Tag: 秋葉原

國產手機威過秋葉原 細細兜藍芽耳機電話

國產手機威到過日本腦場! 呢部「耳旁Phone F1」剛剛到咗日本秋葉原, 即刻比嗰邊嘅腦記廣為報導, 冇計! 只係一部藍芽耳機咁大嘅電話, 又真係幾搞鬼!

Read more ›

下周一秋葉原Gundam EXPO 出5隻透明電鍍版會場限定模型

    嚟緊下星期一、一連4日, 又到 ガンプラEXPOワールドツアージャパン2013, 今次又係喺東京・秋葉原UDX AKIBA_SQUARE舉行, 詳細有乜嘢睇就未知, 不過EXPO限定版模型就公開晒喇! 裏面最靚仔係隻磨沙透明版RG Z Gundam, 開3,000円

Read more ›

秋葉原痛車展 全車拉花大包圍

  到今日! 我都仲見到藤原豆腐自家用……我知係好好睇, 我都想做拓海, 但已經只可以列入「愛在心裏系列」! 冇咗張貼紙你唔知點算好!? 驚做唔成人? OK! 日本「秋葉原UDX駐車場」噚晚啱啱搞咗個「痛Gふぇすた」, 究竟依家嘅痛車應該點拉花, 下面有過100張相過你睇, 真心! HI-ACE最多空位貼相、非常搶眼, 而且左右一樣圖案, 一邊黑白稿、一邊玩彩稿, 各有味道; 黃色嘅鈴木都好正、好鬼馬, 個人都好想整返部。死啦! 點解揀親都係MK車款嘅!?

Read more ›

新片速報 秋葉原掃貨!《Pacific Rim》導演決戰巴魯坦!

呢套《Pacific Rim》玩機械人打怪獸,導演Guillermo del Toro都講明有參考日本動畫作品!香港機械人迷睇完啦,日本就啱啱早幾日8月9日先上映,而導演就去咗日本宣傳,實際朝聖……有日本電視台就帶咗佢去秋葉原Shopping,買咗3萬幾円玩具……之後仲安排咗外星怪獸之王宇宙忍者巴魯坦星人到場,興奮到佢!另外,喺日本官方Twitter仲post咗佢買咗劇場版《魔法少女まどか☆マギカ》嘅相,唔通佢諗住拍荷李活真人版!?

Read more ›

痛車聖地 秋葉原UDX地下停車場 大量痛車全記錄

日本多痛車,秋葉原更多。秋葉原更加有個聖地可能我哋去旅行都未必會入到去,就係秋葉原UDX地下停車場。可能好多痛車主都會揸自己嘅座駕去到秋葉原睇嘢買嘢,於是呢個地下停車場每逢假日都會泊滿唔同動漫人物嘅痛車。場內仲有攝影師專門記錄呢啲超勁痛車,加埋主攻痛車市場嘅洗車服務,絕對係秋葉原地下聖地!入面有Link入去停車場相集網站,超大量痛車圖慢慢睇!

Read more ›

新片速報 秋葉原限定 電鬚刨都賣萌

人類已經阻止唔到日本人將任何嘢萌化。最新就係呢個Izumi出嘅「萌えパッケージシェーバー MOFR-V50」電鬚刨秋葉原限定版。賣7,000円、6月1日開賣、限定600個都唔係最大賣點,最勁係佢製作咗個超萌動畫角色「松本イズミ」,仲拍咗條宣傳片,我以後剃鬚都會好high喇咁。

Read more ›

獵奇影片 秋葉原新玩法 Cosplay租車揸 2,500円/小時 有車牌就玩得

去秋葉原都係買電子產品動漫玩具,仲有打個機食個天丼囉,仲有咩玩?最新就見到有呢個「Akiba Cart」,只要你有日本車牌或者國際車牌就可以租,2,500円一個小時,唔駛戴頭盔自由自由喺路上飛馳。佢最高速可以去到50km/h,而且入滿油可以行到80km,揸遠啲玩都得喎!呢種玩法仲引嚟一班Coser租車遊秋葉原,而早兩日官方仲搵嚟幾巨乳Cosplayer宣傳,風馳電制真係令人目不暇給,有新聞片段睇番。下次去秋葉原,真係要試吓玩!如果cos Mario大叔仲正!

Read more ›

秋葉原美甲店 動漫迷玩「痛甲」

日本興水晶甲就興咗好耐,可以喺上面畫花花,甚至黐啲立體嘅圖案。而上年12月喺秋葉原就有一間美甲店開咗,仲提供動漫美甲服務,你可以將動漫人物好似《Evangelion》嘅主角、《美少女戰士》等畫喺指甲上面,冇嘢嘅,又冇話淨係女仔先可以整。

Read more ›

日本鉄道café特集 乘務員靚女捧餐

去親日本都去Maid Café真係有啲悶。下次去開日本,不如去鉄道café探險啦。今次介紹嘅兩間鉄道主題居酒屋,唔係電車男都去得。先講位於秋葉原附近嘅LittleTGV,店主係電車迷,店內擺放大量佢親手製作嘅鉄道模型,座位仿真實鉄道卡位,最吸引係有cosplay乘務員嘅靚女捧餐,噢!另一間東京都嘅Kiha-sake,無靚女,只得打扮成鉄道車長嘅店長‥‥‥賣嘅係原始風格,食嘅係杯麵罐頭呢類即食食品,facebook仲有飲醉酒瞓喺車廂座椅嘅真實顧客,好寫實呀!

Read more ›

新片速報 秋葉原「陪瞓屋」跟進報導 日本記者親身試

上星期報導過日本陪瞓 (添い寝)店繼秋葉原第1店喺9月開幕後,喺新宿開咗第2分店,仲提供新服務「尻枕」,俾用家將個頭枕喺囡囡屁股上面瞓,每分鐘要1,000円。日本就有個戴住摔角手頭套成隻嘰嘰咁嘅記者再一次親身去秋葉原店試過,拍埋片,繼第一集(入嚟有得睇)佢好識食地要求囡囡換上體育制服,之後仲試咗唔同服務,包括拖手瞓、瞓大脾、擁抱、按摩……今次就主要試埋其他服務條片10分鐘長,絕無色情成份,你哋同我著番條褲先。

Read more ›

秋葉原新服務 美女廚房同你煮飯仔

嘩正呀,打機打到餓,有咩好得過整個印尼撈麵打孖上,食到悶咩?叮個波仔飯睇埋套金魂,再唔係辛苦啲落去買個8號餐上嚟嘆住,如果嗰日心情好,我仲會行遠啲去買KFC,煮多個罐頭湯或者叮個碗仔翅,一生一大享受……可能啲靚女佢哋唔忍心我哋食咁多劣食,所以喺日本秋葉原,新搞咗一門生意,係「男性向」料理教室……有著制服(絕對領域全開!)嘅女導師教你整幾味!

Read more ›