Post Tagged with: "簽名會"

何志文取消動漫節簽名會 500%大龍飛舞公仔打卡
by / on 23/07/2019 at 9:05 pm

何志文取消動漫節簽名會 500%大龍飛舞公仔打卡

有少少Sad,因為「時間上安排有所改動」,所以何志文取消7月27日動漫節簽名會,不過都可以放心,佢事前會簽好晒99張《波動少女天若》畫板,依舊購物滿$700即送一張。另,屆時,攤位會擺放500%大龍飛舞公仔,大家記得打卡呀。

Read more ›

馮志明搞簽名會 經典重現《刀劍笑》出修訂本
by / on 28/06/2019 at 8:45 pm

馮志明搞簽名會 經典重現《刀劍笑》出修訂本

各港漫迷又有機會見偶像馮志明了,事關頭一至十期《刀劍笑》會推出精美修訂本,全書超過300頁,每本$110。為此,馮志明會現身「收藏家港漫專區」出席新書簽名會,大家記得捧場。港漫老例,同一本書總會出多個特別版,今次都唔例外,會推出硬皮豪華版,每本$150,限量150本要搶架!

Read more ›
王澤書展搞簽名會 有售30冊《老夫子大全集》
by / on 27/06/2018 at 9:45 pm

王澤書展搞簽名會 有售30冊《老夫子大全集》

2018書展,《老夫子》作者王澤會親臨灣仔會議展覽中心搞簽名會,屆時攤位會出售成套30冊嘅《老夫子大全集》,想搵王澤簽名影相,記得Mark低7月21日,嗰日咪約人喇。

Read more ›
《戇男筆記‧港漫200人》大賣 戇男至Goal Club搞簽名會
by / on 01/06/2018 at 3:27 pm

《戇男筆記‧港漫200人》大賣 戇男至Goal Club搞簽名會

突發!鑑於《戇男筆記‧港漫200人》實在太過好賣,戇男決定今晚7:30pm到「至Goal Club」搞番個小型簽名會。想同偶像合影,想攞親筆簽名,想同其他港漫迷交流,唔該準時到達。留意番,「至Goal Club」依家有現貨賣,256頁,每本$200,有買趁手,我都未買,睇怕呢個禮拜六都要去信和走番轉。

Read more ›
《暗黑指紋》第二期不日出版 搞簽名會同首賣日
by / on 16/04/2018 at 10:21 pm

《暗黑指紋》第二期不日出版 搞簽名會同首賣日

係開心嘅,係好值得畀啲掌聲嘅,本地創作從來唔係易事,有創刊號已經難,出到第二期,難上加難。《暗黑指紋》鐵定會出第二期,仲打算開簽名會加首賣日添。日期定喺4月29日,時間地點未知。我呢,買就買梗架喇,不過畢竟相距創號刊已經好一段時間,要翻睇番,先接得番故事講乜。Anyway,請大家多多支持。

Read more ›
阿塗書展出《圖解廣東話Cantonese.jpg》 留意簽名會
by / on 21/07/2017 at 10:00 am

阿塗書展出《圖解廣東話Cantonese.jpg》 留意簽名會

阿塗啲公仔不嬲Cute,估唔到連書名都改得咁過癮,今年書展佢有新書出,名為《圖解廣東話Cantonese.jpg》,連「jpeg」都用埋,好諗頭呀。書名OK嘞,咁內容呢?佢面書有內容簡介曰:「本書以插圖為要,附以中英註解,九淺一深,全宇宙首本七彩伊士曼粵語研習繪本!以漫畫人視角,為大家揭開廣東話俚語、諺語、歇後語 ……之神秘面紗。」一樣咁抵死啜核。想搵佢簽名嘅,唔該記得以下日期及時間──今晚周五8:00pm至9:00pm、聽日周六5:00pm至6:00pm,報告完畢。

Read more ›

《暗黑指紋》搞首賣簽名會 出埋Postcard
by / on 27/06/2017 at 10:09 pm

《暗黑指紋》搞首賣簽名會 出埋Postcard

好事好事,越搞越大壇,越搞越聲勢浩大,《暗黑指紋》鐵定6月30日見街,會隆重其事搞埋首日發售簽名會。除咗齋書,亦有Package畀大家選擇,漫畫加4張Postcard盛惠$58,齋買12張Postcard盛惠一條紅衫魚,時間係晚上七點至十點,啱啱好一收工可以捧場。真心Mode,希望大家可以欣賞四位作者嘅熱血,多多支持。

Read more ›
Felix Ip《香港感染‧旺角站》 4月8日搞簽名會
by / on 07/04/2017 at 2:57 pm

Felix Ip《香港感染‧旺角站》 4月8日搞簽名會

拿拿拿,有相為證,我真係真金白銀撐Felix Ip架,之所以嚟緊喺開益時店舉行嘅《香港感染‧旺角站》簽名會,我應該唔會去咯,但未買書的你你你與你就好應該捧捧場,事關當日喺書店買書,即可與Felix Ip簽名影相。喂,簽名要派籌架,派完就無,早啲到場呀未買書的你你你與你。

