fbpx

Post Tagged with: "維新"

《龍が如く 維新!》發售記念抽選 超型黑道麻雀
by / on 18/02/2014 at 11:15 am

《龍が如く 維新!》發售記念抽選 超型黑道麻雀

繼特別版機殼之後,呢段報道,睇完就得粒葡萄。PS3/PS4《龍が如く 維新!》2月22日推出,日本就搞發售記念抽選會同體驗會,當中抽選嘅產品實在係正,副麻雀冇得輸,仲有Tee、滑鼠墊等等……

Read more ›

愛得徹底!《龍が如く 維新!》PS3/PS4主機手掣貼同日推出
by / on 15/02/2014 at 1:08 pm

愛得徹底!《龍が如く 維新!》PS3/PS4主機手掣貼同日推出

人中之龍好多fans,大家都睇實2月22日推出嘅《龍が如く 維新!》。專出手機、遊戲主機貼嘅日本DEZAEGG都趁機推出主題貼紙,除咗有PS3唔同型號主機用外(3,150円),仲有喺日本同日推出嘅主機PS4版本,而且仲平啲,只係2,625円!覺得部黑色PS4悶悶地,可以訂番塊返嚟喎,連埋手掣貼,相當有型。

Read more ›
《Fami通》評分 PS4《龍が如く 維新!》攞39分
by / on 12/02/2014 at 4:52 pm

《Fami通》評分 PS4《龍が如く 維新!》攞39分

雖然大家都話《Fami通》近年嘅評分唔可信,但係唔參考都想八卦吓。嚟緊PS4就喺日本推出,佢哋點評新主機嘅遊戲呢?PS4版嘅《龍が如く 維新!》就有39分,PS3版就少一分得38分,聽日有試玩版可以玩啦!之後《信長の野望・創造》都有36分,呢隻遲啲有中文版喎!

Read more ›
《龍が如く 維新!》PS3體驗版2月13日配信
by / on 09/02/2014 at 2:39 pm

《龍が如く 維新!》PS3體驗版2月13日配信

  2月22日推出嘅PS3/PS4《龍が如く 維新!》,距離推出日都唔夠兩個星期,不過官方喺今日(9日)銀座舉行嘅活動中都盡點心意,宣佈喺2月13日,即係今個星期四推出PS3嘅體驗版俾大家玩吓,遊戲可以玩到推出日,而且玩過之後開正式版會有200兩儲金俾玩家。都好吖,橫掂我星期五冇乜嘢做……

Read more ›
新片速報 《龍が如く 維新!》最終回影片
by / on 05/02/2014 at 1:23 pm

新片速報 《龍が如く 維新!》最終回影片

唔覺唔覺,仲有兩個星期多啲,日版PS4就推出,同日仲有《飛龍Strider》、《龍が如く 維新!》推出。呢隻人中之龍狂出片,亦都嚟到最後一條,今次係第一章一年後嘅劇情,長州藩士・新堀松輔、薩摩藩軍賦役・西郷吉之助等重要角色相繼登場!

Read more ›
新片速報《龍が如く 維新!》14分鐘開場影片再試玩
by / on 29/01/2014 at 9:53 pm

新片速報《龍が如く 維新!》14分鐘開場影片再試玩

2月22日喺PS3/PS4推出嘅《龍が如く 維新!》製作人試玩片段又有新片,今次繼續係製作人橫山昌義帶領兩位囡囡試玩,而且14分鐘影片中仲見到開場動畫。我哋部PS4又可以開喇。

Read more ›

新片速報《龍が如く 維新!》日本電視廣告 大把嘢玩
by / on 28/01/2014 at 11:45 am

新片速報《龍が如く 維新!》日本電視廣告 大把嘢玩

台北遊戲展完咗,有人中之龍活動,本來有啲期待唔知會唔會有中文版,最後係好多中文版宣佈咗,但最多fans期待嘅呢隻就冇喇。又咁講,佢出英文版都要慣性等一年後,就算出中文,你都應該唔願等,o依家買行貨同上一集一樣有本中文劇本俾你睇番都唔錯。日本方面啱啱出咗兩條廣告片,當中有動作玩法同小遊戲嘅片段,雖然古裝我麻麻,但又忍唔住想同囡囡猜吓包剪揼……

