Post Tagged with: "紐約"

【圖集】美國神級街頭畫師 超創意改裝街頭設施
by / on 01/08/2017 at 7:24 am

【圖集】美國神級街頭畫師 超創意改裝街頭設施

美國街頭畫師Tom Bob 嘅作品最近好紅,佢將紐約街頭加咗好多創意同色彩,強項係就地取材,例如將地面嘅坑渠畫成食鬼,又試過將地面嘅短圓柱變成Beatles嘅鼓,全部作品都好高質,入嚟有得回帶慢慢睇,最重要係佢要繼續走得快唔好俾人拉到。

Read more ›

【有片】最巨型喵星人現居紐約 重28磅長4呎鍾意「責」醒人
by / on 13/08/2016 at 2:13 pm

【有片】最巨型喵星人現居紐約 重28磅長4呎鍾意「責」醒人

呢隻肥貓實在太得意嘞。佢叫Samson,品種係緬因貓,而家重28磅,長4呎,要抱起佢都要有好強嘅腕力。佢嘅主人Jonathan Zurbel澄清呢隻喵星人唔係肥,無超重,佢只係生得比較大隻啫。佢每朝主人未起身就會走入房,然後跳上主人個肚腩度瞓覺,比咁重嘅佢責住,應該好難唔醒嘞。另外佢仲好可能係世界上最大嘅貓,因為之前健力士紀錄最大隻嘅喵星人身長4.04呎,可惜喺2013年已經過咗身,所以呢隻28磅4呎長嘅喵星人,可能已經足以稱霸地球。

Read more ›
【勁過單身男女】玻璃窗貼Memo大戰      蜘蛛俠:「返工都要放鬆吓」
by / on 28/05/2016 at 11:53 am

【勁過單身男女】玻璃窗貼Memo大戰 蜘蛛俠:「返工都要放鬆吓」

電影《單身男女》都有玩過用大廈落地玻璃窗傳情,不過外國呢單再勁啲。事緣紐約有員工喺辦公室玻璃窗用Post-It貼咗個「HI」字,對面棟樓好快有人又貼Memo回應,由於呢兩楝大廈有好多廣告agency,好快就一呼百應,有人砌咗大大個蜘蛛俠,有人砌Simpsons公仔,好熱鬧。呢場Post-It戰爭最後由強人出手終結咗,佢哋居然做咗個動畫,用咗6層大樓,一隻巨手掉咗支咪落地。玩到咁大,得確好難再挑佢機,入嚟有片睇。

Read more ›
紐約市公園設計圖似足《進擊的巨人》 超高圍牆與世隔絕
by / on 27/03/2016 at 1:08 pm

紐約市公園設計圖似足《進擊的巨人》 超高圍牆與世隔絕

第一眼見到呢張相就諗起《進擊的巨人》,不過呢個地點喺紐約,而個城牆唔係50米高,而係3028米高!可惜暫時只係構思。設計師 Yitan Sun同埋Jianshi Wu想建造一個與眾不同嘅紐約市公園,唔單止大,而且要深,佢哋希望挖深地底睇到岩床,另外每面圍牆都用上高反光玻璃,令到視野更加廣闊。不過地價咁貴,有生之年都唔知有無機會睇倒呢個咁特別嘅公園。

Read more ›
【頂住先】自畫紐約車牌被捕 日本網民:「好想要!」
by / on 11/03/2016 at 7:12 am

【頂住先】自畫紐約車牌被捕 日本網民:「好想要!」

好佩服呢位美國28歲嘅女士Amanda Schweickert嘅創意,居然諗到用紙皮自己畫咗個車牌出嚟,仲掛上車喺道路上行駛,完全體現咗DIY精神。可能字體太可愛,喺街上好快俾警方截停,連警察見到都忍唔住笑。而家佢被控偽造車牌,獲准以美金$400保釋候審。件事傳到去日本,網民就話:「太可愛喇!」、「點解唔用金屬或者膠嚟製作呀?」、「好想要,有無得郵購?」、「警察係咪不滿啲字體呢?」而當地警方估計,佢應該係因為駕駛執照被用,所以諗倒自己畫一張用住先。

