Post Tagged with: "紋身"

Zara模特兒Jane Mosley 綾波麗、草薙素子紋身好吸引
by / on 03/06/2017 at 7:06 pm

Zara模特兒Jane Mosley 綾波麗、草薙素子紋身好吸引

好多Model都有紋身,不過外國模特兒紋日本動漫紋身就少見啲?日本網絡近日流傳幾張圖,就係香港都好多舖嘅西班牙fashion品牌,搵咗呢位Jane Mosley影相,見到佢手臂上有《Evangelion》嘅「綾波麗」,背部又有《攻殼機動隊》嘅「草薙素子」,型到極!

Read more ›

【圖集】貓奴狗奴韓國紋身大人氣   可愛動物網民勁Like
by / on 07/03/2017 at 7:56 am

【圖集】貓奴狗奴韓國紋身大人氣 可愛動物網民勁Like

韓國紋身師Jiran設計嘅圖案走可愛路線,好有個人風格,喺IG好高人氣。而佢最為人注目就係幫貓奴狗奴畫動物嘞!佢會根據主人提供嘅相片再加工,變成可愛得嚟又突出到動物特徴嘅紋身,IG有好多示範睇。不過老土啲都要講句,紋身係一世嘅,紋之前記住要諗清楚呀。

Read more ›
有紋身有信心 日本車手路上零被恰
by / on 06/08/2016 at 6:32 pm

有紋身有信心 日本車手路上零被恰

呢個世界好多人以貌取人,亦都好多人欺善怕惡。咁如果爭位泊車或者想喺馬路恰你,見到你成手都係紋身,可能都會縮一縮諗一諗先。不過紋身呢啲嘢,紋咗就一世,而且又可能怕痛呢,又唔浸得溫泉呢,所以,呢款防曬紋身袖套就啱晒用喇,呢位日本網民示範咗,係似嘅,但記得戴錶,效果更佳。

Read more ›
【記錯日期紋錯身】日本女友紋錯男友生日日期   網民cap圖狂笑
by / on 30/06/2016 at 7:14 am

【記錯日期紋錯身】日本女友紋錯男友生日日期 網民cap圖狂笑

愛情真係好盲目,日本呢個女仔上咗電視節目,講述自己專登去紋男朋友嘅生日日期「1216」喺身,想留個紀念兼俾個驚喜對方,點知返到屋企男朋友覺得好奇怪,原來佢嘅生日日期係12月14日,記錯咗日期,紋咗個唔關事嘅數字上身,而家呢個女仔好後悔。節目播出後網民即刻cap圖討論,有人提議個女仔喺額頭紋多個「私はバカです」(我是笨蛋),有人建議佢同男朋友喺當日做啲特別嘢,令12月16日成為佢哋嘅紀念日。BTW,為自己紋身無問問題,但為男女朋友紋身其實真係好傻。

Read more ›
【新片速報】腦癌手術後留疤痕 愛心爸爸紋身陪仔仔
by / on 23/06/2016 at 7:13 am

【新片速報】腦癌手術後留疤痕 愛心爸爸紋身陪仔仔

親人嘅愛真係好偉大,外國呢位只得8歲嘅小朋友Gabriel Marshall,因為患咗腦癌要做手術,手術後佢個頭留低咗一道好大嘅疤痕,令佢覺得自己好似怪物一樣,好唔開心。為咗開解佢,爸爸Josh Marshall決定喺自己頭頂紋個一模一樣嘅紋身。而家仔仔開心返,周圍同人講佢同爸爸係Twins。件事之所以熱傳係因為爸爸將呢張合照放上網,參加一個癌病家長嘅網上活動,最後得到超過5千張選票成為冠軍。而家仔仔腦內仲有細小嘅腫瘤,不過無再擴大,未來將會定期覆診。最後希望仔仔身體健康,快高長大,大個咗要好好報答父母呀!

