fbpx

Post Tagged with: "粉絲"

日本粉絲自製   Miffy甜品「白玉團子」超可愛
by / on 02/07/2020 at 7:26 am

日本粉絲自製 Miffy甜品「白玉團子」超可愛

靚成咁真係唔捨得放入口,日本呢位Twitter用戶@panpun529好鍾意Miffy,成日將Miffy變成不同食品,最近作品有呢款沙灘丸子,好似Miffy喺沙灘曬緊日光浴,但其實係花生碎同埋丸子,好可愛,入嚟有得睇埋佢其他Miffy食品,全部都好高質。

Read more ›

荒木飛呂彦的名信片 JoJo粉絲25年前珍藏熱傳
by / on 08/06/2020 at 7:38 am

荒木飛呂彦的名信片 JoJo粉絲25年前珍藏熱傳

噚日係《ジョジョの奇妙な冒険》作者荒木飛呂彦嘅60歲生日,大家都繼續用佢習得「波紋」嘅不老樣貌嚟做話題(入嚟有回帶)。另一方面,有fans喺Twitter分享咗佢25年前收到嘅一張明信片,主角係第四部嘅「東方仗助」。當時高中嘅樓主好迷JoJo,於是寫咗佢人生第一封粉絲信俾老師荒木飛呂彦,仲有幸得到親筆簽名嘅明信片作為回信,好令人羨慕!佢仲話自己25年後已經變咗大叔,但老師依然無乜點變‥‥‥

Read more ›
「星爵」 囝囝鍾意「美國隊長」    由無奈到接受表情超搞笑
by / on 02/06/2019 at 12:42 pm

「星爵」 囝囝鍾意「美國隊長」 由無奈到接受表情超搞笑

  有留意嘅可能都知,星爵Chris Pratt嘅囝囝最鍾意嘅角色唔係佢,而係美國隊長,睇相見囝囝經常以美國隊長造型現身,而呢個好爸爸亦由無奈到欣然接受。BTW唔止係佢,唔少超級英雄都遭遇到「我個仔鍾意嘅角色唔係我」呢個問題,例如Iron Man個仔鍾意Spider-Man、飾演過蝙蝠俠同埋夜魔俠嘅賓艾佛力,仔仔鍾意嘅竟然係Superman,入嚟有回帶。BTW,好欣賞星爵Chris Pratt每次面對狗仔隊都好好笑容,EQ高人品又好,仲係個好爸爸,男神級數。

Read more ›
羽生結弦「偷拍相」    日本粉絲有戀愛感覺
by / on 01/03/2018 at 7:51 am

羽生結弦「偷拍相」 日本粉絲有戀愛感覺

直到今日,Twitter依然有大量羽生結弦嘅新聞,最新有呢個「帰国報告会」嘅相,之所以會熱傳,因為加咗個人嘅少少幻想。呢位fans喺人群之中偷影羽生,佢話感覺到羽生結弦望住自己,仲對住自己笑。配埋旁邊嘅黑影,真係幾易令人FF嘅,樓主仲放埋片俾大家一齊欣賞,大家都可以代入自己就係主角,係咪覺得好sweet?有網民仲話俾到佢戀愛嘅感覺!

Read more ›
日本水瀨仔握手會    只限20名粉絲參加
by / on 21/08/2017 at 7:43 am

日本水瀨仔握手會 只限20名粉絲參加

日本人好興舉行握手會,估唔到水瀨仔都有。最近有日本網民喺Twitter分享水瀨仔握手會嘅情況,喺透明箱入面嘅水瀨仔每日下晝4點半都會同20位粉絲握手,透明箱入面有個窿仔可以俾佢伸隻手出嚟。唔少網民留言話好可愛想參加,亦有人話咁做一啲都唔好玩,無考慮動物嘅感受。其實將水瀨仔困喺咁細嘅箱入面招呼人類,的確唔係幾人道‥‥‥

Read more ›
【圖集】肥美喵星人吸引大量「雞粉」    反肚擺甫士回饋支持者
by / on 24/03/2017 at 7:39 am

【圖集】肥美喵星人吸引大量「雞粉」 反肚擺甫士回饋支持者

喵星人一向多傾慕者,不過好似呢隻外國喵星人Scruffles咁,儲到一到忠實嘅雞fans就比較奇特。主人發現經常有班雞群會企喺玻璃門前望實隻貓,而隻貓好似習慣咗咁,為咗回饋班支持者,仲會間中轉甫士反吓肚。不過估唔到有一日,主人居然開咗度玻璃門‥‥‥

Read more ›

香港SMAP粉絲集資買九巴廣告 傳到日本熱烈討論
by / on 28/12/2016 at 7:29 am

香港SMAP粉絲集資買九巴廣告 傳到日本熱烈討論

SMAP解散好多人唔捨得,之前香港有fans集資喺九巴出咗個廣告,寫住「SMAP STAY」希望佢哋唔好解散,件事最近傳到去日本,有人放咗段日本嘅新聞報導上2ch討論,網民留言話:「等佢哋解散得安樂啲啦」、「果然無論邊個國家都有忠心嘅粉絲」、「真正嘅fans應該尊重佢哋本人嘅決定。」相信香港fans咁做都係對SMAP一個紀念啫。BTW,呢幾日網上好多人分享《SMAPxSMAP》節目最後一幕,睇完的確好心酸,入嚟有回帶。

Read more ›
日本女主播活動粉絲合照      網民:「好多禿頭同眼鏡。」
by / on 24/11/2016 at 7:01 am

日本女主播活動粉絲合照 網民:「好多禿頭同眼鏡。」

東京電視台嘅女主播好多都好可愛,仲儲落唔少fans,最近有網民放咗包括鷲見玲奈在內,合共3位女主播出席公開活動嘅合照上2ch討論,不過焦點唔係3位靚女主播,而係身後面班男fans們。有人留言話:「全部都係禿頭同戴眼鏡」、「心情覺得有啲悲傷」、「見到多啦A夢同ピコ太郎」、「咁多人之中都無一個靚仔」。BTW,粉紅色衫嗰位大叔嘅大肚腩,就好似漆黑中嘅螢火蟲一樣,另外中間點解有個叔叔瞓著咗?

