Tag: 紙箱人

紙箱人 x Casio出相機 頭頂大大個logo

Casio相機我麻麻,淨係記得佢出過部炒價過萬嘅自拍神器,可能主攻女性市場,最近佢哋同紙箱人合作出相機特別版,用嘅係EX-FR10型號嘅相機,不過出面可以笠住紙箱人,影相就靠紙箱人一隻眼內藏嘅鏡頭,下年5月發售,而家有得預訂。睇返部機,防水防衝主攻outdoor自拍,影完嘅相可以經藍牙傳送返去部手機或者平板,開價46000円,有3隻色揀。我就嫌紙箱人頭頂大大個CASIO Logo有啲hard sell,不過作為紙箱人fans,係咪好難唔儲?

Read more ›

紙箱人USB線 雙眼發紅光 950円有交易

紙箱人叉電器之前好多人都搶過,出埋變種版仲有咩可以出?USB線囉!今次呢條紙箱人USB線講真我有啲興趣,因為插頭位有紙箱人嘜頭,插住電之後雙眼仲識發光,用返之前叉電器嗰條橋,而且通電時對眼仲會發紅光,嚇死人!有齊10厘米、25厘米、50厘米、100厘米同埋180厘米總共5種呎吋,點用都得。950円起,日本amazon有得買。

Read more ›

大丸紙箱人 日本大阪有售每人限買2隻

老一輩應該仲記得以前銅鑼灣有間大丸,而家搭小巴仲有無人叫「大丸有落」?日本大阪心齋橋仲有大丸,而且嚟緊10月8日至20日會搞個紙箱人攝影展,仲順手推出咗一隻大丸版紙箱人。紙箱人心口同後腦都有大大個大丸Logo,係就係hard sell咗啲,不過我又覺得幾日本風喎。呢隻大丸紙箱人每人只限買兩隻,每隻賣1300円,港幣100蚊唔駛,去開大阪記住買返隻送比朋友做手信。

Read more ›

紙箱人「DANBOARD USB HUB」 可以同山口式合體

紙箱人又出新嘢,今次係USB Hub,對應USB2.0/1.1,Windows・Mac・Android都用得到,不過講到最好玩,係可以裝個頭落山口式紙箱人度玩插住嚟用。產品8月26日推出,參考價格2,200円。BTW,個Mouse幾靚喎。

Read more ›

紙箱人充電器又嚟! 10400mAh出食物7色

早一年,紙箱人嘅充電器熱賣到爆,雖然市場好快就飽和,但都叫斷過貨。不過今日又有新嘢發售喇,係有7隻色嘅「cheero Power Plus 10400mAh DANBOARD Version – FLAVORS -」,包括「chocolate」、「banana」、「pumpkin」、「strawberry」、「vanilla」、「mint」、「matcha」,體積117 × 74 × 23m,參考價格6,980円,Amazon賣3,750円,平咁多。

Read more ›

nano “FLAVORS”紙箱人 新色新味道

紙箱人真係一件好搵錢嘅商品, 四葉妹妹都話要拋個身出嚟, 又要踎低、又要起身……紙箱人!? 只要貼幾張橙箱、Amazon招紙, 大家就要畀錢喇! 今次為咗簡化程序, 所以佢又諗到8色嘅nano “FLAVORS”, 預計10月推出!

Read more ›

紙箱人出新尿袋 雙眼發光識變色

紙箱人我無特別偏好,不過之前出嗰個尿袋據聞賣得勁好,叉電期間流汗嘅標誌見到會忍唔住笑。好消息,最新官方公佈會出迷你版,嫌之前10400mAh拎出街太大嚿可以考慮新款。迷你版最吸引嘅地方係對眼識變色發光,電力充足時會著黃燈,得返半條命時會變橙,唔夠電就變紅,好得意。不過細嚿咗電力都弱咗,行6000mAh,夠叉iPhone大約2.5次,amazon有得訂,開價4340円,買嚟做聖誕禮物fit晒。

