米奇又露兩手了，今次畫嘅係到家陣我都仲未睇到大結局嘅《鬼滅之刃》煉獄杏壽郎，大眼Q版風格，係咪畫得好靚先？畀啲掌聲Please。

來到第四彈了，米奇《盤天妖記》系列貼紙出到最尾一彈了，今次照舊一套八張，有紅孩兒、白骨精、蚩尤、刑天、蓐收、句芒、祝融同共工，每套$300，12月26日「膠易廣場」有售。報告完畢。

厲害了米奇的Fans，此Fans名Koma Wong，將小奇創作嘅機械人畫作印製成立體閃卡，搞到米奇鬼咁開心。由於閃卡實在係靚嘅關係，其他網友即留言問有無得賣，米奇話可以PM番Koma問吓喎。

唔算米奇老鼠死忠Fans，但作為Lego迷，如果有人送呢副Mickey Mouse & Minnie Mouse（43179）畀我，我還是會很開心啲。今次玩復古，米奇同米妮身高約35cm，各有菲林造型底板保證企得穩，配件有舊相機、相簿、Ukulele同花束等等，都幾吸睛嘅。留意番，7月1日開售。

米奇《盤天妖記》系列貼紙嚟到第三彈，一套包超級盤古、十字架女媧、伏羲氏、女媧氏+伏羲氏、觀世音菩薩、九尾狐、蜘蛛精同鐵扇公主八張貼紙，每套$300。限量50套，有買趁手。

米奇有新出品，貼紙是也，懷舊味濃，作為精品儲唔錯。3套共12張售$40，抵玩，大家唔會唔支持吓？

又開班嘞，今次重量級導師多咗一位，除馬學偉、米奇同葉偉青外，司徒劍僑都決定落場露兩手。而主題呢，就係「動漫‧特撮畫風聚」，大家有心學嘢嘅，快啲報名喇。

又有港漫人開畫班喇，今次導師有馬學偉、米奇同葉偉青，主題係「特撮畫風」，教畫風同上色技巧，此所謂「畫風聚，著色技」也。張宣傳海報都已經靚到啪啪聲，到時有真人教學肯定更精采，手痕未？手痕就PM佢哋喇。

  呢件事發生喺美國Orlando Disney World。話說呢位戴住米奇老帽嘅朋友，見到米妮嘅時候就下跪求婚，之後再同米妮嚟咗個擁抱，情境相當之sweet……但就喺呢個時候，米妮發現有對眼一直望住佢哋，而呢對眼就係米奇老鼠嘅。之後尷尬嘅米妮唔知點算，而求婚嘅朋友就算講對唔住都冇用，米奇最後仲向佢做咗個動作，意思係話佢一直睇住吖，還是……條片放咗喺Twitter兩日已經有20萬個likes啦！

聽講話喺迪士尼唔會同時見到兩隻米奇老，又唔會同時見到兩個灰姑娘，因為夢幻得嚟真實啲。估唔到係職員們遇到客人嘅提問都答得咁夢幻。有日本網民話記得當時見到隻蛋時就問點解係米奇老鼠樣，當時有人答佢話喺卡通世界嘅蛋都係咁……實際呢，網上有人教你喺屋企都整到。算啦，去得玩投入啲嘛。

今年書展，有一本書我係必買嘅，就係Eric Ng、Pen So同曹志豪擔頭嘅《七十二行》，唔使多介紹，淨係掟一咋參與畫手個大名出嚟，我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男，主題當然係香港老行業，仲有文字介紹作補完，估計應該好襟睇吓。家陣封面曝光，型到一個點，唔買係你損失，我話嘅。

好早知道大好人Eric Ng會聯同曹志豪推出《七十二行》實體畫集，畫集會喺書展出版，有三十幾個畫手參與，另有四十幾幅插圖，會集畫、相同文字於一身，我係好拭目以待嘅。書展未到，畫集未有得睇，但可以睇住面書版迷你「七十二大圖集」先，Eric Ng力邀眾畫手用Q版畫香港老行業，每星期Share十張畀大家欣賞。靚畫固然好睇，睇完，你又估唔估到畫緊乜老行業？

TVB播緊《射鵰英雄傳》，好多人包括我都覺得飾演黃蓉嘅李一桐好靚，計我話飾演穆念慈嘅孟子義都唔差。此劇成為話題作，搞到連米奇都作畫一幅，以佢最擅長嘅Q版化畫風，好郭靖加俏黃蓉效果非常OK，值得Save as wallpaper，強烈建議米奇晝多二三十個《射鵰英雄傳》人物，楊康、江南七怪、全真七子、東邪西毒、南帝北丐……畫夠數咯，咪出畫集囉，諗吓都興奮呀喂。

死喇，好Out呀，身邊人係咁劇透，我既搭唔到嘴，又唔知應唔應該轉身離開好，咁點算呀？如果你同我都一樣，仲未有時間親身入戲院睇《異形：聖約》，咁不如睇住畫作先喇，邱福龍喺《山海逆戰》已經登過兩幅，仲有一幅依家開心Share，仲有米奇、WaiMan Tsang同廖光祖，加埋最新鮮滾熱辣嘅謝森龍異嘅「無聊一畫」，足夠止住癮先。

一呼百應！之前介紹過嘅「愛不罕見-Love is all around」面書專頁，大家Like咗未？為令患雷特氏症嘅小朋友重現歡顏，港漫人紛紛贈畫鼓勵，如此有愛心嘅善舉，家陣越來越多人參與。都係嗰句，睇完靚畫，唔該畀番個Like，真心Mode，希望小朋友們早日康復。