Tag: 秋葉原

【有片】日本秋葉原成人VR體驗會 群情洶湧2次元的愛

用VR玩成人遊戲,絕對係極有發展潛力,堪稱擁有改變世界嘅力量。啱啱今日(12日)喺秋葉原就有呢個體驗會「アダルトVRフェスタ」初舉行,估唔到咁多人嚟排隊參加玩,搞到警察都嚟埋……有日本網民就話比較擔心係試玩緊時有反應咁點算?咁其實呢啲裝置就係想玩家有反應嘛……

Read more ›

8年過去 「秋葉原無差別殺傷事件」獻花悼念

8年前嘅6月8日,係星期日,喺日本時間啱啱過咗嘅中午12時30分,有兇徒喺「東京都千代田区外神田」秋葉原持刀殺人傷人,最後令7人死亡,10人受傷,更加令到每逢星期日12時至17時嘅「秋葉原歩行者天国」行人專區停開,直至2011年1月23日先再開番。已經8年喇,今日喺事發地點繼續有燒香台同有人獻花悼念死者。希望呢啲事件真係唔好再發生喇。

Read more ›

【有片】秋葉原攝影會 《ばくおん!!》「川崎来夢」+痛Bike

TV動畫《ばくおん!!》下個月就出碟,於是趁之前黃金周就喺秋葉原有宣傳活動,有真人版「川崎来夢」連埋「川崎来夢ver. 痛バイク」到場。架車本身係KAWASAKI嘅Ninja 250 Special Edition),超有型!不過其實我想睇「「川崎来夢」頭盔下面係咩樣,會唔會……

Read more ›

日本專業學院開Course 助御宅族打進秋葉原搵食

  就是不一樣!香港社會就係太功利,大白象工程就大把,根本唔會肯投放資源喺ACG;日本就唔同,沉迷ACG嘅御宅族都大大片出頭天,Tokyo School of Anime為幫助御宅族打入秋原葉呢個充滿商機嘅動漫世界,為御宅族投身自己鍾意嘅行業鋪路,特別開設新學系「Akiba Business World」,課程分六個Course,包括「女僕及角色扮演」、「同人誌」、「偶像團體」、「偶像團隊主理人」、「動漫活動人員」同「動漫創作」,鍾意或擅長邊瓣,可以自由選讀,2017年4用正式開課。噓!呢個世界原來真係有寓工作於娛樂呢一回事,感覺好葡萄。

Read more ›

【有片】大量目擊野生捕獲 秋葉原電氣街出現「浣熊」

今次真係野生捕獲喇,因為真係野生浣熊。噚晚(4日)傍晚7點,喺秋葉原電氣街就出現咗一隻浣熊爬咗喺棵樹上面,繁忙時間,梗係有大量網民影到相啦!有人報警後,最後1個半鐘頭後就成功捕獲咗佢,其中有3名警官被咬傷。據報道講,經專家檢驗後,呢隻浣熊應該係野生嘅,體長有成60cm,而有日本網民就奇怪點解秋葉原會有野生動物出現,亦有人諗起「平成狸合戦」,我就話會唔會係Cosplayer嚟?

Read more ›

【大量目擊】秋葉原見《回到未來》時光車 狂影相放上網

今年2015年,見到《回到未來II》中出現嘅「DeLorean DMC-12」其實一啲都唔奇……喺噚日(24日),喺東京秋葉原就好多人見到電影入面嘅「DeLorean DMC-12」出現喺路上,好多人影相,到底係邊個咁有型改到架車咁樣?原來8月22日至23日,喺東京舉行嘅「Hollywood Collectors Convention No.7」,請嚟電影中嘅博士「Christopher Lloyd」嚟日本,而呢架車就係嚟自會場啦。

Read more ›

秋葉原囡囡派爆乳扇 賀《Bikini Warriors》動畫開播

7月7日開播嘅《Bikini Warriors》,由Hobbyjapan、Megahouse合作由Figure到動畫,賣點好簡單,美乳、爆乳,盔甲多少絕對唔影響防禦力咁解。「葛谷直行」監督、「大河原晴男」演出、「玉井☆豪」劇本,角色設計就有「Tony」、「廣江禮威」、「Hisasi」等大師,仲有聲優陣「日笠陽子」、「植田佳奈」、「加隈亞衣」、「高橋智秋」等。為咗宣傳動畫,呢兩日喺秋葉原就有囡囡派扇,而把扇就係動畫嘅賣點……不過,我更加喜歡佢件Tee,男人著一樣有好立體嘅效果,同啲紙板公仔一樣。

