日本越嚟越多人結婚時將自己鍾意嘅ACG元素加入婚禮，係開心嘅。而呢位日本網民個妹妹，就係《FGO》fans，最勁係個蛋糕竟然係「管制塔バルバトス」！

之前報道過，不過今次Square Enix就公開更多圖片，包括場地、婚紗、食物等，而且即日起接受預約，地點係神戶！你睇把劍，你睇支權杖，你睇個新娘幾可愛，你睇吓個新郎幾有使命感。

    我哋去婚禮，睇到啲片都係接新娘呀，兩位新人嘅童年回憶呀咁。日本呢對新人呢，就似乎係《Evangelion》fans，製作咗一段超有EVA風格嘅影片播，搞到賓客們唔只會心微笑，仲笑出聲。

  搞婚禮嘅場地，如果有番啲歐洲風情係好正嘅，最好又古堡又教堂又盛啦。咁其實，有「惡魔城」feel係咪好合埋？呢位日本網民就喺酒店前嘅結婚場地影咗張相，之後其他網民仲幫佢加埋效果……

婚禮有神父，咁神聖，有聖光都好合理。不過呢個婚禮嘅神父背後啲光效就澎湃得好緊要，有網民話去到超級撒亞人或者斯路爆氣嘅程度。

日本真係有好多動漫遊戲迷，而佢哋都係時候成家立室嘞，所以成日見到有遊戲主題嘅婚禮，今次呢對新人係薩爾達迷，所以佢哋嘅結婚蛋糕都用呢隻遊戲做主題，切蛋糕變成拔劍，好型！不過把劍唔食得，但可以用嚟切蛋糕，蛋糕睇落似石頭但係食落又好柔軟喎，另外切餅期間仲播放遊戲主題曲，好有氣氛，留意返除咗把劍之外佢哋仲有埋盾牌，好齊心，入嚟有多啲相睇。

爸爸媽媽結婚，做仔女嘅點可以無啲表示？呢段片喺日本Twitter熱傳，婚禮度門打開門，原來入嚟嗰個係隻黑柴！佢仲好聰明咁將隻結婚戒指送到入會場，睇得出佢有啲緊張，不過最後都成功完成任務，好叻仔！入嚟有片睇。

之前東京遊戲展都有專俾女仔玩嘅VR遊戲，最近SEGA喺秋葉原嘅SEGA VR AREA AKIHABARA仲有呢款結婚VR遊戲「挙式VR」，可以模擬同動漫角色結婚，每玩一次800円，可以同3個角色其中一個結婚，當然如果想結晒嘅可以玩3次。最正係玩完之後可以加700円，拎埋有你同主角相片合成嘅結婚證明書，至到5月8日咋，想玩嘅記住快啲去。

之前1月Tatsuya Haitani婚禮都試過，似乎佢哋呢班Pro Gamer都鍾意喺大日子同朋友過兩招。上星期日本格鬥遊戲高手Nozaki “Dogura” Ryo就結婚喇，放心，唔係同梅原，佢太太手臂仲有《Guilty Gear》嘅Testament「紋身」。咁一對新人就喺婚宴放咗部機，等大家過兩招，當中包括梅原大吾，用佢嘅Guile對新婚Nozaki “Dogura” Ryo嘅Urien，直播嘅收入仲可以做賀禮喎！

同AV女優結婚，有冇興趣？星野飛鳥嘅作品你有冇睇過？早幾年冇拍AV喇，之後就出嚟指證話前社長迫佢拍片嗰位，現年31歲。啱啱佢就搞咗個活動，參加者可以同佢舉行婚禮，由籌備揀衫開始，之後到婚禮舉行日仲可以行埋禮，交換戒指呀，記念品嘅結婚證書都有，仲有人影相，至於交換完戒指之後仲可以擺pose kiss添……不過再之後就冇喇，可以返屋企喇你。名額3名，各35萬円，即係兩萬幾蚊港幣。

喺日本同動漫人物結婚唔係新嘢，不過有公司肯應受而且提供福利就第一次見嘞。呢間位於秋葉原嘅科技公司Gatebox，職員只要填寫公司嘅結婚證書，詳細列明佢同嗰位結婚對象嘅相遇過程、求婚內容等等，審批之後就可以每個月得到額外5000円嘅津貼。而喺嗰位動漫人物嘅生日當日仲可以有多一日有薪假！對象不限性別同埋種類，即係男男、女女或者同非人類都可以結婚，不過就規定只可以有一位對象，而且公司承諾會對資料保密！

cosplay無分年齡，好似呢對結咗婚27年嘅夫婦Steven同Millie Tani，佢哋3年前開始cosplay唔同造型，而家大小活動都會見到佢哋，每次用3個月時間左右準備造型，雖然年紀唔細，但就成日上Ebay、Etsy呢類網站搵材料，好叻叻。睇返佢哋嘅造型，由反斗奇兵到星戰到迪士尼動畫都有，最重要係佢哋玩得開心，而且可以同另一半一齊搵衫試造型，有共同嘅興趣，真係好sweet！入嚟有得回帶睇返其他長者cosplay，扮湯婆婆嗰位真心勁。

上年都搞過活動，反應好好，所以今年再搞大啲啦，直情商業化，搵嚟「なかやまきんに君」同肌肉女才木玲佳拍咗個宣傳片，可以拎大劍切結婚蛋糕，仲有艾露貓結婚證書……不過應該唔駛好似條片咁新郎、新娘爆晒衫啩？淨係新娘得啦？

可能鍾意比卡超嘅都開始到適婚年齡，繼早前比卡超同日本婚嫁雜誌《Zexy》推出結婚證書之後，仲有呢個精靈球戒指盒連戒指。打開個精靈球，入面就裝住一對婚戒，一對圖案仲可以合埋。淘寶有得代訂呢個盒，另外想買Pokemon婚介可以上ebay搵U-TREASURE，都有好多選擇。

如果男女方都有共同興趣，結婚嘅婚禮真係可以諗啲嘢玩，未必一定要大搞，可能好簡單，效果已經好好。好似呢一對日本夫婦，佢哋都鍾意玩槍玩War Game，於是喺婚宴時就一人揸住一支槍影咗一輯相，唔難，但原來禮服、婚紗配槍械嘅效果好正。