One Piece喺時代開始有嘢睇, 大家去咗未? 如果想買多兩件嘢傍吓身, 東映喺動漫節度都有好多新品, 最正當然係八達通路飛同索柏公仔啦! 手腳可動, 不過成$188一個, 而且裏面冇儲值, 都真係幾飽吓, 另外仲見到passport套、矽膠電池套、相機帶都非常正, 比較鬼係佢個杯墊, 打開時係船舵, 向內反時又可以做成墊杯。

今個星期模型話題, 都係圍住隻RG紅蟹走, 真心出得幾靚, 而且$185個價又唔係貴, 值得撐吓; 另外太陽之牙嘅ROUND FACER都到咗, 唔係間間都有, 都要留意吓! 唔知係咪為咗興祝海賊王到時代, 所以索柏隻5機合體今個星期做特價, 全部$50隻, 可惜我買齊了! 另外四驅車嗰邊都有大量新車到, 有新版、有舊版翻出, 問店員, 佢哋都話開始好混淆邊隻新、邊隻舊了, 唔想MISS咗啲正車, 真係要落啲力尋吓寶。

索柏五機合體模型又有新圖發佈! 就係分別3號魚形潛艇, 同4號嘅鑽地鼠, 就係差咗呢兩隻, 我一直都做唔成5機合體, 都知佢5月底前會出, 睇相好似啲貼紙冇上次嗰三隻咁難貼。

日本網站PREMICO經常有動漫產品推出，而且夠高質，最近就有呢款ONE PIECE霸氣側袋推出，一式三款，紅、藍、黑都靚，而且設計夠含蓄，太陽海賊團標誌、骷髏頭標記全部都係細細粒唔搶眼，明嘅自然會明，啱晒低調嘅One Piece夥伴，開價16700円。另外女仔必冧嘅索柏都有個粉紅色長銀包推出，開價13880円，好靚，襯晒櫻花季節！

香港近年興起日本流行嘅「逃出密室」實況逃生遊戲，其實日本人對解謎遊戲一直有情意結，好似One Piece就同SCRAP推出一樣叫「謎箱」嘅產品，個箱上咗鎖，買返去後要透過跟機嘅信封內容解謎，解開所有難題之後先可以開到寶箱拎倒入面嘅寶物，有得玩有得儲，幾正。繼之前大大個路飛做封面嘅「砂漠の王女を救え」謎箱之後，最近同萌爆嘅索柏出第二彈，見佢張宣傳照懶cool咁拉低頂帽，搞到我都想買返個。12月21號出，趕得切送比BB做聖誕禮物，如果佢識日文嘅話。

最鍾意食熱氣嘢! 個口最鍾意生飛滋! 日本KFC又令我想食炸雞嘅理由, 買套餐送雪糕杯……我知我個底唔好, 應該有人覺得我又寫錯字; 真係用嚟整雪糕0架! 跟餐會有冰凍雪糕漿俾埋你, 只要你揸住路飛或者索柏隻手喺咁攪攪攪, 佢裏面塊葉就會幫你整出香滑雪糕云云……

每年都會舉行嘅札幌雪祭，之前報導過有雪初音同慶。北海道而家大雪紛飛，雖然佢哋無過年，但呢個雪祭都相當熱鬧，外國有記者親身參與，影咗大量相片分享。見倒除咗大大個雪製城堡，仲有SNOW MIKU雪初音、One Piece得意鹿仔索柏、鬆弛熊、麵包超人、小丸子等等，凍到麻痺都要影啦！一年之計在於春，我決定由而家開始，計劃定下年二月去北海道！