Read more ›
【靚仔晒】免費幫待領養狗狗剪髮    愛心男義工吸引力大增
by / on 27/02/2016 at 2:56 pm

【靚仔晒】免費幫待領養狗狗剪髮 愛心男義工吸引力大增

通常喺動物收容所年紀越大嘅狗狗越難搵到主人領養,最近紐約嘅Animal Care Centers就嚟咗一個好有愛心嘅義工Mark Imhof,佢專責為待領養嘅年長狗狗剪髮同沖涼,等佢哋變返靚仔靚女,增加被領養嘅機會。本身做生意嘅佢,因為未婚妻嘅鼓勵轉咗做狗狗美容師,仲幫呢間收容所做義工,有愛心嘅男人果然特別有吸引力,人都靚仔啲,女朋友都易搵啲。

Read more ›

有片:撻巨形燈掣 廣場+途人齊齊亮燈
by / on 07/12/2015 at 9:45 pm

有片:撻巨形燈掣 廣場+途人齊齊亮燈

齋睇片都覺得好溫馨,好有聖誕氣氛,如果可以親歷其境,你話係一件幾咁浪漫嘅事呢?話說喺美國紐約Father Demo Square,工作人員預先戙起咗個七呎高巨型燈掣,去到入黑,當途人甲乙丙丁手多多撻掣,成個廣場嘅燈飾就會閃閃發光,咁都未止喎,廣場裡面亦預定工作人員做媒,當燈掣一撻,呢班做媒嘅工作人員就會停低所有動作,身上面嘅燈飾亦會一齊亮起,非常Surprise,開心開心!唉,有時唔好話外國月亮特別圓,畀著喺香港?一來土地問題,二來香港人無呢種閒情逸志,呢壇聖誕Event九成玩唔成。

Read more ›
【紐約Comic Con】大量Coser圖集 女版Bowser洛克人 / 大量Marvel角色
by / on 11/10/2015 at 3:38 pm

【紐約Comic Con】大量Coser圖集 女版Bowser洛克人 / 大量Marvel角色

印尼11月都有Comic Con,勁羨慕。啱啱今個星期就係紐約Comic Con,外國網站Geeks Are Sexy深入會場影咗大量Coser靚相,今年水準都好高,《回到未來》嘅博士好神似,仲拎埋全球限量6500支嘅百事,我都想要返支。另外女coser嘅角色幾有驚喜,有比達,孖寶兄弟入面嘅惡龍Bowser都有。不過普遍都係鬼妹size,比較大隻啲。仲有大量Marvel角色,入嚟有得慢慢睇。

Read more ›
囡囡與喵相集    紐約愛心女生領養喵星人
by / on 23/07/2015 at 7:13 am

囡囡與喵相集 紐約愛心女生領養喵星人

非正式統計,Gameover嘅讀者應該有好多貓奴,因為同喵星人有關嘅新聞,瀏覽數目同囡囡新聞差唔多。咁如果兩樣加埋呢?呢輯由攝影師BriAnne Wills用咗4個月拍攝嘅「Girls and Their Cats」,入面全部都係紐約女生同佢哋領養嘅喵星人,喵星人加女仔,仲要愛心爆棚,仲唔係網上最易呃like嘅post?攝影師開咗個IG戶口,嚟緊會去其他地方繼續影影影,入嚟睇吓啦,我梗係指睇喵啦,唔通睇囡囡咩?

Read more ›
【文青典範】 街頭打字另類筍工 文青味滿到瀉
by / on 16/06/2015 at 7:14 am

【文青典範】 街頭打字另類筍工 文青味滿到瀉

喺Starbucks拎部MacBook出嚟已經唔係最型,因為好易撞款,反而好似呢個男仔,喺紐約街頭拎部價值美金10蚊嘅舊式打字機出嚟仲引人注目。其實佢唔係為咗型咁簡單,而係為生計。由於搵唔到工,佢就興起幫途人寫故仔嘅諗法,唔定價錢,但越比得多錢篇文章就會越詳盡越高質,佢話每日搵得唔多,夠錢買塊pizza醫吓肚咁啦,但係嗰浸文青味真係離遠都索到。

