記得好耐以前香港都有啲街邊攤檔有伯伯用糖果整鸚鵡，氹到啲小朋友好開心。日本喺江戶年代開始都流行呢類手工藝品，「浅草飴細工」專門販賣呢啲精緻糖果，技師將90度熱溶嘅糖漿喺未凝固前幾分鐘雕出細緻嘅圖案，魚、八爪魚、龍‥‥‥全部都勁靚。喺淺草同晴空塔都有分店，下次見到可以買返件留念吓。

合味道杯麵出嘅糖，你敢唔敢試？有海鮮味、咖喱味、辣蕃茄味‥‥‥又咸又甜感覺怪怪哋。張相由官方喺Twitter放出嚟，網民即時狂share，有人話可以加粒落杯麵度加料。睇返佢哋twitter，之前仲post過杯麵潤脣膏，睇見都打冷震呀！不過其實日清杯麵成日都會post啲特別產品喺Twitter，不過多數都唔會推出嘅，都係玩吓啫。

不斷食糖取分，不斷買唔同裝備，買完裝備不斷強化自己，方便自己取更多分買多裝備，「Candy Rockets」遊戲精髓就係咁，唔算好好玩，但一玩又係停唔到手嗰隻，至少我係咁。