Read more ›
【新片速報】紋身師傅專用義肢 改裝後似BioShock
by / on 12/06/2016 at 7:15 am

【新片速報】紋身師傅專用義肢 改裝後似BioShock

呢段紋身片呢幾日喺網上熱傳,原因位紋身師傅用嘅係一隻改裝咗嘅義肢。段片最先喺Facebook專頁「Steampunk Tendencies」發放,之後轉載咗去YouTube,片中嘅師傅叫JC Sheitan,佢22年前無咗隻手,法國藝術家JL Gonzal將佢嘅義肢改裝,加咗打字機、鐵管、壓力計,成為咗一隻紋身專用嘅義肢。衞生起見所有零件都可以拆出嚟消毒,不過都幾複雜,所以呢隻義肢暫時唔建議日日用。入嚟有埋片睇,好型,有啲似Bioshock。

Read more ›

【有片】幫病童紋身FB熱傳 扮黑社會小朋友笑晒
by / on 25/05/2016 at 7:14 am

【有片】幫病童紋身FB熱傳 扮黑社會小朋友笑晒

小朋友紋身?怪獸家長見到可能會尖叫。其實呢啲只係短暫性嘅紋身,外國紋身師Benjamin Lloyd為咗令一班病童重現笑容,特別幫紐西蘭兒童醫院Auckland’s Starship Children’s Hospital嘅小朋友逐個紋身,照足大人嘅紋法無偷工減料,紋果好正。佢本來喺自己Facebook提出呢個諗法,話只要有50個like佢就會付諸行動,點知最後有超過44萬個like。不過而家佢最擔心係呢班小朋友唔肯去沖涼‥‥‥

Read more ›
有愛唔怕痛 日本動漫紋身越嚟越多圖集
by / on 24/05/2016 at 7:46 pm

有愛唔怕痛 日本動漫紋身越嚟越多圖集

紋身,痛o架喎!但日本有好多動漫迷有愛唔怕痛。有報道講越嚟越多動漫迷以動畫人物為圖案紋身,入嚟除咗有紋身師「AKI-BONTEN」嘅作品睇外,仲有網民分享自己嘅戰績。如果要你去紋,會紋咩?

Read more ›
有片:背脊心口發光 Ink Mapping無痛紋身
by / on 07/02/2016 at 8:30 pm

有片:背脊心口發光 Ink Mapping無痛紋身

堪稱型到核爆!話說兩位葡萄牙視覺藝術家Oskar同Gaspar,搞咗壇名為「Ink Mapping」嘅Event,玩嘅係影像投射,將紋身圖案直接投射喺人體身上,不論心口、背脊、手手腳腳,全部影像同顏色可以無窮變化,喺黑暗環境裡面尤其絢麗悅目。無痛紋身,我又想玩吓喎。

Read more ›
泰國靚女紋身師傅 網上爆紅收入10級跳
by / on 25/11/2015 at 7:12 am

泰國靚女紋身師傅 網上爆紅收入10級跳

正所謂你的樣子如何,泰國紋身師傅周圍都係,不過最近呢位只得22歲住喺泰國芭堤雅嘅靚女紋身師Kwaykgaw Khattiya就喺網上爆紅,除咗因為佢技術好,紋嘅圖案夠細緻之外,更主要原因係佢生得靚,而且成日著得好性感。搵佢嘅有唔少係男人(都好合理吖,男人紋身比率高啲嘛),仲有人話佢似韓國當紅女團A Pink嘅夏榮。佢嘅紋身店已經開咗3年,由月入500泰銖(約HK$100)到而家去到500000-80000泰銖 (約HK$10,000-HK$17,000),下次去芭堤雅除咗游水,仲可以紋身喎。

