香港小朋友未必成日去捉蟲，但日本小朋友夏天就會去捉吓甲蟲嗰啲啦，咁呢個6月8日發售嘅「モンスターボール 虫カゴ」就啱晒主題喇，1,300円，如果唔捉蟲，仲可以用嚟做咩？

之前介紹過嘅超靚Pokémon透明精靈球最近宣佈推出第二彈嘞！睇圖見到車厘龜攤喺水面仲伸腳吐水，好可愛。透明精靈球入面有埋不同場景，超靚超精緻！今次每個精靈球入面仲有兩個角色，由日本RE-MENT推出，預計下年3月推出，一式六款，fans要留意。

如果有3D printer，真係好方便，而且網上咁多檔案可以免費下載，有排玩，仲有嘢好實用添。好似呢個精靈球咁，就可以放到好多任天堂Switch嘅遊戲，講真，細細塊好易唔見，咁樣就方便啦。

《Pokémon》嘅精靈球，之前都出過食玩套裝，最正係可以扣喺腰帶度，真係好有型呀！嚟緊就會有呢套「ポケットモンスター ボールコレクション SPECIAL02」，5,616円一套，即日官網收訂，下年1月發貨。

作為Pokemon嘅fans應該超想要呢幾粒精靈球。由日本RE-MENT推出，每個精靈球都係透明可以睇到入面嘅精靈，除咗唔同角色之外仲配埋場景，超靚！一共有6款，啱啱開始發售，除咗比卡超之外我最想要卡比獸，好可愛，好想儲齊一套呀。

呢把精靈球Pizza Cutter，當精品儲又唔錯。直徑4吋，1吋厚，打開直接用得，收藏亦容易，14.99美金。

可能鍾意比卡超嘅都開始到適婚年齡，繼早前比卡超同日本婚嫁雜誌《Zexy》推出結婚證書之後，仲有呢個精靈球戒指盒連戒指。打開個精靈球，入面就裝住一對婚戒，一對圖案仲可以合埋。淘寶有得代訂呢個盒，另外想買Pokemon婚介可以上ebay搵U-TREASURE，都有好多選擇。

Bandai之前都出過精靈球食玩，今次「ポケットモンスター ボールコレクション SPECIAL」就一套11款，7,020円，9月出貨。仲有，會有扣俾你扣個精靈球喺腰，真係人人都可以變智叔。

女仔嘅化妝品通常男仔都唔識欣賞，不過今次有世界共通語言「比卡超」，難怪盒cushion粉底可以喺Twitter被熱傳。有日本網民買咗佢返屋企，盒面嘅比卡超瞇晒眼超可愛，打開仲有驚喜，個粉撲居然係精靈球，好可愛。由TONY MOLY出品，想買嘅可以去日本Amazon睇睇，1190円，買嚟收藏都好。

經過《Pokémon Go》熱潮，o依家又玩緊《Pokémon太陽/月亮》，係咪好想要個精靈球內盡是生命？呢套Bandai出嘅食玩就好精緻，有「モンスターボール」、「スーパーボール」、「ハイパーボール」、「マスターボール」全4種類，入面有清涼菓子2g，500円。

呢個精靈球Poke Ball Terrarium應該每個訓練員都好想攡有一個，甚至幾個。難怪店主Lauren都話供不應求，做唔切。半透明嘅精靈球入面放咗唔同嘅精靈，比卡超、伊貝、啟暴龍、超夢夢‥‥‥超過30隻精靈，喺Etsy網店「TheVintageRealm」有得買，不過一放上網就火速賣晒。分三個呎吋，分別賣美金$20、$30同$45，靚成咁，送俾朋友做聖誕禮物一流。

呢段喺Twitter熱傳嘅片好好笑，就算無玩《Pokémon Go》都會睇得開心。段片將好多人日常生活嘅跣低、跌低、爆軚等尷尬場面，全部配返個精靈球入去，睇落好夾，仲感覺到精靈球嘅威力。掟得咁準，Level應該都好高吓啦。

玩得《Pokémon Go》最驚應該係電話無電，外國網Etsy嘅商舖MagicalSuperStore就設計咗呢個精靈球尿袋「Pokédex charger」，可以掛喺背囊、勾喺褲頭，簡直係身份嘅象徵。有5300mAH，夠叉兩次左右，$40美金唔算貴。既然未有得玩住，買住配備先囉。

噚日星期六，放假最啱玩《Pokémon Go》啦，咁啱啱開始有得玩嘅日本亦進入瘋狂狀態。有網民影咗名古屋鶴舞公園嘅盛況，現場勁多人好似大除夕咁，不過個個人都拎住部手機垂低頭，好有邪教feel。睇返衞星圖，原來鶴舞公園本身個設計好似精靈球，難怪喺《Pokémon Go》嘅地圖會見到呢個地方收藏咗大量精靈球。

《寵物小精靈》嘅精靈球真係有無限可能，之前介紹過超靚嘅水晶版，可惜未有得買，但係呢個會發光嘅款式，外國就有得買啦，價錢唔算貴，港幣300蚊左右就有，可以打開，但入面無比卡超只有一堆電池零件。總共出咗M1至M4四個款式，有啲齋發光，有啲有埋聲效，比多啲錢仲有埋震動功能，豐儉由人，仲有紅、藍、紫三款任揀。