Read more ›
新片速報《龍が如く 維新!》PS3/PS4畫面全比較
by / on 22/01/2014 at 9:26 pm

新片速報《龍が如く 維新!》PS3/PS4畫面全比較

雖然話《龍が如く 維新!》係PS4嘅日版護航作品,但係有PS3版本喎,點解一定要買PS4呢?除咗有得用PS Vita玩Remote Play之外,畫面有幾唔同?官方片段嚟到第8回就搞咗個比較,PS4背景係明顯清啲細緻啲,人樣同衫花都靚咗,另外DS4嘅Touch Pad都可以用到,前面嘅燈光都會變色……簡單講,即係唔駛講,有新機就梗係買PS4版。

Read more ›
新片速報《龍が如く 維新!》今野杏南G Cup女優演出
by / on 11/01/2014 at 10:35 am

新片速報《龍が如く 維新!》今野杏南G Cup女優演出

人中之龍唔可以缺少嘅係同囡囡溝通嘅支線,古裝當然都有,呢位遊女就係由喺上年7月啱啱推出首本寫真嘅GCup女優今野杏南演出。而呢條片就係佢講述今次角色嘅性感之處。冇興趣睇佢齋講嘅,入嚟睇吓靚相,放假嘛。遊戲2月22日推出,會有PS3/PS4版本。

Read more ›
新圖發佈《龍が如く 維新!》繼續狂玩小遊戲
by / on 09/01/2014 at 12:48 pm

新圖發佈《龍が如く 維新!》繼續狂玩小遊戲

有玩開《人中之龍》,都應該知佢啲小遊戲有幾多幾勁,內容隨時仲豐富過主線故事。啱啱《Fami通》有新情報,就係今集當中嘅小遊戲,都係跳吓舞、猜吓拳、唱吓歌、淥吓拉麵、鬥下雞咁,新意好似唔多……遊戲2月22日推出,會有PS3/PS4版本。

Read more ›
新片速報《龍が如く 維新!》成長/武器鍛鍊影片
by / on 01/01/2014 at 11:04 am

新片速報《龍が如く 維新!》成長/武器鍛鍊影片

1月、2月遊戲唔多,但幾精,1月有Gundam VS啦,仲有戰國Basara4,龍珠玩協力都可以一試,2月22日就一定玩呢隻《龍が如く 維新!》。今次試玩影片嚟到第5回,主力介紹成長系統同埋武器鍛鍊嘅系統,到時我最想知嘅係PS4版靚幾多。

Read more ›

新片速報《龍が如く 維新!》中村獅童現身聲演
by / on 26/12/2013 at 1:31 pm

新片速報《龍が如く 維新!》中村獅童現身聲演

2月22日推出嘅PS3/PS4遊戲《龍が如く 維新!》又有新片,今次唔再係試玩,而係請嚟聲演新選組副長土方歲三嘅中村獅童同製作人橫山昌義對談,傾吓再幫呢隻遊戲配音嘅感覺。

Read more ›
新片速報《龍が如く 維新!》聖誕囡囡14分鐘試玩
by / on 24/12/2013 at 5:09 pm

新片速報《龍が如く 維新!》聖誕囡囡14分鐘試玩

嚟到第4回試玩,我只能夠講句,佢哋真係好有心思。繼續係製作人橫山昌義加囡囡,不過今次製作人就扮聖誕鹿,而囡囡就著住性感聖誕裝玩,搞到我無無聊聊又睇晒。今次係進行支線任務時可以使用嘅特殊武將卡能力,仲可以收兵。

Read more ›
新片速報《龍が如く 維新!》5分鐘新PV + 第3回試玩影片
by / on 18/12/2013 at 11:05 am

新片速報《龍が如く 維新!》5分鐘新PV + 第3回試玩影片

無論買咗新機未,PS3/PS4機主都等緊下年2月22日發售嘅《龍が如く 維新!》。今次又玩番古裝,刀、短鎗、格鬥技、亂舞打得好燦爛,而且依舊大量小遊戲。官方啱啱發佈咗最新劇情預告同埋第3回試玩片,係正嘅,不過我始終鍾意現代嘅日本多啲。

Read more ›
新圖發報《龍が如く 維新!》絕招現身 天啓神技
by / on 13/12/2013 at 2:15 pm

新圖發報《龍が如く 維新!》絕招現身 天啓神技

下年2月22日發售嘅PS3/PS4《龍が如く 維新!》,係好多日系遊戲機迷嘅期待之作。繼試玩影片之後,官方又發佈咗啲龍馬出絕招嘅新圖。刀、短鎗、格鬥技皆有獨立絕招,而且亦有亂舞技刀鎗並用,而前作都有嘅「天啓技」今集都繼續有得玩!「龍牙一閃」、「炎龍ノ型」、「天龍乱舞」,啲絕招名幾有型,我諗起劍心。

Read more ›