Post Tagged with: "精品"

香港海賊王餐廳聽日執笠 精品7折發售
by / on 31/12/2018 at 7:19 pm

香港海賊王餐廳聽日執笠 精品7折發售

唔知你打咗卡未,我就來不及朝聖已執笠,講緊嘅係「香港海賊王餐廳」,聽日即係2019年1月1日就正式結束營業。呢間《One Piece》主題餐廳,裝修佈置到烈陽號咁款,有路飛、娜美等9個角色1:1塑像,N咁多個打卡位,家陣要關門大吉,相信唔少Fans都感到可惜。散貨又好,回饋Fans又好,餐廳決定將指定香港限定精品7折出售喎。經過開嘅,咪撐撐場囉。

Read more ›

張君豪《港漫景搜》+精品一覽 Postcard市集限定
by / on 04/10/2018 at 10:30 pm

張君豪《港漫景搜》+精品一覽 Postcard市集限定

如無意外,我係會撐「格子巿集-香港三七面」嘅,為嘅係張君豪兄嘅《港漫景搜》畫集,而張君豪本尊亦喺面書登齊所有Product,留意番,Postcard係市集限定嘅,大家記得要撐。買完嘢,唔好忘記嗰張兩米八高巨型Backdrop,記得戙企影番張相,之後掟番張相上張君豪面書,以示鼓勵。

Read more ›
《龍貓》30週年推出大量精品     18隻跳舞龍貓有排儲
by / on 07/07/2018 at 7:04 am

《龍貓》30週年推出大量精品 18隻跳舞龍貓有排儲

唔經唔覺,原來今年已經係電影《龍貓》嘅30週年紀念。官方最新公佈咗有大量限定精品會喺月尾推出,其中最特別係右上角嘅1/18龍貓Stop Motion跳舞Figure,有齊18隻龍貓嘅唔同動作,拼合埋就係stop motion嘞。每隻賣1650円,如果買齊18隻仲會送多個大隻龍貓figure(!)。另外仲有32cm高嘅龍貓公仔、木框掛畫等等,入嚟有得睇,全部喺吉卜力嘅官方商店「どんぐり共和国」有得買。

Read more ›
【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。

Read more ›
Joan Cornella都玩「Just do it later」 系列精品有得買
by / on 25/09/2017 at 9:13 pm

Joan Cornella都玩「Just do it later」 系列精品有得買

或者你未必講得出佢個名,但Joan Cornella畫嘅四格漫畫你應該睇過,睇完亦應該笑過,傻傻戇戇嘅五官表情,兩粒豆豉眼加個烚熟狗頭式笑容係標記,內容盡係黑色幽默,寸盡世間事與人。唔知Joan Cornella嘅「Just do it later…」系列精品你有無興趣?雖然好多人都玩過「Just do it later…」呢句嘢,不過次次都令好多人有共鳴啦。Tee(24.95美金)、Mug(21.95美金)、衛衣(41.95美金)、Tote bag(21.95美金)、背包(24.95美金),全部都好正。

Read more ›
係愛呀!Fans自製精品送畀謝森龍異!
by / on 11/08/2017 at 7:45 pm

係愛呀!Fans自製精品送畀謝森龍異!

很想要吧?Sorry,呢三件精品係謝森龍異私人獨享嘅,係由三位熱情Fans親自製作畀佢嘅,Tote bag、水印同飾物,全皆出自佢簽繪嘅其中一個簡單自畫像。佢喺面相好搞笑咁留言:「好彩我個人有啲冷漠,如果唔係已經滾動到喊咗出嚟嘞……謝謝你哋呀!蝦?如果再接落去嘅話,下一個會唔會係……女讀者DlY謝森蛋糕呢?」女讀者收唔收到呀?

Read more ›

日本限定Hello Kitty x Wonder Woman 貓頭繼續有蝴蝶結
by / on 17/06/2017 at 10:51 am

日本限定Hello Kitty x Wonder Woman 貓頭繼續有蝴蝶結

Hello Kitty仲有乜嘢係唔可以crossover嘅?當大家覺得今年萬聖節將會全城都扮Wonder Woman,取代上年嘅小丑女時,Hello Kitty已經率先扮咗,仲要頭頂繼續保留返個招牌蝴蝶結。今次呢個crossover目的係宣傳8月25日先喺日本上映嘅《Wonder Woman》電影,由即日起喺日本訂飛就有機會得到Hello Kitty x Wonder Woman鎖匙扣,預計遲啲應該會有大量精品推出,去開日本嘅Kitty迷記住掃貨嘞。

Read more ›
《山海逆戰》出勾徹搪膠?網民熱烈討論!
by / on 25/02/2017 at 4:45 pm

《山海逆戰》出勾徹搪膠?網民熱烈討論!

早幾日,邱福龍喺面書登咗兩張圖,兼留言曰:「出搪膠?山海搪膠?買大送小!」《山海逆戰》出精品,我第一個舉腳贊成,網民亦熱烈討論──Patrick Yiu:「呢個主意唔錯吖,一個角色再配對一啲異獸品種!」、Wt Joe:「出搪膠最好同劉米高合作,實掂呀。」、Leo Li:「勾徹搪膠我鍾意呀!」、Simon Au:「出扭蛋!」Victor Wong甚至幫福龍諗埋發達大計:「或者係指頭公仔Size咁,用異獸蛋殼包裝的扭蛋設計,用雞蛋盒一打做Packing,過癮!配人物異獸Bio card,顯示人物異獸特性屬性,名為《山海Card》,做個簡單Card game,又可以多一個俾儲卡玩家玩的玩意呢。」聽落有得諗喎,福龍不妨妨考慮吓。至於我呢,就認為出勾徹搪膠無所謂,Q版亦可以,但千其唔好太簡化,即唔好一條線代表一對眼、畫個四方形又當係嘴,因為唔係好Suit《山海逆戰》咁精雕細琢嘅畫功,純個人意見,不喜勿插。

