Post Tagged with: "紐西蘭"

【有片】死神來了再來了 紐西蘭超玩嘢宣傳落水安全
by / on 09/11/2017 at 6:19 pm

【有片】死神來了再來了 紐西蘭超玩嘢宣傳落水安全

游水,玩水上活動,安全係好重要,但如果喺電視賣吓廣告同你講食得太飽都不適宜,你覺得有冇用?紐西蘭就用一個比較玩嘢嘅方法,開咗個「The Swim Reaper」嘅instagram,入面有相有片,阿死神又落吓水,又喺沙灘玩吓咁,叫人唔駛驚呀即管落水玩啦……因為紐西蘭每年因為遇溺死亡嘅人數約105人。好啦,大家要小心啲喇,雖然夏天就完。

Read more ›

日本Twitter熱傳古怪雕像      人型手掌網民話似《寄生獸》
by / on 03/09/2016 at 12:15 pm

日本Twitter熱傳古怪雕像 人型手掌網民話似《寄生獸》

藝術嘅嘢,有時都唔駛太考究嘅。呢兩日好多日本人喺Twitter熱傳呢輯相。喺紐西蘭嘅一楝建築物屋頂,放置咗個好奇特嘅裝置,有啲似人,又有啲似一隻手掌,好多日本人話諗起《寄生獸》,至於設計師本人就話,呢個裝置無附帶任何訊息,亦都唔代表乜嘢意思,唔解釋,呢啲咪型囉。

Read more ›
超可愛長嘴無翼雀仔   鷸鴕bb做手術
by / on 04/12/2014 at 7:08 am

超可愛長嘴無翼雀仔 鷸鴕bb做手術

又到得意動物時間!呢隻叫鷸鴕(Kiwi)嘅鳥類,天生有個長嘴,而且無翼唔識飛,係紐西蘭嘅國鳥。「鷸」「鴕」兩隻字好深,所以我鍾意佢另一個名「幾維鳥」多啲,因為佢叫嘅時候都係kee-wee-kee-wee咁叫。至於圖中呢隻好得意嘅鷸鴕bb,上個月喺紐西蘭嘅Kiwi Birdlife Park動物園出世,但就被發現長嘴下面嗰截短咗彎咗,唯有即刻搵醫生同佢做個大手術,好彩最後手術成功,以後有得繼續食好嘢!

Read more ›
有片   紙皮摺枱兩分鐘開枱    打邊爐唔啱用
by / on 10/10/2014 at 7:18 am

有片 紙皮摺枱兩分鐘開枱 打邊爐唔啱用

佔領期間打邊爐打乒乓波我都唔贊成,無謂令反對嘅人有更多藉口吖,摺埋張乒乓枱係最好嘅做法。講到摺枱,紐西蘭公司Refold最近推出咗呢張用紙皮砌成,可以摺得埋嘅書枱,用7亳米厚嘅紙皮砌成,兩分鐘內可以摺起或者收埋,仲可以調校高度。不過都幾重,成6.5公斤,但勝在唔阻碇,如果唔係喺Kickstarter仲集緊資,有心人大可以贊助返幾張比金鐘溫緊書嘅學生長期作戰。

Read more ›
神級人體彩繪   恐怖臉相最啱萬聖節
by / on 17/09/2014 at 7:23 am

神級人體彩繪 恐怖臉相最啱萬聖節

將自己塊面畫成咁需要相當大嘅勇氣同埋技藝,紐西蘭藝術家Laura Hawker好叻畫人體彩繪,效果超恐怖,進擊之巨人嘅造型無懈可擊,成塊面唔見晒變成一個恐怖大口更加係極驚嚇,喺街見倒應該會嚇到尖叫。萬聖節就到,相信佢又會有更多恐怖新造型,有排玩!

Read more ›
神級沙灘3D畫   唔用筆靠沙粒造出3D效果
by / on 03/05/2014 at 1:42 pm

神級沙灘3D畫 唔用筆靠沙粒造出3D效果

紐西蘭真係地靈人傑,出產嘅藝術家都特別悠閒。呢位叫Jamie Harkins嘅紐西蘭藝術家,人玩3D畫佢玩3D畫,佢就選擇喺沙灘上畫,唔用筆,只係靠幾粒沙就造出3D效果,可以想像難度之高。雖然無平時睇到厭嘅3D畫咁色彩豐富,但係望埋個賞心悅目嘅海灘,心情都靚啲,仲可以娛人娛己,比去沙灘玩嘅人一齊參與。

Read more ›

新片速報 預防交通意外短片 時間停頓超心寒
by / on 08/01/2014 at 12:46 pm

新片速報 預防交通意外短片 時間停頓超心寒

如果發生交通意外前一刻可以時間停頓,俾你救人或者避開,咁成件事就唔嚇人啦。咁如果前一刻真係可以停頓,但事實改變唔到呢?喺兩架車相撞之前,時間停止,兩位司機落車,「係,係我開車開得太快。」「我只係犯咗個小錯誤啫。」「但我後座有個小朋友喺度。」講完,事實改變唔到,你會感受到佢哋嗰份後悔,點解唔開慢啲?呢條紐西蘭「NZ Transport Agency」拍嘅短片,真係令人睇到心都寒埋,應該幾有效果。

Read more ›
新片速報   近鏡影獅子  四驅車配Nikon機
by / on 02/12/2013 at 7:45 am

新片速報 近鏡影獅子 四驅車配Nikon機

呢條片好犀利,放上YouTube一星期左右已經有超過300萬點擊,影片睇倒紐西蘭攝影師Chris McLennan將部Nikon D800E相機set入遙控車Car-L入面,然後用架車引班非洲獅子埋身影佢哋嘅近鏡相。原來獅子嘅好奇心好重,而且佔有慾都好強,因為其中一隻獅子一嘢咬走咗部四驅車,好彩雖然架車唔郁得,但係部相機完好無缺,於是就見倒呢批好靚嘅獅子近鏡相。Chris仲喺影片教路要先將鏡頭focus喺一米左右嘅位置,再配細光圈。雖然我哋無機會影獅子,都可以用嚟影吓屋企隻百厭貓嘅。

Read more ›
新片速報 紐西蘭綿羊 識答問題 群起咩咩聲
by / on 19/08/2013 at 12:01 pm

新片速報 紐西蘭綿羊 識答問題 群起咩咩聲

咩叫羊群效應?我諗呢條片可以解釋到,一隻咩隻隻咩。呢位紐西蘭人John Owen佢拍咗條片,就係同群羊講嘢,問咩佢哋都會一齊答你,不過答案都係得個咩字。咁多羊群喺度叫囂,有冇人驅散佢哋?有冇人拉佢哋話佢哋行為不檢呀?

Read more ›
新片速報 紐西蘭繼續哈比人 精靈語報告天氣
by / on 30/11/2012 at 4:42 pm

新片速報 紐西蘭繼續哈比人 精靈語報告天氣

可能《魔戒》系列同嚟緊12月上映嘅《哈比人:不思議之旅(The Hobbit An Unexpected Journey)》真係好幫到紐西蘭嘅旅遊業,所以,佢哋好鬼樂意同哈比人玩。繼之前紐西蘭機場同航空搞嘅魔戒搞鬼crossover(入面又有得睇)之後,啱啱仲有電視台新聞報導入面嘅天氣報導cosplay成精靈(Elvish)咁報天氣!而且唔只得個樣,佢仲講埋精靈語,天氣圖界面都轉埋「中土世界」風!有邊個識聽?所以要出英文字幕囉。

Read more ›