水樽照明，入嚟有詳情，可以分享俾有需要嘅朋友。

以聯乘產品嚟講，今次都算幾突破。專出密實袋嘅Ziploc最近同日本時裝品牌Beams合作，推出咗一系列透明產品，最驚喜係個透明背囊，示範影片仲裝咗全袋銀紙，睇見都想要！另外仲有腰包、帽、雨遮、圍裙等等嘅產品，全部都保留返Ziploc嘅透明設計再加密實封口，而家日本嘅Beams已經有得買，網店就8月20日開賣，想買嘅記住留意返嘞。

仲記唔記得呢個上年11月喺網上爆紅，出名「阿婆走得快」嘅日本婆婆「西本喜美子」？90歲嘅佢仲好玩得，自己影相做特效仲出埋攝影集，扮過青蛙、狗仔、巫婆，無見一排嘅佢繼續有大量新相，又捐車底又扮魔女，仲會凌空浮起扮拜祭，百無禁忌，好可愛呀！鍾意佢嘅記住follow埋佢IG嘞。

緬因貓出名大大隻，呢隻最近喺網上爆紅嘅更加有個特徵 ─ 超似人樣！佢個名叫Valkyrie，最近主人放佢嘅相上IG，吸引好多人討論，佢個樣就好似同人類玩咗換臉App「Face Swap」咁，而且佢仲有好多表情，連陰陰咀笑同埋chok樣都做到，超正！入嚟有大量佢嘅相集同埋影片回帶。鍾意佢嘅記住follow埋佢IG嘞。