到今日20日都冇話延期，等咗好耐又好耐嘅《絶体絶命都市4 Plus -Summer Memories-》今次應該都出得成喇。11月22日發售，啱啱仲有新情報，就係會同日清食品合作，災區食杯麵都好合理。另外，仲有同日本網路電台平台radiko都會有合作。

壞消息當然係延期，但好消息係延一個月多啲。PS4《絶体絶命都市４Plus -Summer Memories-》今次唔係因為天災而延期，而係因為要提升品質所以要多啲時間喎，本來10月25日發售，o依家就11月22日，咪嚟喇。

今日(16日)係《絶体絶命都市４Plus -Summer Memories-》推出體驗版嘅日子。咁延期又延期，加上係系列作，所以大家都有期待，日本亦都好多機迷下載嚟玩同上載遊戲影片。如果你懶得下載或者未有時間玩，可以睇睇先。遊戲暫時未有消息會有中文。

  10月25日發售嘅《絶体絶命都市4Plus – Summer Memories》，希望真係無驚無險出到啦。嗱，第一步成功咗喇，因為官方宣佈體驗版會喺下星期四8月16日喺PlayStation Store有得下載。另外官網都可以睇到日本唔同店舖嘅特典服裝，ビックカメラ/ソフマップ/コジマ最正，戰隊喎。

老實講，自從Granzella Inc.宣佈咗《絕體絕命都市4 Plus》發售日期之後，日本真係發生咗啲天災，真係令人有啲擔心，希望日本同隻遊戲都平安，因為似乎今集真係製作得超認真喎。之前已經話有「神戸市消防局」做協力顧問，啱啱仲宣佈同1948年成立、日本地圖出版商Zenrin合作，呢間公司一路都有為個人電腦同汽車導航、電子地圖，甚至係Google提供日本國內數據嘅，咁係咪代表遊戲嘅地圖會好大好詳細？遊戲會喺10月25日發售，今個月會有體驗。

終於都出喇，呢隻PS4《絶体絶命都市4 Plus Summer Memories》啱啱有成個鐘嘅直播節目，當中宣佈咗遊戲會喺10月25日發售，而且下個月仲會有體驗版可以玩吓先！影片亦有對應PSVR嘅影片，可惜，暫時應該冇中文版消息。

噚日有新情報，今日官網就更新咗有新遊戲圖，亦有官方twitter開張，另外都講多少少，就係《絶体絶命都市4Plus -Summer Memories-》喺遊戲周邊嗰一欄，依然都仲係對應PS VR嘅。情報方面，角色開始時點可以揀性別同狀況，可以係就職活動中、返緊工或者係學生，而背景就係夏季嚟，亦會有關於羞恥心、飢餓感等要素，仲要搵洗手間去……

  啱啱發售嘅《週刊ファミ通》6月14日號嘅新情報，就係靜咗好耐嘅PS4《絶体絶命都市4Plus -Summer Memories-》終於有聲氣，當中介紹咗主要嘅角色，包括女主角市川結子(22)、見緊工嘅大學4年生種田真二(22)、上班族河村勤(53)、服裝設計師十和田明美(24)、新米高校教師比嘉夏美(23)。仲有，就係角色可以喺店舖度搵衫換。遊戲2018年內發售。咦喂，個VR體驗版去咗邊？

似樣好多，首先係講畫面精細程度，似乎呢個世代先！噚日有情報話遊戲確定2018年推出，官網都更新咗推出日期係2018年未定，今日Granzella Inc.仲出咗一條新片。講緊係《絶体絶命都市４Plus Summer Memories》，不過可能你都發覺，新片段好似都仲係有啲熟口面，不過有主題歌聽。係喎！嗰陣又話有VR Demo免費下載嘅，點先？

定啲嚟，延期啫，而且係體驗版嚟。呢隻PS4《絶体絶命都市4Plus -Summer Memories-》之前俾日本傳媒試玩過VR模式「PlayStation VR Demo」，條片都幾正，咁佢之後仲話1月會有免費體驗版下載，機迷梗係睇實……但今日都31號喇喎？官方宣佈咗話要延期到2月先會有得玩，聽日開始再等吓啦！

買咗PSVR嘅玩家有福喇！早兩日日本《Fami通》咪試玩咗《絶体絶命都市4Plus -Summer Memories-》嘅VR模式「PlayStation VR Demo」嘅(入嚟有片睇番)？嚟緊下個月1月都有得玩，因為官方宣佈體驗版會喺2017年1月配信。港服唔知有冇，想玩又未開日本戶口嘅，開定個穩陣。

好耐冇消息嘅《絶体絶命都市4Plus》，啱啱有新Gameplay睇到，而且仲係用VR玩！日本《Fami通》早前直播咗，冇睇嘅可以入嚟有gif睇番。不過老老實實，係幾得意同好有臨場感，但玩起嚟，我都係想玩第三身多啲。仲有，好期待另一隻有超人有EVA嘅《巨影都市》呀！

《絶体絶命都市4 -Summer Memories-》呢隻傳說中嘅遊戲，當年2011年因為3月11日日本大地震，驚題材觸痛國民所以決定唔推出……嚟到今年，版權賣咗，頭3集又有得下載番，新作推出指日可待啦，果然，官方話過多幾日11月27日，就會有最新作嘅影片發佈，到時再睇我哋報道啦！

呢個系列一向都有好多機迷鍾意，但自從因為2011年3月11日大地震，IREM SOFTWARE決定唔推出開發緊嘅《絶体絶命都市4 -Summer Memories-》(此舉好有型)之後，就一直沉寂。直到版權轉售之後，今年推出咗PS3下載版《絶体絶命都市(PS2：ゲームアーカイブス)》、《絶体絶命都市2 -凍てついた記憶たち-(PS2：ゲームアーカイブス)》，而2009年4月喺PSP推出嘅第3集《絶体絶命都市3 -壊れゆく街と彼女の歌》亦都公佈咗會喺後日7月29日有得下載，都係1000円，PSP版，PS Vita互換對應！不過呢個日期係日本PSN，香港未收到風。話時話，傳聞下年有新作，照咁睇，第4集都有望見光喎？