Read more ›

【秋葉原的悲哀系列】遊戲讓位 「アミューズメント館」地下變身主打免稅品

唉,香港啲士多、小店變晒藥房、金舖,日本呢……之前都報過秋葉原Gamers本店大廈天台嘅「でじこ」看板喺上個月15日換成一個「免稅店」廣告……o依家就輪到「アミューズメント館」嘅1階,即係地面嗰層,本來係賣電視遊戲嘅,但喺7日關門之後就有變動,第二朝變咗做「観光客向」嘅「免税商品フロア」主打……而電視遊戲新產品就搬咗上2樓。睇到簡體字「歡迎光臨」,我覺得自己真係一隻好唔聽話又有啲傷感嘅貓,入嚟有得對比吓以前嘅「盛況」。

Read more ›

【悼念】「秋葉原無差別殺傷事件」發生7年 路上見花束燒香

講起轟動一時嘅「秋葉原無差別殺傷事件」,好似已經發生咗好耐咁,原來其實只係7年前。喺2008年6月8日星期日,中午12時30分左右,有人持刀喺「東京都千代田区外神田」秋葉原殺人傷人,最後導致7人死亡,10人受傷,更加令到逢星期日12-17嘅「秋葉原歩行者天国」行人專區停開,直至2011年1月23日先再開番……今日就係事件7周年,見Twitter網民放圖,喺秋葉原路上都出現燒香台同花束悼念死者。呢啲事希望唔好再發生喇。

Read more ›

【睇咗當去咗】秋葉原「メガホビEXPO2015 Spring」 1:1高智能 大量Figure圖集

呢兩日(30/31日)喺秋葉原UDX舉行嘅「メガホビEXPO2015 Spring」,其實真係好想去現場睇吓,因為有之前都報道過嘅《高智能方程式》「1/1 新世紀GPXサイバーフォーミュラ スーパーアスラーダ01(SUPER ASURADA)」,之後,仲有《數碼暴龍Adventure tri(デジモンアドベンチャー tri.)》,仲有大量Figure……不過我喺香港,唯有睇日本網報道嘅圖集。

Read more ›

【秋葉原的悲哀】Gamers本店天台「でじこ」地標式看板 換成免稅店廣告

嚟自「Di Gi Charat」嘅「でじこ」,喺2000年前後開始已經成為Gamers嘅吉祥物,而喺秋葉原本店大廈天台嘅廣告板,都長期一直係佢嚟。不過,噚日(15日)就有人放相上網,見到呢個「でじこ」看板已經換成一個「免稅店」廣告……唉,作為香港人,我好明白呢份傷感。

Read more ›

【毒fashion】日本網站秋葉原實地調查 30.5%男性著格仔恤

喺啲日劇、日影或者電視訪問都見過,亦都成日俾人攞嚟笑,就係去秋葉原嘅毒男,最愛就係著格仔恤衫……有網站就真係趁黃金週假期走咗去秋葉原做調查,雖然只係目測,不過當得啖笑睇吓都幾好。喺秋葉原站電氣街出口用咗30分鐘目測,結果係合共睇到842人,當中有257人著格仔恤衫,除咗經典著法著喺Tee外面之外,仲有綁喺腰……至於顏色方面,綠色就佔咗115人!嘩!話時話,諗番起其實我屋企都有三幾件格仔恤衫,其中兩件係綠色,代表咩?

Read more ›

【食嗰份手感】秋葉原飯團Cafe 囡囡親手握飯團

嘩!仲暖o架!直情感受到囡囡手上嗰份體溫呀!講完我都覺得自己有啲癡漢潛力,但其實我真心想試一試。呢間喺日本嘅「ガルむす」girls OMUSUBI cafe,就有呢個囡囡握飯團活動,有日本傳媒去試咗,呢位用手幫佢握飯團嘅囡囡叫「寺島りほ」,20歳。睇番佢官方Twitter,其他囡囡都係16至18歲嗰啲,唔,估唔到佢哋咁年輕就握得一手好飯團,但點解幫襯嗰啲多數係一個男人?

Read more ›

秋葉原藍絲實況 賣晒派晒熱潮繼續

噚日報道日本秋葉原有動畫《ダンジョンに出会いを求めるのは間違っているだろうか》「ヘスティア様」條藍絲賣,1,000円,亦都有店免費派,估唔到係唔只派嘅派晒,賣1,000円條嘅都賣晒!既然紅成咁,有日本網站就再帶大家睇吓秋葉原邊度仲有「ヘスティア」嘅影踪。

Read more ›

秋葉原火速有賣有送 動畫《ダンまち》綁胸「例の紐」

呢個熱潮,嚟自4月3日開播嘅動畫《ダンジョンに出会いを求めるのは間違っているだろうか》,入面「ヘスティア様」嘅衣裝,就係用條藍絲箍住個胸底……早兩日我哋都分享過日本Coser試用嘅性感圖,睇到人好開心,咁秋葉原嘅舖頭就梗係反應快啦,「例の紐」有得賣喇!1000円,但有舖頭就放喺度任人攞!入嚟又有得睇吓Coser示範……

Read more ›