Tag: 秘技

外國網民分享影相秘技 大鏡反射電腦當背景

外國網民分享影相秘技 大鏡反射電腦當背景

影相好多時要搵個靚背景,外國專教化妝嘅網紅make.up.chicks就分享咗個技巧,之後有日本網民分享埋去Twitter,方法好簡單,只需要一部手提電腦、一塊鏡就得。將電腦搵到嘅背景透過鏡做反射,想影嘅物品只要放喺鏡上面就得,完成品好靚,不過影嘅物品就唔可以太大件,或者要搵塊大啲嘅鏡先得嘞。

Read more ›

日本插畫家分享「貓駕駛執照」    拍攝證件相有秘技

日本插畫家分享「貓駕駛執照」 拍攝證件相有秘技

日本插畫家Tomoaki Kubo專畫貓漫,最近佢喺Twitter出咗張圖引嚟好多貓奴回圖。話說佢幫隻喵整咗張「運転免許証」,即係日本嘅駕駛執照啦,不過相中嘅喵星人個樣好認真好乖,佢就透露建議大家可以喺喵星人去廁所嘅時候拍攝,之後引嚟好多貓奴出圖回應,出賣主子!不過每張圖都真係影得好好,超搞笑。

Read more ›
日本網民分享「紙膠帶」秘技 切斷方法又快又整齊

日本網民分享「紙膠帶」秘技 切斷方法又快又整齊

好多朋友儲埋唔少紙膠帶masking tape,原來使用上有啲小秘訣,最近有日本網分享咗。原來切開斷口位時,只要用呢個方法,就可以切得又快又齊整,下次再用仲好方便,得閒可以試吓。

Read more ›
日本網民秘技分享 生雞蛋撈飯食要跟次序

日本網民秘技分享 生雞蛋撈飯食要跟次序

日本人好鍾意用生雞蛋撈飯食,不過原來中間都有啲奧秘,最近有網民就喺Twitter分享,話落醬油嘅次序都好重要。首先要將飯同醬油混合,之後先淋上雞蛋,咁樣先可以順序食到雞蛋-> 醬油-> 米飯嘅不同味道,好考究!佢仲強調如果就咁將醬油同雞蛋混合然後撈上啲飯度會好唔同,再睇返佢其他分享過嘅完成品食物相,似乎真係識煮嘢唔係亂咁講喎。

Read more ›
【有片】紙箱變長秘技 超實用知識日本Twitter熱傳

【有片】紙箱變長秘技 超實用知識日本Twitter熱傳

網上經常都有啲小知識嘅短片,今次呢個好實用,仲幾神奇。大家有無試過想放嘢入紙皮箱,但發現個箱唔夠長?有日本網民就分享,原來每邊界幾刀,個紙箱就可以變長,好實用,入嚟有片睇。

Read more ›
【有片】剝雞蛋殼秘技 加片檸檬超易剝日本Twitter熱傳

【有片】剝雞蛋殼秘技 加片檸檬超易剝日本Twitter熱傳

剝雞蛋殼有好多技巧,最近日本Twitter熱傳呢段短片,睇落好方便,一次過可以好快剝晒大量雞蛋殼。秘技就係煲嘅時候加片檸檬,原來檸檬釋放嘅檸檬酸可以軟化雞蛋殼,之後就會超容易剝殼,下次試吓先!

Read more ›

【新片速報】唔怕滾瀉嘢 日本網民分享秘技Twitter熱傳

【新片速報】唔怕滾瀉嘢 日本網民分享秘技Twitter熱傳

有無試過用呢招?煲嘢最怕滾瀉抹餐死,有網民就分享呢招秘訣,放對筷子喺煲頂,啲泡泡就唔會瀉出嚟。段片喺Twitter好多人RT,不過有人質疑咁樣會唔會燒燶對筷子,亦有人分享話只可以維持一段時間,耐咗都係會瀉出嚟,唔信可以親身試吓。

Read more ›
【新片速報】倒瀉豉油落地毯 日本網民分享神奇秘技

【新片速報】倒瀉豉油落地毯 日本網民分享神奇秘技

唔覺意倒瀉豉油落地毯點算好?日本有網民分享咗個秘技。首先用紙巾吸走啲豉油,之後加啲水,再放條毛巾喺面,然後隔住毛巾用吸塵機吸,效果好神奇!快啲分享俾身邊嘅輪盡鬼,或者今晚返屋企試吓?