Read more ›
網上熱傳     紐約出現四條彩虹     專家分析有疑點
by / on 23/04/2015 at 7:21 am

網上熱傳 紐約出現四條彩虹 專家分析有疑點

好日都見唔倒一條彩虹,更可況兩條、甚至四條?!最新外國女士Amanda Curtis喺紐約嘅LIRR Station影倒同一時間天空竟然出現四條彩虹!呢個奇景當然要即刻影低放上Twitter分享,即刻有好多人RT同埋好多傳媒借用。最新消息係有專家話其實天上當時只得兩條彩虹,另外嗰兩條係因為揸機嘅時候旁邊有水反射而造成嘅假像,不過唔緊要啦,最重要都係大家睇完呢張相後心情靚晒!

Read more ›

新片速報   搭地鐵禮儀你有無? 騎呢男子組親身演繹
by / on 24/01/2015 at 7:12 am

新片速報 搭地鐵禮儀你有無? 騎呢男子組親身演繹

講起搭地鐵,唔係,港鐵先啱,大家都應該有一大堆苦水要吐,呢條片好正,一紅一綠嘅古怪男人,親身示範喺紐約搭地鐵嘅禮儀,攬住條鐵柱玩pole dance、同大肚婆爭位坐、用個身頂住度門夾硬要攝入去、隨處掉垃圾?原來全世界嘅問題都差唔多,由呢兩個騎呢造型嘅男人演繹,特別搶眼,係囉,港鐵都應該拍返條。

Read more ›
新片速報    打喊露會傳染    超巨大銀幕集體打喊露
by / on 14/01/2015 at 7:05 am

新片速報 打喊露會傳染 超巨大銀幕集體打喊露

打喊露係會傳染嘅,如果喺紐約時代廣場,大大個廣告屏幕,廣告入面嘅男人表演打喊露,睇倒嘅路人被傳染跟住打,企喺路人側邊嘅路人又再被傳染,再打,再傳染‥‥‥場面應該幾壯觀。呢個就係最近藝術家Sebastian Errazuriz嘅新企劃。由1月開始,每晚11點57分到凌晨零時,巨型銀幕都會播住個男人不停打喊露嘅影片,嚟緊1月17日夜晚11點45會,仲會搞個全城齊齊打喊露嘅集會,無聊得嚟好有學術性。不過香港人集體鳩嗚都唔得,打喊露呢種有催眠性質嘅活動,諗都唔駛諗,太危險喇!

Read more ›
新片速報   係咪性騷擾? 紐約街頭偷拍片3千萬點擊
by / on 02/11/2014 at 2:00 pm

新片速報 係咪性騷擾? 紐約街頭偷拍片3千萬點擊

呢條片放上網5日已經有接近3千萬點擊,片中嘅女演員Shoshana B Roberts唔係特別靚,又唔係著得特別性感,只係喺紐約街頭不停行咗10小時,全程一句嘢都無講過,但就引嚟超過108個搭訕。條片之所以咁多人睇,全因為佢背後嘅訊息夠爭議性。話說紐約一直都有街頭性騷擾問題,即係靚女喺街行,經常有唔識嘅人搭訕甚至跟踪。不過有人睇完條片就認為無問題。btw,我都覺得讚吓人靚女無問題,不過嗰兩位跟足人幾條街嘅就明顯有騷擾成份。另外條片係幫慈善機構Hollaback!拍嘅,目的係叫人關注街頭性騷擾問題,應該算係成功咗。

Read more ›
變色龍又出動   人體彩繪融入紐約地標
by / on 07/08/2014 at 7:09 am

變色龍又出動 人體彩繪融入紐約地標

人同變色龍嘅分別越嚟越細,因為好多藝術家都嘗試將真人畫成保護色,同背景融為一體。最新有呢位叫Trina Merry嘅人體彩繪畫,搵嚟17位model任舞,畫完隱形裝後再喺紐約大街影相,Guggenheim Museum、Brooklyn Bridge、Central Park呢啲著名地標都有份。入嚟有得慢慢欣賞,唔知點解,我又諗起《怪獸大學》入面嘅變色龍。

Read more ›