Post Tagged with: "結業"

日本麥當勞「秋葉原JR店」    經營12年宣佈即將結業
by / on 09/03/2019 at 3:09 pm

日本麥當勞「秋葉原JR店」 經營12年宣佈即將結業

有無幫襯過呢間秋葉原嘅麥記?最近「麥當勞JR秋葉原店」宣布將會喺3月31日結業,門口仲貼咗張好靚嘅海報,係麥當勞叔叔嘅背面,舉起手同大家瀟灑講再見「See You」。唔講唔覺呢間麥記原來已經開業12年,位於電氣街旁邊嘅東西自由通路附近,去開秋原葉可以去買多次老麥懷緬吓。

Read more ›

【有片】日本主題樂園「Space World」昨日結業    盛大煙火超靚
by / on 01/01/2018 at 1:55 pm

【有片】日本主題樂園「Space World」昨日結業 盛大煙火超靚

日本北九州市嘅主題樂園「Space World」喺噚日12月31日正式結業,噚晚主題樂園有盛大嘅煙花表演,喺巨型嘅美國穿梭機發現號前放煙花,效果超靚!好多日本媒體都有報導,Twitter亦有影片熱傳。呢個主題樂園喺1990年成立,至今已經開放咗27年,上年因為溜冰場下冰封咗5千條魚屍而成為眾矢之的,加上競爭激烈,最終宣佈今年12月31日結業。早前結業前園方仲拍咗廣告,自嘲樂園雖然笨拙而細小,但大家都好努力,叫大家唔好忘記佢。個廣告喺網上熱傳,感動咗唔少網民,之前亦都為閉園而聘請兼職,仲話係一生只得一次嘅閉館體驗,笑中有淚。入嚟有回帶。

Read more ›
冬甩水泡   邊個咬咗我一啖?
by / on 19/06/2013 at 7:14 am

冬甩水泡 邊個咬咗我一啖?

我同Simpson嘅Homa一樣最鐘意食冬甩,可惜香港人唔多鐘意食,之前好好味嘅Krispy Kreme仲喺香港全線結業,唉。不過見到呢個冬甩水泡我又開心返嘞,你睇佢,比人咬咗一啖幾鬼馬?冬甩水泡開價大約港幣$150,夏天去沙灘用佢一定夠晒搶,不過只限女仔用,因為只得姣姣哋嘅桃紅色,除非係《求愛》嗰位綠魔Karl,不過佢用我估大家都會即刻跳船,寧願浸死。 

Read more ›
夏天先嚟執 日本Häagen-Dazs專門店全線結業
by / on 24/04/2013 at 4:11 pm

夏天先嚟執 日本Häagen-Dazs專門店全線結業

我諗日本人唔係唔鍾意食雪糕,只不過日本已經太多本土品牌選擇,所以Häagen-Dazs先做唔住……喺4月25日,Häagen-Dazs喺日本最後一間分店(新浦駅分店)都會結業,正式宣佈專門店全線關閉。咁超市都有得賣嘅,而且御殿場Gotemba Premium Outlet購物中心都仲會有一間分店,但就冇得食雪糕,只係用嚟俾客人預購產品。之但係,點解唔做埋個夏天先呢?

Read more ›