雖然個概念有啲劣，不過完成品睇落又幾唔錯。日本有網民分享咗呢個杯麵炒飯食譜，將啲杯麵放入密實袋壓碎，之後倒返入杯加水焗熟，同一時間落雞蛋炒飯，差唔多炒起時加埋杯麵碎入去一齊炒，炒至乾身就食得。樓主話完成品又簡單又美味，杯麵fans有無興趣挑戰吓？

呢類型嘅生活小知識片成日見到，不過今次講嘅4個小知識我都無睇過，而且幾實用。其中烘燶多士同煮飯煮得太爛大家都試得多，估唔到咁易解決，下次試吓先！

又到食桃嘅季節，網上之前都流傳過好多切桃嘅方法，最近有日本網民話喺農家到學到新方法，將個桃打橫切開，然後再切一瓣瓣‥‥‥睇落好易就可以去到皮，下次試吓先！

成日低頭撳手機，雙下巴自自然然就會出現，同肚腩一樣好難減。最近日本Twitter熱傳呢段片，電視節目教大家做一個超間單嘅動作，雙手托住後頸，之後緩緩低頭，定實幾秒，每日做三次，聲稱兩星期就睇到成效，仲有真人實證圖，快啲拎住部電話一齊試吓！

一直好少放食譜，不過今次呢個實在太邪惡，又芝士又薯仔，絕對唔可以只有我見到！日本「Tasty Japan」經常拍片教煮食，今次呢個好簡單，5個薯仔切片，之後舖薯仔舖火腿舖芝士，重覆以上步驟，最後灑少少香草，再加啲忌廉然後放入焗爐，完成品邪惡度爆燈，最重要係啲芝士咇晒出嚟，太過份！今晚要試吓！BTW，呢個「Tasty Japan」有超多食譜，全部都好吸引，慎入。