Post Tagged with: "經典"

新片速報 日本搞笑藝人玩經典玩具 體操王子完美落地
by / on 26/12/2015 at 1:42 pm

新片速報 日本搞笑藝人玩經典玩具 體操王子完美落地

睇完呢條片,諗起細個好多又簡單又好玩嘅玩具。日本搞笑藝人フルーツポンチ放咗條片上Twitter,影住自己玩經典嘅日本體操王子玩具,打咗幾個筋斗之後居然可以完美落地!幾個大男人開心到又叫又攬,唔記得晒聖誕節都要開工嘅殘酷現實嘞。

Read more ›

【好想去】有片 倫敦《Star Wars》展覽 11個經典場景重現
by / on 16/05/2015 at 3:30 pm

【好想去】有片 倫敦《Star Wars》展覽 11個經典場景重現

星戰第7集今年12月就有得睇嘞,最近周圍都有星戰展覽,除咗日本六本木嗰個,仲有呢個今日開幕嘅倫敦展覽,地點係Madame Tussauds,入面重造返11個星戰嘅經典場景,包括黑武士講「I am your father.」嘅一幕。全部角色都係1比1,而且角色製作超精細,個樣真嘅一樣。搵咗180個專業人員包括雕刻家、髮型師、場景設計師、道具師用咗超過1年時間製作,最巨型係Jabba,重200kg,Chewbacca個頭都要用10個人1000小時完成,仲有比堅尼版Princess Leia,齋睇相都超興奮,去開歐遊一定要去行吓。

Read more ›
新片速報     神級演技     湯漢斯8分鐘重演經典角色
by / on 26/03/2015 at 7:13 am

新片速報 神級演技 湯漢斯8分鐘重演經典角色

影帝湯漢斯好戲,而且仲好玩得,之前喺球場有人掟個波比佢扮《劫後重生》嘅Wilson,佢都即刻交倒戲。最近佢就上咗個外國節目,仲同主持James Corden一齊用8分鐘演釋返佢嘅經典電影場面,數數埋埋都有超過25套戲,最經典嘅《阿甘正傳》、《劫後重生》當然有份(留意仲有特技!),估唔到連佢配音嘅《反斗奇兵》都有,仲cosplay埋扮胡迪,好認真。唔知香港嘅發哥有無興趣試吓呢?我想睇呀!

Read more ›
25套經典「黑社會」電影   《無間道》《教父》榜上有名
by / on 28/10/2014 at 7:15 am

25套經典「黑社會」電影 《無間道》《教父》榜上有名

平時黑社會都係收喺枱底,但係近呢個月,我哋將呢個字放上枱大大聲講,每日睇新聞都好似睇警匪片咁款。外國網唔知攞景定贈興,做咗個史上25套最佳黑社會電影專題,最經典嘅《教父》系列、香港嘅《無間道》都榜上有名。不過如果比我揀,點少得杜琪峯套《黑社會》?仲有陳浩南嘅《古惑仔》、發哥嘅《英雄本色》同埋黃秋生嘅《洪興大飛哥》!

Read more ›
LEGO重造世界盃經典   咬人蘇無份玩
by / on 27/06/2014 at 10:33 pm

LEGO重造世界盃經典 咬人蘇無份玩

今晚無波睇,心靈好空虛,網上見倒有LEGO狂迷Adly Syairi Ramly用LEGO重造返世界盃經典場面,有碧咸紅牌被逐離場、馬勒當拿上帝之手、巴治奧射失12碼等等,當年睇世界盃嘅回憶湧晒出嚟。今屆最經典場面係咩?咬人蘇應該榜上有名喇啩?你心目中最經典嘅世界盃場面又係邊場?

Read more ›
Cosplay玩到成身血  coser重製驚慓片海報
by / on 24/01/2014 at 9:56 am

Cosplay玩到成身血 coser重製驚慓片海報

為咗Cosplay你可以玩到幾盡?呢位外國cosplayer Callie Cosplay都幾盡,同個攝影師老友David Love重製返多套經典恐佈片嘅造型,玩到成面血成身血不特止,仲扮貞子;除咗貞子,仲有經典嘅希治閣電影《Psycho》、電視劇《X-Files》等等多套驚慄片,睇落你就認得。好在Callie肥肥哋個樣唔錯,如果唔係輯相搵鬼睇。

Read more ›

新片速報    遊戲結他王子  1分鐘彈16首歌
by / on 10/01/2014 at 11:53 am

新片速報 遊戲結他王子 1分鐘彈16首歌

網絡歌手Chad Neidt生得幾靚仔,仲彈得一手好結他,最近佢宣佈1月20日會推出唱片,仲送咗首集合好多經典遊戲歌曲嘅結他Medley比歌迷,原來佢都係機迷!自彈自唱嘅1分鐘嘅短片,有15首遊戲歌曲混合而成,唔少得經典嘅俄羅斯方塊、食鬼、薩爾達,新啲嘅Halo、Red Dead Redemption都有,聽落唔刺激仲好悠和,啱晒星期五嘅輕鬆心情呀!