Read more ›

有片 紙箱人機械化 雙眼著燈識握手

我都幾鐘意紙箱人Danboard,前排推出嘅尿袋香港有貨據講好好賣,最近上網居然見倒可以遙控嘅紙箱人「オプションセット」,通過好似遊戲機嘅手掣,就可以控制佢fing手fing頭,雙眼仲識著燈。咁都未算勁,有日本傳媒親身拍片實試,見倒紙箱人仲識同你握手同埋跟哨子做連環舉手動作,勁得意!一隻機械人賣79,800円,但係分拆領件買齊紙箱人外殼、手掣、底版加藍牙連接,大概要33000円左右,唔算平,仲要自己砌,但好似滿足感仲大啲。

Read more ›

28/8福利報價: 超西悟空極缺貨 電鍍紙箱人似真金打

暑假尾, 模型真係冇乜! 驚大家冇時間砌嘛! 細細哋有隻HG ASTRAY, 不過買嗰時記得買埋本HOBBY, 因為有把槍連劍嘅CUSTOM KIT跟送! 另外壽屋嗰邊, 亦有三隻鍍金特別版模型, 分別係紙箱人、超級羅白頭同勇者王嘅超龍神, 老實! 真係好金! 電鍍非常重手吓, 如果見唔到夾口位, 真係以為係攞咗去金舖打嘅一樣!

Read more ›

26/8精品報價: 超合金喪冧價 Macross F戰艦/珍寶3勁抵玩!

  今個星期一反常態! 竟然月尾都冇甩新玩具出, 精品老闆見大家口啖啖, 所以搵啲嘢嚟劈吓! 聽講好多玩具行家都叫晒救命! 當中精選係兩隻超合金, 價位全部做「高位零頭價」! 好似隻Macross F戰艦, 開$790呀! 呢隻嘢見高位時, 你要加多$1,000先買到

Read more ›

福利報價: 紙箱「頭」到咗! $160威住戴頭盔

  玩具呢邊! 經上個星期動漫節一役, 即刻靜返晒! 冇計! 大家荷包明顯乾乾哋、收晒水! 你話再出隻超合金魂, 我就真係死俾你睇囉! 今個比較重點性, 有ULTRA.ACT隻ULTRAMAN ACE, 咁當然冇七星俠同元祖咸蛋咁有感情啦! 不過$258聽講都係快放嗰隻嚟嘅!

Read more ›

紙箱人三連發 1:1紙箱/ A4公事包/喇叭仔

紙箱人Danboard喺香港有唔少支持者,之前出過嘅滴汗充電器我都很想要,最近TAITO又有新嘢出,由7月底起一連三個月,每月推出一款紙箱人精品,啱啱推出嘅1:1紙箱令我諗起Metal Gear,一個普通紙箱加咗紙箱人嘅樣上去,平時仲可以倒轉紙箱用嚟裝嘢;另一款係8月底出嘅A4文件公事包,拎出街扮返工返學極萌;最後一款亦係我覺得最實用嘅係喇叭仔,頭頂出聲,賣1500円,不過9月底先有得買。

Read more ›

新片速報 原大紙箱人 雙眼發光殺入Wonder Festival

又係今日(28日)喺東京台場幕張舉行嘅Wonder Festival 2013(夏)情報,Kotobukiya就整咗隻人咁高嘅紙箱人喺度走嚟走去,而且雙眼仲識得閃燈,相當得人鍾意。不過睇佢嘅物料唔係紙嚟,都幾重手,裏面嗰位工作人員,辛苦喇。

Read more ›

《四葉妹妹》紙箱人出手提袋 防水物料撕唔爛

紙箱人個樣好可愛,之前出山口式出咗勁多版本都一樣熱賣。今次就轉攻女用家市場,推出手提袋,有三個唔同size,都係用佢個頭嚟整,雖然對眼唔識發光,但就用上特別嘅「和紙」質料製作,防水耐用而且柔軟,價錢分別係最細個嘅賣2,940円,另外兩款5,250円,6月28日開始喺「ANIMATION ADDICT STORE」發售,網上都有得買。

Read more ›

Danboard紙箱人賞櫻 日本網靚絕圖輯

你鍾唔鍾意呢隻Danboard紙箱人阿愣?呢隻治療系玩具出自日本漫畫《四葉草》,之前好流行,近排似乎靜咗少少。不過日本依然好多人對佢有愛。噚日喺日本網站就發現呢輯紙箱人遊世界嘅圖輯,紙箱人唔止登山遠足,仲走去賞櫻,又去薰衣草園同埋雪地等等,一年四季都見倒佢,睇完好想呢個週末飛去日本玩餐飽。

Read more ›