呢把精靈球Pizza Cutter，當精品儲又唔錯。直徑4吋，1吋厚，打開直接用得，收藏亦容易，14.99美金。

中川翔子對於「搞笑」多年嚟都好堅持，最近有網民cap咗佢扮Pokemon精靈嘅圖，見佢照舊好盡力，照舊唔理自己儀容去到盡，連極難演繹嘅角色例如愛心魚同小火龍都扮到，係勁嘅。不過大家就唔係好明點解無啦啦多咗個炸豬排飯同牛丼‥‥‥

今次唔係老翻，而且日本網都有報道，就係呢對「Spirit E666」耳筒，靚唔靚聲呢啲唔知啦，但個造型就好正，係精靈耳呀！戴咗上去真係好靚，不過當然，亦都有可能係似小魔怪嘅，呢個要自己照鏡衡量吓先。賣99人仔，耳筒應該唔會爆嘅，抵玩。

呢位日本網民應該好鍾意Pokemon，佢話早幾日收割咗一個茄子，個茄子形狀好古怪，於是幫佢貼咗對眼，而家睇落好似新型嘅Pokemon精靈。有網民留這話：「根本係鰻魚」、「幫佢改名做『茄子鰻魚』」、「呢個應該係進化前嘅形態」。BTW，其實個樣都幾恐怖。