面對一個4歲小朋友想要電腦嘅要求，應該點處理好？日本呢位媽媽就決定用紙板自製咗一部同佢一齊扮上online課堂。除咗電腦面用士多啤梨取代咗蘋果標記之外，每一粒keyboard掣仲有埋字，超勁！

時裝嘅嘢，都係離遠欣賞好啲。啱啱喺日本Twitter熱傳呢幾張相，全部來自品牌Thom Browne嘅2017年秋冬男裝系列，最技驚四座係左邊呢件好似掛上身嘅硬布，我諗起星爺自己用紙板畫嘅恤衫領呔。BTW，雖然奇特，都要知吓佢嘅來歷，設計師Thom Browne被形容為時裝界嘅「科學怪人」，設計一向天馬行空，今次呢個系列總共44件作品，勁在全部出自同一塊蘇格蘭手織羊毛呢，除咗件衫，其實頂帽都好突出。好啦無咩事我出返去做嘢先啦。

日本呢位主人好有藝術感，經常幫屋企隻汪星人轉造型，用嘅方法好原始，就係整塊紙皮挖個窿，等汪星人自投羅網捐入去。佢試過嘅造型好多，最得意都係伸個鼻出嚟扮返自己同類，其次扮Hello Kitty、R2-D2、蘋果、樂器甚至孖煙囪都有試過。我反而好奇，唔知點樣先氹到汪星人捐個頭入去呢？