Post Tagged with: "紙本分格"

馮展鵬短篇漫畫《一千○一》 紙本分格網上重溫
by / on 13/08/2019 at 9:15 pm

馮展鵬短篇漫畫《一千○一》 紙本分格網上重溫

齋講唔記得,睇番即刻印象返晒嚟,呢個由馮展鵬繪畫嘅短篇漫畫作品《一千○一》,2013年曾經喺《熱血少年》刊載,依家可以喺「紙本分格」網站重溫。短篇,唔使三分鐘睇完,際此動輒食橡膠子彈布袋彈催淚彈嘅時刻重溫,見到漫畫世界裡面嘅軍官、劊子手、戰俘、市民,尤其漫畫最後一格……我第一感覺係──心寒。信我,此乃高質漫畫,值得一看。

Read more ›

紙本分格開分店入場費自由定價 首賣小梅Figure 2.0
by / on 11/07/2019 at 9:15 pm

紙本分格開分店入場費自由定價 首賣小梅Figure 2.0

「紙本分格」開Pop up Store,名為「紙本分店」。分店有乜睇?一,睇複製原畫,慢慢聞,無人趕:二,睇書,分店會闢「書櫃一格」擺放新舊漫畫同畫集,你可以舒舒服服攤喺梳化,慢慢翻煲或新睇完完整整一套漫畫;三,睇Figure,麥少峯會推出小梅Figure 2.0,首賣當日順便開埋個迷你分享會;四,睇動漫,過癮在會播埋動畫或漫畫創作Making of影片,幾有新鮮感。最最最最最令我驚訝嘅係,分店係收入費場,但入場費係自由定價嘅,即係話,如果覺得唔啱睇,你可以擺低$1閃人,無人攔你,咁你覺得Pop up Store搞得有誠意的話,咪添多些少以作鼓勵囉。呢種收費方法好有實驗性質,拭目以待。

Read more ›
紙本分格x麥少峯 推出鬼古《灰飛不滅》連角色Figure
by / on 19/11/2018 at 9:15 pm

紙本分格x麥少峯 推出鬼古《灰飛不滅》連角色Figure

網站「紙本分格」搞漫畫出版,之前喺網站免費連載嘅麥少峯作品《黃油紙路》,我睇到拍晒手掌。好喇,免費完嘞,係時候畀番啲實質支持嘞!麥少峯鬼古漫畫合集《灰飛不滅》將以實體書形式出版,除新故事《灰飛不滅》外,仲會收錄埋《黃油紙路》,每本$130。另,《灰飛不滅》小女孩角色小梅亦會製成Figure,雕塑原型同上色都由麥少峯親手跟番,連書一套買盛惠$260。Fine,高呼港漫不死,唔係得個講字,有心支持本地創作,踴躍課金喇喂。

Read more ›
紙本分格x麥少峯 出靈異漫畫《黃油紙路》要撐
by / on 12/06/2018 at 10:03 pm

紙本分格x麥少峯 出靈異漫畫《黃油紙路》要撐

好消息!有新港漫睇!網頁「紙本分格」推出漫畫計劃,聯乘麥少峯推出短篇作品《黃油紙路》。《黃油紙路》係個鬼古,話好好好好恐怖就呃你嘅,不過半夜三更熄晒燈自己一個人對住個Mon睇,個心都少不免會寒一寒,啲分鏡好帶動到氣氛,個結尾我係有啲估佢唔到嘅。香港已經無靈異漫畫,《黃油紙路》有昔日《怪異集》、《迷離境界》嘅味道,我非常Like。

Read more ›
Save起佢 紙本分格製香港漫畫店地圖
by / on 19/04/2018 at 3:45 pm

Save起佢 紙本分格製香港漫畫店地圖

成日話撐實體書,成日話撐港漫,有時唔係唔想實際課金,而係書報攤買少見少,想幫襯都難。依家好嘞,網站「紙本分格」製作咗個「香港漫畫店地圖」,詳列港九漫畫店同書屋之地址同聯絡方法,好值得大家Save起佢以作備忘。

Read more ›