Read more ›
日本女聲優開演唱會    360度舞台粉絲慘被攝入鏡
by / on 17/10/2016 at 7:12 am

日本女聲優開演唱會 360度舞台粉絲慘被攝入鏡

一見個標題唔係幾明,有「日本女聲優喺360度嘅舞台舉行演唱會」,有咩問題呢?撳入去睇先發現原來網民研究緊聲優後面啲樣。因為係4面台,後面嘅fans就被迫攝入鏡,有人留言話:「全部都係典型嘅宅男」、「戴眼鏡率好高」、「每個人都好似複製人」、「如果會俾人影到樣我寧願唔去」、「左下角嗰位似乎係好青年」,其實睇演唱會無端端俾人影咗上鏡真係好慘,下次都係開返3面台啦。

Read more ›
【新片速報】日本「欅坂46」見面會 粉絲衝欄被嘲似豬群
by / on 10/08/2016 at 7:12 am

【新片速報】日本「欅坂46」見面會 粉絲衝欄被嘲似豬群

秋元康創立嘅日本女子組合「欅坂46」越嚟越受歡迎,最近網上仲熱傳呢段影片,一班粉絲等緊出席「欅坂46」嘅活動,本來喺圍欄入面嘅佢哋,唔知點解突然向前衝,前面嘅保安員擋都擋唔住。段片放上日本2ch討論區後好多人談論,有人話佢哋好似想逃走嘅豬群、有人話諗起電影《World War Z》,不過最慘應該係班工作人員‥‥‥

Read more ›
【攻入喵界】日本溜冰選手「羽生結弦」    喵粉絲電視前追睇
by / on 17/12/2015 at 7:14 am

【攻入喵界】日本溜冰選手「羽生結弦」 喵粉絲電視前追睇

日本奧運金牌花式溜冰選手「羽生結弦」又型又鍾意Winnie the pooh又可愛又鍾意打《Monster Hunter》,仲只得21歲,邊有得輸?唔止囡囡鍾意佢,原來好多喵星人都係佢嘅忠實fans。日本最近好多人喺Twitter分享圖片,有圖有真相,好多喵星人都鍾意部喺部電視機前,好投入咁欣賞「羽生結弦」嘅溜冰表演,所以話,靚仔幾時都係有著數。

Read more ›

【預訂新招】 瘋狂《Fallout》粉絲    郵寄2千個樽蓋去Bethesda
by / on 19/06/2015 at 7:08 am

【預訂新招】 瘋狂《Fallout》粉絲 郵寄2千個樽蓋去Bethesda

有玩過《Fallout》都知汽水蓋係重要貨幣,最近E3官方確定新作《Fallout 4》11月10日推出,有位Imgur網名GatorMacheteJr嘅《Fallout》瘋狂fans居然寄咗一箱2240個樽蓋去遊戲公司Bethesda,目的係想優先預訂遊戲。原來佢喺網上見到有預訂,但貨幣方面寫住「Pre-War Dollars」,佢唔識計,所以決定將儲咗7年半嘅樽蓋寄過去,暫時Bethesda都未有回應,但有網民就話寄11磅出去,郵費都夠買隻遊戲,不過情懷呢啲嘢唔可以用錢衡量嘅。

Read more ›
《The Sims 4》粉絲開心share 自製美劇《Frineds》 角色
by / on 10/09/2014 at 7:10 am

《The Sims 4》粉絲開心share 自製美劇《Frineds》 角色

《The Sims 4》啱啱出咗,編輯Kali都唔爆頭改玩人仔,睇佢都係諗盡詭計殺人放火。外國網友IanRoach就好有心機,將佢好鍾意嘅美劇《Frineds》場景放入《The Sims 4》,由主題場景Central Perk以至每個角色嘅住所都有份,好detail。佢嘅傑作其他玩家都可以下載,喺《The Sims 4》嘅Gallery搜尋「ian8000」就見到。

Read more ›
神級Star Wars玩具相   似足電影劇照
by / on 28/02/2014 at 7:13 am

神級Star Wars玩具相 似足電影劇照

Star Wars粉絲影嘅玩具相睇唔少,不過今次呢輯好高水準,有幾張我仲以為係電影劇照,勁在燈光場景全部一絲不苟,十足電影入面嘅場景,好易被佢呃倒。攝影師叫Carlos Sisis,flckr戶口入面有好多靚相睇,除咗星戰仲有LEGO、超音鼠同埋初音‥‥‥

Read more ›
Instagram潮狗大熱   17萬粉絲追星
by / on 21/11/2013 at 8:51 am

Instagram潮狗大熱 17萬粉絲追星

今時今日作為金牌經理人,捧紅一隻貓仔狗仔分分鐘容易過捧紅一個人,你睇尖東忌廉哥就知。最近喺Instagram識咗另一位動物界當紅偶像,佢叫Trotter,有17萬粉絲追踪,閒閒哋一張相都幾千至一萬個like,賣點係咩?就係超爆造型。主打hip hop路線,主人兼經理人Sonya Yu話出街經常有人認得Trotter然後好鬼興奮,十足名人一樣。講真,佢嘅造型真係悉心經營,抵佢咁紅嘅。

Read more ›