Read more ›
《大漫畫》簽名會 加推尊貴版同收藏版
by / on 19/09/2016 at 2:00 pm

《大漫畫》簽名會 加推尊貴版同收藏版

之前報導過話上官小威會重新推出馬榮成《大漫畫》,估唔到越搞越大,10月8日有埋簽名會,都好隆重其事喎!地點一如以往係「港漫收藏家專區」,屆時有份客串《大漫畫》嘅上官小威、馮志明、謝志榮、鄧本邦都會出席,幫大家親筆簽名同影相留念。除咗普通版,仲會即場售賣兩個特別版,分別係一,三書三版尊貴版,限量40套每套$400;二,三書一版一卡收藏版,限量40套每套$200,Fans記得習低日子,預留時間,下晝唔好約人喇。

Read more ›
《金魚街的貓》送貼紙 廖光祖7月24日書展搞簽名會
by / on 19/07/2016 at 9:30 am

《金魚街的貓》送貼紙 廖光祖7月24日書展搞簽名會

唔知你哋Like唔Like廖光祖《金魚街的貓》,但呢本四格漫畫已屬我書展必掃清單其中一個Item,家陣加送四張貼紙,唔知又會唔會增加你哋嘅購買慾,每本$78?另,廖光祖將於7月24日現身書展搞簽名會,時間係2:30pm,有興趣同佢影番張合照嘅朋友,千其咪遲到呀。

Read more ›
馮志明聽日開簽名會 《手繪畫集2016》優先發售
by / on 08/07/2016 at 9:45 pm

馮志明聽日開簽名會 《手繪畫集2016》優先發售

天文台好似話聽日行雷閃電,但就算幾橫風橫雨都好,都應該影響唔到我走一轉信和嘅決心,事關馮志明本《手繪畫集2016》聽日正式開賣,仲喺「收藏家港漫專區」搞咗個簽名會,大家想搵佢嫩人家簽名影相的話,唔該準時出席喇。另,《手繪畫集2016》分飛驚版同霸刀版,各售$160,即場購買畫集即送多個File畀你,開心!

Read more ›

司徒劍僑簽名會 買《神兵鬥者》攞簽名
by / on 11/09/2015 at 10:30 am

司徒劍僑簽名會 買《神兵鬥者》攞簽名

如無意外,《神兵鬥者》第二期已經喺擒日見街,如果未買嘅,而今日又有空的話,不妨直接上「至Goal Club」買書,事關今日傍晚6:00pm至7:00pm,司徒劍僑會親臨書屋搞簽名會,名額100個,要攞籌,先到先得,即買書即簽名。我貪心啲,除要求合照外,仲會意圖或企圖跪求司徒劍僑畫個小小親筆畫,希望佢唔會婉拒我喇。

Read more ›
搵主筆影相 漫道Battle漫畫家簽名會
by / on 16/07/2015 at 2:00 pm

搵主筆影相 漫道Battle漫畫家簽名會

一年一度又書展,《漫道Battle》今年都有份參與,仲搞咗個漫畫家簽名會造勢添,好事吖,多啲同讀者互動,港漫先可以繼續生存落去吖嘛。記住日期時間,7月19日1:00pm至2:30pm,畫〈香港關機〉嘅曹志豪、畫〈叮噹〉嘅林祥焜、畫〈不是人間〉嘅謝森龍異同畫〈Robox Sketchbook〉嘅葉偉青會留守現場同讀者簽名,如果閣下係佢哋Fans,攞完簽名之後記得影番張靚相喇。

Read more ›
收工去開益 葉偉青辦《武道狂之詩》簽名會
by / on 26/03/2015 at 9:30 am

收工去開益 葉偉青辦《武道狂之詩》簽名會

唉,真係唔知點講好,《武道狂之詩》不論小說版定漫畫版,都硬係好似不定期出版咁嘅,要知道不定期刊係連載故事死症,隔N輪先出一期半期,上一期內容都唔記得,叫死忠港漫迷如我又點追番落去呢?點都好,《武道狂之詩》第14期漫畫版剛剛出版,今日下晝六點,葉偉青會喺銅鑼灣開益書店開簽名會,各位收工記得落去捧場,順便交帶葉偉青一聲:「畫快手啲好喎,老友!」

Read more ›
老劍簽名會 準時撐場
by / on 11/07/2013 at 11:50 am

老劍簽名會 準時撐場

俾著往年呢個時候,各漫畫公司嘅宣傳已經鋪天蓋地,但今年動漫節好似無乜氣氛。Anyway,作為死忠熱血港漫Fans,動漫節點都要撐一撐場,搵主筆簽番個親筆簽名都好吖。

Read more ›