Man僧不嬲都多搞作架啦，今次聯乘「Lazy Duo」推出新紋身貼紙，構圖係……根據佢面書，係咁形容：日本遊女加海浪；而我睇法呢，卻係「性感美女戲水」。Anyway，學佢話齋，唔貼都買吓啦喂，Size係14.8cm高、21cm闊，每張8.25美金，大家多多捧場。

紋身，我怕痛，唔敢；變身貼紙呢，無痛，無聊玩吓則無妨。「Lazyduo」推出嘅呢係列香港俚語紋身貼紙，字眼包括「咸魚翻生」、「掂過碌蔗」、「三姑六婆」、「Kai」、「鬼佬」同「發」，售$108，貼上身自嘲又好寸人又好，我覺得幾過癮，見到應該笑得出。