Tag: 系列

日本McCafe推出抹茶系列 大大杯超邪惡

日本McCafe推出抹茶系列 大大杯超邪惡

抹茶控注意!嚟緊9月1日開始日本嘅McCafe將會推出抹茶系列,有抹茶Latte Frappe、熱/凍抹茶Latte,最吸引係企最前大大杯又cream又丸子又黑糖漿嘅「黒蜜きなこ抹茶フラッペ」,解暑一流,去開日本記住試吓嘞。

Read more ›

【新片速報】日本搞笑無臉男短片系列 踩滑板跑馬路超好笑

每日都會睇好多搞笑網片,不過今次呢個無臉男系列,真心覺得幾好笑。影片一開始見到無臉男踩滑板,慢動作本身已經好有喜感,不過重點係尾段,留返俾你慢慢睇。睇返佢嘅Twitter,之前呢個無臉男仲去過馬路邊惡搞,拍落唔少短片,入嚟有得慢慢睇,真心推介,好配合連放4日假嘅輕鬆心情呀!

Read more ›

【圖集】日本喵星人收埋手瞓覺系列 即時變波超可愛

即係好似我哋上堂瞓覺鍾意將對手撟埋再伏喺上面咁,喵星人都好鍾意呢個睡姿。有養喵嘅就知,佢哋好鍾意收埋對手(前腳)瞓覺,好淑女,有時仲會用個身遮住對手,睇落就好似變咗一個波咁,超可愛。日本2ch最就有人開咗個帖集中講呢樣嘢,跟住好多貓奴網民不停貼圖,原來2ch都真係聚集咗唔少貓奴!

Read more ›

再惡搞自由女神 隊啤噴止汗劑好free

TAKARA TOMY無厘頭扭蛋系列「熊貓的穴(パンダの穴)」上年都玩過自由女神像系列,又拱橋又S型坐地露大脾,反應好好,難怪今年再推出第二彈,今次自由女神像繼續好free,又擺hip hop姿勢yoyoyo,又當眾舉高胳肋底噴止汗劑,一式五款,每扭一次200円,個人認為上次玩得癲啲,不過作為fans,點都要儲齊一套,可惜發售日未定。

Read more ›

第一個男性企劃 Hello Kitty MEN 睇見都驚

Hello Kitty係貓定係人搞到滿城風雨,不過唔影響佢繼續搵銀,最新動作就係推出HELLO KITTY MEN(ハローキティメン)系列,男人係咪聽到都驚?如果你BB豬係KITTY粉絲,千祈唔好比佢知!今次為紀念貓哥40週年而設,同日本設計工作室nendo、設計師田部井美及石黑篤史(個名好特別)合作,第一個活動T恤展覽會喺噚日開始至9月16日,地點係東京阪急百貨男性館 HANKYU MEN’S TOKYO嘅 ,男士們,走呀!

Read more ›

Hello Kitty又食自己 驚嚇入廚系列變漢堡扒

RE-MENT一直都有推出Hello Kitty餐廳系列玩具,啱啱又公佈有新作,由Hello Kitty自己煮自己嘜頭嘅食物,感覺好恐怖。今次嘅美食有吉蒂貓漢堡扒、蛋包飯、咖啡、青bb嘅生菜Kitty等,總共有8款,粉絲煮齊一套是常識。為咗比啲驚喜大家,大廚Kitty今次多咗個鬍鬚比你自由配搭,叫做有少少驚喜啦。11月18日發售,每包賣399円。

Read more ›

星戰推出官方寵物系列 尤達大師Leia公主超得意

Star Wars系列睡衣、裕袍、cosplay衫,數得出可以著上身嘅都出過,不過寵物系列就好少見,今年初官方宣佈會同Petco合作推出寵物系列,反應好熱列,而家終於有得賣喇!個人認為尤達狗狗服同埋黑武士坐墊床必買,唔只狗仔有得加入星戰行列,貓仔都有得玩,Leia公主頭飾超搞笑,仲有極大量細細隻嘅玩具,價錢由港幣$40 – $150不等,身為星戰迷嘅貓主狗主真係好難忍手。

Read more ›