Read more ›
【簡單就是美】神級紋身圖案 一筆過完成R2-D2/樹葉/大象
by / on 14/10/2015 at 7:08 am

【簡單就是美】神級紋身圖案 一筆過完成R2-D2/樹葉/大象

紋身我唔敢,不過唔抗拒,有時見到啲幾靚嘅圖案都會留意吓。近年流行一啲線條簡單又或者好細嘅紋身,呢位紋身師傅Mo Ganji,出生於伊朗嘅佢,而家住喺德國柏林,佢設計嘅紋身圖案更加係別樹一格,因為佢筆下嘅紋身圖案都係用一筆過完成嘅。企鵝、樹葉、狗、地圖、蜻蜓、帆船,甚至星戰嘅R2-D2、白兵,簡簡單單但已經好靚,其實有時簡單嘅作品比複雜嘅更加難做得好呢。

Read more ›

【百無禁忌】切割先人紋身做紀念 防腐處理鑲畫架
by / on 07/10/2015 at 7:03 am

【百無禁忌】切割先人紋身做紀念 防腐處理鑲畫架

    要懷念先人,有人會選擇將骨灰放喺屋企,外國有項特別服務,就係將先人嘅紋身切落嚟,再鑲入畫架做裝飾,聽落有啲恐佈。由外國一間非牟利機構NAPSA創立,當有人離世18小時內打比佢哋,佢哋就會派屍體防腐員去切底想留底嘅紋身,再經過防腐處理之後放入畫架送返比屋企人或朋友。的確,有啲人身上嘅紋身有特別意義,旁人未必理解,但對至親嚟講應該好珍貴,不過望住一張張嘅紋身皮,唔,我都係有少少驚。

Read more ›
【其實好靚】鬍鬚男紋龍貓 吉卜力世界紋身圖集
by / on 23/09/2015 at 7:10 am

【其實好靚】鬍鬚男紋龍貓 吉卜力世界紋身圖集

紋身同吉卜力,兩件事似乎唔係太夾,但係無論亞洲定歐美,都有好多吉卜力嘅粉絲將佢哋紋上身。大大幅嘅龍貓、哈爾移動城堡、千與千尋,有新有舊,全部上晒色,其實好靚,當你見到啲粗線條嘅手臂上有隻咁可愛嘅龍貓紋身,感覺特別有愛!

Read more ›
【又玩名】可口可樂新玩法 撕開姓名變紋身貼紙
by / on 22/09/2015 at 7:13 am

【又玩名】可口可樂新玩法 撕開姓名變紋身貼紙

可口可樂瘋狂玩名,最近就出到中文名嘞,有無儲返個?外國Coca-Cola都玩名,不過今次有啲唔同,罐上嘅名有層貼紙,撕開貼紙後罐面就會變成紋身貼紙,可以印上身度當紋身。今次活動原來係為咗慶祝National Hispanic Heritage Month,由9月15日至10月15日有得玩,罐上嘅名都係拉丁美洲嘅姓氏,因為當地人對自己嘅姓氏好自豪,所以官方就諗到玩紋身,可惜個罐無得買,要玩就要上佢哋網頁登記嘞。

Read more ›
【無私父愛】阿爸為囡囡紋身 人工耳蝸圖案扮戴耳機
by / on 08/08/2015 at 3:24 pm

【無私父愛】阿爸為囡囡紋身 人工耳蝸圖案扮戴耳機

好感人!為人父母如果自己嘅仔女有病真係好心痛,而且好想盡自己能力減輕佢哋嘅痛苦。呢位住喺紐西蘭嘅爸爸Alistair Campbell嘅囡囡因失聰,需要植入人工耳蝸(cochlear implants),為咗減低囡囡Charlotte嘅唔開心,佢決定喺頭頂相同位置紋個人工耳蝸嘅圖案,同囡囡一齊戴耳機。今次係佢第一次紋身,用咗45分鐘,佢話有少少痛但無所謂。其實佢唔係第一個紋cochlear implants上頭嘅爸爸,之前都有另一個外國爸爸咁做,父愛真係偉大。

Read more ›