好厲害！日本有網民分享咗佢妹妹嘅手工製品，係一個個超迷你嘅紙袋，全部仿照返真實品牌嘅紙袋，例如麥當勞、Uniqlo、Tokyu Hands等等，像真度極高，樓主話啲Logo通常係佢妹妹剪出嚟或者手畫上去，另外樓主分享埋佢自己設計嘅作品，一樣好高質，入嚟有回帶，似乎係藝術世家。

都話喵星人好蠢，難怪佢哋啲出醜片經常喺網上熱傳，最近好多人睇呢段片，隻喵好百厭咁玩緊個紙袋，玩玩吓仲戴埋上頭，原來個袋係犯人紙袋款式，戴上頭超傻！段片而家已經過咗160萬瀏覽，入嚟有得睇。不過話時話，段片應該係倒轉咗嚟播嘅，睇唔睇得出？

日本嘅甜品特別好味，之前日本同香港嘅Starbucks都推出過細細杯嘅布甸，迷你版嘅咖啡杯裝住好可愛，最近日本推出咗3款新口味布甸，最吸引仲有個紙袋，其實係保暖袋先啱，個樣同平時嘅Starbucks紙袋一樣，不過內層其實係保暖袋嘅材質，可以循環再用，買3杯布甸就有得送埋，售完即止。至於布甸嘅味道分別係「咖啡忌廉布甸」「檸檬忌廉芝士布甸」「吉士焦糖咖啡布甸」，每杯320円，3杯套裝售價1360円，去開日本可以試吓吖。

喵星人最鍾意紙袋啦，日本有網民分享咗呢片，企喺木枱上嘅喵，加上一個掛喺門柄上嘅紙袋，大家應該估到下一步會發生咩事嘞，不過真係估唔到會咁搞笑，入嚟有片睇！

舉高雙手趴埋牆企好，男左女右！呢隻日本喵星人唔知衰咩，俾主人大懲罰，笠咗個犯人紙袋上面，不過佢個樣好倔強，似乎唔認罪。呢張相喺Twitter好多人RT。我諗隻喵星人應該就嚟發狂，好快會抓爛個紙袋，然後抓主人‥‥‥

拎住呢個LEGO紙袋出街都幾型，重點唔喺紙袋而係喺隻手仔度，用咗LEGO嘅經典黃色U型手，夾實個紙袋，拎住佢自己就好似變咗LEGO人咁，好好玩。由喺New York School讀緊Visual Arts嘅學生Junho Lee同Hyun Chul Choi設計，暫時未正式量產，不過相信好多LEGO迷都想要返個，但係要先解決點樣拎住隻黃色手而又感覺舒服先得。

呢段片喺Twitter好多人RT，片中呢隻住喺日本，好鍾意玩紙袋嘅喵星人，一開始對住個紙袋又瞓又抓，睇睇吓就發現原來入面仲有另一隻喵！袋入面嘅喵被迫到唔耐煩，終於好無癮咁走返出嚟，不過外面隻曳貓唔罷休，仲攞個尾彩走去抓人，不過無人理佢‥‥‥

呢個匈牙利麥當勞嘅新外賣紙袋幾實用，下面有個紙條位，撕開之後就可以將紙袋解體，拎走上半部，下半部就變成一個托盤可以裝住啲食物，最啱喺公園都朋友一齊gathering嘅時候用。比著係我，就會將啲薯條倒晒出嚟，再喺旁邊唧茄汁，唔知香港會唔會出返個？

通常買Starbucks都好少攞紙袋，原來個紙袋有PVC物料可以輕度防水。於是呢，就有人用佢嚟摺銀包。之前有人摺個短銀包同長銀包，今次就有台灣嘅Mr Zhou喺網上分享嘅改良版，勁在打開有齊6格放咭位，銀包面同打開後嘅左下角都係Starbucks logo，好考功夫。有興趣可以上網跟住摺，用嚟送比鍾意飲Starbucks嘅朋友仔，物輕情意重呀！