Read more ›
男人與狗      重做經典電影場面
by / on 01/01/2014 at 12:52 pm

男人與狗 重做經典電影場面

男人,老狗,加埋有乜嘢好玩?可以學呢位Reddit用戶mmsspp咁模仿返經典電影場景影返輯相,無女主角唔緊要,狗狗可以代勞。佢玩勻《人鬼情未了》、《鐵達尼號》、《蜘蛛俠》,連《斷背山》都玩埋,玩得咁盡興,原來隻狗係佢老闆娘嘅,由於日日帶返工所以可以比佢慢慢玩,唔,有前途呀!

Read more ›
那些年食老麥   經典設計回顧
by / on 13/12/2013 at 10:37 am

那些年食老麥 經典設計回顧

仲記唔記得細過食老麥嘅興奮心情?外國網Guardian將經典麥記包裝放上網比大家重溫,睇返當年嘅麥包盒唔係紙製而係好似發泡膠嘅包裝,仲有朱古力杯都好懷舊,唔講唔知,原來麥記都有出過Pizza,仲有筷子餐具比大家用,有啲包裝我都唔肯定係外國先有定係我出世前嘅產物,入嚟慢慢懷舊吓,睇完我又想食麥記。

Read more ›
蘋果迷必入! 粉絲自製網站經典晒冷
by / on 09/10/2013 at 9:32 am

蘋果迷必入! 粉絲自製網站經典晒冷

我對蘋果嘅支持,頂籠都係買咗幾部iPhone、一部iPad同埋一部MacBook,不過現年42歲嘅外國粉絲Jonathan Zufi就勁得多,佢最近開咗個網站Shrine Of Apple,將所有蘋果產品放晒上網展示,大部份相片都係自己親手影,暫時已經影咗15萬張相,網站入面好多經典嘢,QuickTake 200相機以至1979年嘅Apple II Plus都有得睇。而且相片質素高,仲有文字解說,相當有心。每件產品旁邊仲可以投票,話比人知你有無呢件產品或者想唔想要,蘋果粉絲入到去應該唔捨得走。佢仲出埋書將珍藏晒冷,犀利。

Read more ›
瑪利奧忽然藝術    8bit圖向大師致敬
by / on 31/07/2013 at 7:40 am

瑪利奧忽然藝術 8bit圖向大師致敬

打機經常被人話毒同埋無文化,我唔認同之餘,凡事亦總有例外,外國插畫師Super Magritte好鍾意瑪利奧,最近模仿超現實畫家René Magritte嘅經典畫作,將佢哋變晒瑪利奧8bit插畫,效果好夾一啲都無違和感,估唔倒瑪利奧都可以好有藝術感。大家一邊睇仲可以一邊重溫返大師嘅經典作品,學嘢之餘下次同人傾計仲可以扮吓型。

Read more ›

經典重製   全新Petzval鏡頭kickstarter集資
by / on 29/07/2013 at 7:35 am

經典重製 全新Petzval鏡頭kickstarter集資

第一眼見倒支鏡純粹覺得有型,睇真啲原來大有來頭,呢支全新嘅Petzval SLR Art Lens,重新製作懷舊嘅Petzval鏡頭,鏡身用黃銅製作,好型,而且可以拍攝倒經典嘅Petzval拍攝效果,即係主體清背景出現類似漩渦嘅特別效果,對應Canon EF同埋Nikon F,而家喺Kickstarter集資中,暫時用美金$400就可以買倒,預計下年4月出貨。

Read more ›
周日懷舊Gif 經典標題畫面回顧
by / on 19/05/2013 at 3:46 pm

周日懷舊Gif 經典標題畫面回顧

又到懷念時間,可能同暑假有關,唔知點解,炎熱嘅天氣同埋猛烈嘅陽光,特別令人容易諗起細個打機嘅日子。有外國網站就做咗個遊戲標題畫面專題,佢哋揀咗最鍾意係2010年隻《Xenoblade Chronicles》,之後仲有8-bit/16-bit嘅經典遊戲,包括《薩爾達傳說》、《忍》、《仮面ライダー倶楽部》、《FF VII》等等,而且仲係Gif,你認得幾多玩過幾多?

Read more ›
經典Atari 2600變手提機     驚現PlayStation蘑菇掣
by / on 09/03/2013 at 11:48 am

經典Atari 2600變手提機 驚現PlayStation蘑菇掣

遊戲機Atari 2600,恕我孤陋寡聞,真係未聽過,維基一下,原來佢早過我出世, 1977年10月發行,風行一時,成為電子遊戲第二世代嘅代表主機。網友retro_mood最近重製咗呢部古董機,仲將佢由家用機變做手提機,機心當然就係古董Atari 2600啦,不過就加多咗個3.5吋屏幕,行7000mAh可以打足三個鐘機咁大把!左邊粒掣仲係取材自PlayStation嘅蘑菇,好搞笑!賣幾錢?ebay標價美金$1240,真係上咗年紀有啲錢先懷舊得起。

Read more ›