Read more ›
東京《美少女戰士》主題Cafe 又食又買瘋狂駛錢
by / on 03/06/2016 at 2:39 pm

東京《美少女戰士》主題Cafe 又食又買瘋狂駛錢

利申唔係《美少女戰士》迷,不過日本人就係有辦法將所有嘢都整到好吸引!之前同《美少女戰士》合作過嘅日本首飾品牌Q-pot,最近進一步喺佢哋東京嘅Q-pot Cafe推出《美少女戰士》甜品同特飲,全部靚到震,仲有大量手信例如杯、曲奇等俾粉絲買走,唔食嘢又可以去埋旁邊嘅Q-pot掃走埋新出嘅《美少女戰士》首飾,粉絲去到應該會瘋狂駛錢。

Read more ›
【唔捨得用】超靚《龍貓》精品相集 睇咗當買咗
by / on 22/11/2015 at 3:17 pm

【唔捨得用】超靚《龍貓》精品相集 睇咗當買咗

龍貓嘅精品真係好靚,無論係宮崎駿迷定貓奴(!)都好易中招,外國網站搵咗大量龍貓精品,全部都好靚,好多都係第一次見。除咗最爽皮嘅床舖之外,仲有耳筒、梳化、圍裙、BB衫、絲襪、戒指、冷帽,睇完好想買,不過臨近月尾,睇咗當買咗!

Read more ›
撐港漫 撐《有限人生無限愛》漫畫精品紀念Boxset
by / on 06/11/2015 at 10:00 pm

撐港漫 撐《有限人生無限愛》漫畫精品紀念Boxset

利申,呢套《有限人生無限愛》我都無睇,無計,唔講大話,齋睇戲名都覺得Old school,好難激得起入場意欲。但但但但但,真心畀足五個但,As一個港漫忠實讀者,呢套《有限人生無限愛》漫畫精品紀念Boxset,我覺得有必要撐,每套盛惠$688。係,六舊幾水感覺係有啲貴,不過Boxset內容著實豐富,淨係文嘉宏張漫畫版海報、廖光祖+梁偉家+司徒劍僑+戴慶賢繪製嘅演員肖像漫畫卡同邱福龍+鄭健和繪製嘅圖案卡,已經值回票價,我話嘅!

Read more ›

12吋麒麟寶劍開訂 一劍一卡一專刊$280
by / on 14/10/2015 at 8:45 pm

12吋麒麟寶劍開訂 一劍一卡一專刊$280

邱福龍又推出精品嘞,今次係12吋麒麟寶劍,將會隨第139期《鐵將縱橫》(11月5日出版)推出,分三個版本,分別為暗黑麒麟版、收藏限量版同至尊麒麟版,各附一張膠卡、包裝匣內夾藏寶圖、劍身電渡焗漆劍身、精緻寶珠逐粒人手裝嵌,各售$280。限量生產,有心收藏請盡快致電以下漫畫店落訂,報告完畢。

Read more ›
「辣婆婆」x「芒亨」 辣芝士味「東京遊戲展」有得試
by / on 11/09/2015 at 7:17 am

「辣婆婆」x「芒亨」 辣芝士味「東京遊戲展」有得試

鍾意食辣或者食薯片嘅,實有試過湖池屋嘅辣婆婆薯片啦?之前出過三倍辛辣版,但都唔夠今次驚喜,就係同《Monster Hunter X》合作嘞!一共推出兩隻新口味,一款係辣肉味(ホットミート味),另一款係濃厚芝士味(ヒーヒー濃厚チーズ味),辣肉味仲有4個唔同包裝,分別用咗4隻唔同嘅怪獸,平日嘅辣婆婆都換埋衫,好認真。個人比較想試芝士味,唔知又辣又芝士嘅感覺係點呢?9月17日至嘅「東京遊戲展」會率先有得賣,11月23日起全國開始發售,到時一邊打機一邊食辣婆婆,諗起都爽呀!

Read more ›
精品報價: R2-D2繼續斷  DIAPOLON你記得嗎?老人家!
by / on 19/04/2015 at 10:31 am

精品報價: R2-D2繼續斷 DIAPOLON你記得嗎?老人家!

個個星期行精品, 都係為咗隻R2-D2, 不過一直只返白兵同飛機仔, 訂極都冇貨, 個心開始有啲急了! 行過飾櫃見到有隻好嘢–DIAPOLON! 印象已經好模糊, 記憶中佢打交好似打欖球一樣……故事內容完全清零, 如果有網友記得啲, 講嚟聽吓! 現在接受預訂, $780一隻大膠, 貴唔貴!? 見人見智, 如果鍾意的話, 出面街依家都好難搵到佢嘅產品。

Read more ›
精品報價: AT-ST/TIE FIGHTER/STAR WINNING GUNDAM齊齊到貨
by / on 02/03/2015 at 1:03 am

精品報價: AT-ST/TIE FIGHTER/STAR WINNING GUNDAM齊齊到貨

今毎星期精品就正喇! 有STAR WARS嘅AT-ST到咗, 睇樣好簡單, 但你係估唔到咁多件囉, 差唔多同隻X-WING有得揮吓, 所以$158都算幾抵砌吓, 同步仲有白兵隻TIE FIGHTER到咗, 要買兩隻做護航機, 這是常識吧! 不過我覺得可以等吓, 希望會有落價嘅機會! AT-ST落價機會相對低啲, 始終佢嘅產品一直幾難搵吓!

Read more ›