Read more ›
日本網民分享秘技 自製手機wallpaper水滴

日本網民分享秘技 自製手機wallpaper水滴

日本有網民分享咗秘技,自製手機wallpaper仲要有文青feel,而家喺Twitter好多人RT。首先將張黑白風景相模糊化,然後複製個背景再180度旋轉,之後再模糊化個邊,最後就變成一粒粒水滴,超靚!

Read more ›
【新片速報】銀杏葉變蝴蝶 日本網民自創秘技

【新片速報】銀杏葉變蝴蝶 日本網民自創秘技

イチョウの葉即係銀杏嘅葉啦,喺日本好常見,最近有日本網民就發現可以將佢變成一隻蝴蝶喎,簡單幾個步驟就得,而且完成品超靚,真嘅一樣!難怪段片喺Twitter咁多人RT,入嚟有得慢慢睇。

Read more ›

【有片】日本網上流傳 自動飲品機中獎秘技曝光

  日本買飲品,螢光幕出現同樣數字就中獎啦,可以撳多樣嘢飲。之前有人試過買晒成部飲品機嘅飲品睇吓可以中到幾多次,不過今次就唔係呢樣,而係網上流傳有一個秘技係實中嘅,就係先入錢,再撳番啲錢出嚟,之後撳三下你想買嘅飲品個掣,再入錢買嗰樣飲品就得,有片喎,咁其他網民就梗係又去試啦,結果入嚟睇,好多片,到底係咪騙案呢……?

Read more ›

【新片速報】日本高手示範畫玫瑰 神奇秘技Twitter熱傳

  睇完好有衝動想試吓!日本最近有高手示範畫玫瑰,原來有秘訣。段片喺Twitter熱傳,先上咗紅色顏料,然後上綠色,最後用指甲刮幾刮,出嚟嘅效果超高質,係隻手污糟啲唧。

Read more ›
【男人的浪漫】新片速報   開啤酒秘技靠間尺

【男人的浪漫】新片速報 開啤酒秘技靠間尺

男人的浪漫,有時候就係咁簡單。啱啱睇到條YouTube片,片中人做咗個實驗,就係一次過同一時間開5個啤酒樽蓋,靠嘅道具就係5把間尺,5個男人一人一隻手撳實支啤酒,間尺呈星形擺法,一撳,噗!5個樽蓋一齊打開晒,之後幾個男人又大叫又cheers,好high好浪漫!我都想試吓,如果有人陪我玩嘅話。

Read more ›
新片速報 《Bloodborne》無限強化秘技 升呢變無雙

新片速報 《Bloodborne》無限強化秘技 升呢變無雙

PS4《Bloodborne》毒性超強,強到令人成日想儲嘢升Level,今次唔夠打,下次又再挑過!仲要努力練習「槍反」呀!嗱,如果有秘技可以無限血輪迴,即係無限升Level,我覺得係唔好玩嘅,不過我唔排除有繁忙嘅都市人,為求目的不擇手段,如果你係其中一個,入嚟睇片,狂升呢之後,係咪可以當佢好似無雙咁玩?

Read more ›

新片速報 求生秘技 徒手切斷繩

我仲未諗倒有咩時候需要用到佢,不過學定嚟傍身都無壞吖。呢條片教大家喺緊急又無工具嘅情況吓,點樣徒手整斷條繩。成功需苦幹,當然唔會好似變魔術咁突然斷開啦,但係睇落其實又唔算難,示範嘅YouTube頻道仲挑戰難度試埋切開極粗嘅膠繩,一樣搞得掂,有無興趣今晚試試?

Read more ›